‘ఉంగరాల రాంబాబు’ పబ్లిక్ టాక్, ఆడియన్స్ రివ్యూ

సునీల్ ఉంగరాల రాంబాబు యావరేజ్ అంటున్నారు. సినిమాలో కొత్తదనం లేదనే పబ్లిక్ టాక్ వినిపిస్తోంది.

By Bojja Kumar

Updated: Friday, September 15, 2017, 12:58 [IST]

Recommended Video

"Ungarala Rambabu" Public Talk ‘ఉంగరాల రాంబాబు’ పబ్లిక్ టాక్

సునీల్ హీరోగా, మియాజార్జ్ హీరోయిన్ గా క్రాంతి మాధవ్ దర్శకత్వంలో తెర‌కెక్కిన చిత్రం ఉంగరాల రాంబాబు. ఈ రోజు ఈ చితం (సెప్టెంబ‌ర్ 15) ప్రపంచ వ్యాప్తంగా గ్రాండ్‌గా విడుద‌లైంది. కామెడీ ఎంటర్టెనర్‌గా ఈ చిత్రం తెరకెక్కింది.

ఈ సినిమాలో సునీల్, మియా జార్జ్, ప్రకాష్ రాజ్, పోసాని కృష్ణ మురళి, ఆశిష్ విద్యార్థి, ఆలీ, వెన్నెల కిషోర్, రాజీవ్ కనకాల, రాజా రవీంద్ర, మధు నందన్, ప్రభాస్ శ్రీను, తాగుబోతు రమేష్, దువ్వాసి మోహన్, సత్తెన్న, చిత్రం శ్రీను, సత్యం రాజేష్, విజయ్ కుమార్, నల్ల వేణు, అనంత్, మిర్చి హేమంత్, ఐమాక్స్ వెంకట్, రమణా రెడ్డి, శ్రీ హర్ష, శివన్ నారాయణ, మాస్టర్ హన్సిక్, కె.ఎల్.ప్రసాద్, జెమిని ప్రసాద్, మణిచందన, హరి తేజ, మౌళిక, మిధున తదితరులు నటించారు.

సినిమా చూసిన పలువురు ప్రేక్షకులు తమ అభిప్రాయాలు వెల్లడించారు, వారి నుండి సేకరించిన అభిప్రాయాల ప్రకారం సినిమా టాక్ ఇలా ఉంది.....

ఖైదీ నెం 150 స్టైల్ లో ఇంట్రడక్షన్

ఖైదీ నెం.150 మూవీలో చిరంజీవిని ఇమిటేట్ చేస్తూ సునీల్ ఎంటరైన తీరు ఆకట్టుకుందని ఆయన అభిమానులు అంటున్నారు. సునీల్ తనదైన డాన్స్ స్టెప్పులు, పెర్ఫార్మెన్స్ తో ఆకట్టుకున్నాడని అంటున్నారు.

ప్రొడక్షన్ వ్యాల్యూస్ బావున్నాయట

సినిమాలో ప్రొడక్షన్ వ్యాల్యూస్ చాలా బావున్నాయని అంటున్నారు. సునీల్ మార్కెట్ తో పోలిస్తే ఇది చాలా ఎక్కువే అని అంటున్నారు. యునైటెడ్ కిరీటి మూవీస్ లిమిడెట్ బేనర్లో పరుచూరి కిరీటి ఈ చిత్రాన్ని నిర్మించారు.

సునీల్, పోసాని మధ్య కామెడీ

ఈ సినిమాలో పోసాని కృష్ణ మురళి బాదమ్ బాబాగా నటించారు. సునీల్, పోసాని మధ్య వచ్చే సన్నీ వేశాల్లో కామెడీ ఓకే అనేలా ఉందనే టాక్ వినిపిస్తోంది.

హీరో, హీరోయిన్ కెమిస్ట్రీ

సినిమాలో హీరో హీరోయిన్ మధ్య కెమిస్ట్రీ బావుందని..... రాంబాబు పాత్రలో సునీల్, సావిత్రి పాత్రలో మియా జార్జ్ మధ్య సన్నివేశాలు ఆకట్టుకుంటాయని, వీరిపై దుబాయ్ లో చిత్రీకరించిన ‘సెనోరీటా సెనోరీటా' బావుందనేది ఆడియన్స్ నోటి మాట.