సిల్వర్ సింధు: రజనీ, బాలయ్య, మహేష్, రాజమౌళి, ఎన్టీఆర్ స్పందన...

By Bojja Kumar

Published: Saturday, August 20, 2016, 13:36 [IST]

హైదరాబాద్: రియో ఒలంపిక్స్‌లో తెలుగు జాతి కీర్తి పతాకాన్ని ఎగరవేడయంతో పాటు దేశ పరువు నిలబెట్టిన బాడ్మింటన్ క్రీడాకారిణి పివి.సింధుపై దేశ వ్యాప్తంగా ప్రశంస వర్షం కురుస్తున్న సంగతి తెలిసిందే. తెలుగు సినీ ప్రముఖులు సైతం ఇందులో జాయిన్ అయ్యారు. సింధును పొగడ్తలతో ముంచెత్తారు.

నటుడు బాలయ్య స్పందిస్తూ.. 21 ఏళ్ల చిరుప్రాయంలో భారతీయ జాతిపతాక గౌరవాన్ని ప్రపంచపు నలుమూలలా వ్యాపింపజేయడంతోపాటు తెలుగు వారి ఘన కీర్తిని ప్రపంచానికి చాటి చెప్పిన మన తెలుగు వనిత కుమారి పి.వి.సింధుని గౌరవించుకోవడం తెలుగు వారిగా, భారతీయులుగా మన కర్తవ్యం. తొలి ప్రయత్నంలోనే "ఒలింపిక్" పతాకం అందుకొన్న మొట్టమొదటి యువతిగా రికార్డ్ సృష్టించిన సింధు మరెందరో స్ఫూర్తిగా నిలిచింది. మా బసవతారకం ఆసుపత్రిలో నిర్వహించిన ఎన్నో కార్యక్రమాలకు విశిష్ట అతిధిగా విచ్చేసిన సింధు నేడు ప్రపంచ వ్యాప్తంగా కీర్తింపబడుతుండడం నాకెంతో సంతోషాన్నిస్తోందని నందమూరి బాలకృష్ణ తెలిపారు.

గుణ్ణం గంగరాజు స్పందసిస్తూ...
రెండు నిమషాలు బాధ కలిగుండొచ్చు, ఆశించింది చేతికి రాలేదని. భారతీయులందరికీ. తెలుగువాళ్ళకి ఇంకొంచుం ఎక్కువగా. టీ వీ ముందు అలా కూర్చుండిపోయి వుండొచ్చు. కాని సింధుకి అంత సమయం కూడా పట్టలేదు, కోలుకోవటానికి. నెట్ అవతలి పక్కకు వెళ్ళింది. అక్కడ నేల మీద బోర్లా పడుకుని ఇప్పటివరకు ఏ యూరపియన్ అమ్మాయికి దక్కని బంగారు పతకం దక్కిన ఆనందం తో కన్నీళ్ళు కారుస్తున్న కేరొలీన మారిన్ ని పైకి లేపి హత్తుకుంది.ఇది సహ అనుభూతి; ఇది తన పైన నెగ్గిన వారికి సింధు చూపిన గౌరవం, ఆప్యాయత. మారిన్ సింధు ని కౌగిలించుకొని ఆ విజయోత్సాహం లో తన కోచ్ ల వద్దకు వెళ్ళిపోయింది. తన రేకెట్ కోర్ట్ మీద మర్చిపోయి. సిందు ఆ రేకట్ తీసి, మారిన్ కిట్ బేగ్ దగ్గర పెట్టి అప్పుడు తన గురువు దగ్గరకు వెళ్ళింది. ఇది సంస్కారం. ఇదీ బంగారం. తల్లి తండ్రుల పెంపకం, గురువుల శిక్షణ తో వచ్చేది; గవర్నమెంటు సంబరాలతో, శాసనాలతో ఉప్పొంగేది కాదు. సింధు ఏ దేశానిదో, ఏ రష్ట్రానిదో అన్నది అనవసరం. ఇలాంటి బంగారం ఒకటుంది ప్రపంచం లో. అది మలచిన రమణ విజయలక్ష్మిలకు, గురువు గోపిచంద్ కు నమస్కరిద్దాం అన్నారు.

స్లైడ్ షోలో రాజమౌళి, ఎన్టీఆర్, అఖిల్, ఇతర సినీ స్టార్లు పి.వి.సింధు గురించి ఏమన్నారు అనే విషయాలు చూద్దాం...

బాలయ్య

మా బసవతారకం ఆసుపత్రిలో నిర్వహించిన ఎన్నో కార్యక్రమాలకు విశిష్ట అతిధిగా విచ్చేసిన సింధు నేడు ప్రపంచ వ్యాప్తంగా కీర్తింపబడుతుండడం నాకెంతో సంతోషాన్నిస్తోందని నందమూరి బాలకృష్ణ తెలిపారు.