విశాల్‌కు అదేంటే భయం.. ప్రియుడి గుట్టు బయటపెట్టిన వరలక్ష్మి!

వరలక్ష్మి, విశాల్ అఫైర్

గత కొద్దిరోజులుగా వరలక్ష్మీ శరత్ కుమార్‌, విశాల్ మధ్య అఫైర్ కొనసాగుతున్న సంగతి తెలిసిందే. తమిళ సినిమా పరిశ్రమకు సంబంధించిన ఓ భవన నిర్మాణం పూర్తయ్యే వరకు పెళ్లి చేసుకోనని శపథం చేశారు. దాదాపు ఆ భవన నిర్మాణం పూర్తి కావొస్తున్నది. త్వరలోనే వీరిద్దరూ పెళ్లి చేసుకొనే అవకాశాలు ఉన్నాయి.

పాములంటే విపరీతమైన భయం

అయితే ఇటీవల ఓ వెబ్‌సైట్‌కు ఇచ్చిన ఇంటర్వ్యూలో హీరోయిన్ వరలక్ష్మి మాట్లాడుతూ.. హీరో విశాల్‌కు సంబంధించిన వ్యక్తిగత విషయాలను పంచుకొన్నారు. తన బాయ్‌ఫ్రెండ్‌కు కొన్నంటే భయమని చెప్పారు. ముఖ్యంగా పాములంటే విశాల్‌కు విపరీతమైన భయం అని ఇంటర్వ్యూలో పేర్కొన్నారు.

చేతిపై పాము టాటూ చూసి

పాములంటే విశాల్‌కు ఎంత భయమంటే మాటల్లో చెప్పలేం. నా చేతిపై పాము టాటూ చూసిన విపరీతంగా భయపడి పోతాడు. ఆ భయాన్ని తగ్గించేందుకు నా వంతు కృషి చేస్తున్నాను. ఎప్పటికైనా ఆ భయాన్ని తగ్గించగలనో లేదో చూడాలి అని వరలక్ష్మీ శరత్ కుమార్ చెప్పారు.

సినిమాలతో బిజీగా

ఇదిలా ఉండగా, వరలక్ష్మీ శరత్ కుమార్ తమిళ చిత్ర పరిశ్రమలో వరుస చిత్రాలతో బిజీగా ఉన్నారు. ఆమె నటించిన మిస్టర్ చంద్రమౌళి, కురుక్షేత్రం చిత్రం విడుదలకు సిద్ధమవుతున్నది. అలాగే విజయ్ సర్కార్ చిత్రంలోనూ, విశాల్ నటించే సందకోజి2 సినిమాలో నటిస్తున్నారు.

పందెంకోడి2తో విశాల్

ఇక విశాల్ పందెంకోడి2 చిత్ర షూటింగ్‌తో బిజీగా ఉన్నారు. అలాగే ఆయన నటించిన మద గజరాజా అనే చిత్రం రిలీజ్‌కు సిద్దంగా ఉన్నది. ఇటీవల విశాల్ నటించిన అభిమన్యుడు చిత్రం తెలుగు, తమిళ భాషల్లో ఘన విజయాన్ని సొంతం చేసుకొన్నది.