Don't Miss!
- News హైదరాబాద్, కరీంనగర్ కాంగ్రెస్ అభ్యర్థులు వీరే: ఖమ్మంలో హీరో వెంకటేష్ వియ్యంకుడు
- Sports T20 World Cup 2024 బ్రాండ్ అంబాసిడర్గా పరుగుల చిరుత.!
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
ఐశ్వర్య డెలివరీ కవరేజ్ పై క్యూరియాసిటినీ తగ్గించుకోండి: బిఈఎ..!?
ప్రతి విషయాన్ని పదే పదే చూపుతూ, అనవసరమైన వ్యక్తిగతమైన అంశాలకు లేనిపోని ప్రాధాన్యాన్నిస్తూ కవర్ చేసే టీవీ చానెల్స్ అత్యుత్సాహానికి సంకెల పడుతోంది. ఈ విషయంలో తొలిసారిగా అందాలతార ఐశ్వర్యా రాయ్ కాన్పు కవరేజీని నియంత్రించడానికి 'బిఈఎ" (బ్రాడ్ కాస్ట్ ఎడిటర్స్ అసోసియేషన్) నడుంబిగించింది. 11.11.11 న జరిగే ఐష్ కాన్పు కవరీజీ విషయంలో టీవీ చానెల్స్ కు మార్గదర్శకాలు సూచించింది. కాన్పు ముందు ఎలాంటి కథనాలు ప్రసారం చేయకూడదు. కాన్పుకు సంబంధించి అధికారిక ప్రకటన వెలువడిన తర్వాతే కథనాలు ప్రసారం చేయాలి. బ్రేకింగ్ న్యూస్ పేరుతో వార్తలు ఇవ్వకూడదు.
ఐష్ చేరిన ఆసుపత్రి బయట కానీ, వారి ఇంటి వద్ద కానీ ఓబీ వ్యానుల్ని (లైవ్ కవరేజీ ఇచ్చే వాహనాలు) ఉంచరాదు. అమితాబ్ కుటుంబం వారు ఇస్తే తప్ప డెలివరీకి సంబంధించిన ఎలాంటి ఫోటోలు ప్రసారం చేయకూడదు. అలాగే, ఆమెకు పుట్టే బేబీ గురించిన ఎలాంటి జ్యోతిష్యాలు, చర్చా కార్యక్రమాలు నిర్వహించరాదు. ఇక ఆ తేదీకి, బేబీ జననానికీ ముడిపెడుతూ ఎలాంటి కథనాలు అల్లకూడదు. ఈ మార్గదర్శకాలను టీవీ చానెల్స్ అన్నీ పాటించాలని (బిఈఎ)కోరింది. దీంతో ఐష్ డెలివరీపై ప్రత్యేక కార్యక్రమాలు రూపొందించాలనుకున్న టీవీ చానెల్స్ ఉత్సాహంపై చన్నీళ్లు చల్లినట్టయిందని చాలా మంది వాపోతున్నారు. అయినా, వీటిని ఎన్ని చానెల్స్ పాటిస్తాయో చూడాలి...!