మహేష్, రామ్ చరణ్‌తో పాటు బరిలోకి బాలయ్య

హైదరాబాద్: నందమూరి బాలకృష్ణ ప్రస్తుతం సత్య దేవ్ దర్శకత్వంలో ‘లయన్' చిత్రం చేస్తున్న సంగతి తెలిసిందే. ఇది బాలయ్య 98వ చిత్రం. దీని తర్వాత బాలయ్య చేయబోయే 99వ చిత్రం ‘డిక్టేటర్'. ఈ చిత్రానికి శ్రీవాస్ దర్శకత్వం వహించనున్నారు. ‘లయన్' చిత్రం పూర్తయిన వెంటనే కొంత గ్యాప్ తీసుకుని సినిమా ప్రారంభం కానుంది.

ఈ చిత్రాన్ని బాలీవుడ్ ప్రొడక్షన్ హౌస్ ఈరోస్ నిర్మించబోతోంది. ప్రస్తుతం డైరెక్టర్ శ్రీవాస్ స్ర్కిప్టు ప్రిపరేషన్లో ఉన్నాడు. ఈ చిత్రాన్ని దసర నాటికి విడుదల చేయడానికి ప్లాన్ చేస్తున్నారట. అందుకు తగిన విధంగా షెడ్యూల్స్ రెడీ చేస్తున్నట్లు సమాచారం. దసర సీజన్లో మహేష్ బాబు- శ్రీకాంత్ అడ్డాల మూవీతో పాటు రామ్ చరణ్-శ్రీను వైట్ల మూవీ కూడా దసర సందర్భంగా విడుదల చేసేందుకు ప్లాన్ చేస్తున్నారు.

ఈ మూడు సినిమాలు దసరాకే విడుదలయితే పోటీ రసవత్తరంగా మారనుంది. బరిలో ముగ్గురు బడా హీరో ఉంటే బాక్సాఫీసు షేక్ అవ్వడం ఖాయం. అయితే గెలుపు ఎవరిని వరిస్తుంది అనేదే అసలు పాయింట్. ఇవన్నీ తేలాలంటే దసరా పండగ వరకు ఆగాల్సిందే డూడ్స్.