విశ్వరూపం రూ. 350 కోట్లు వసూలు చేస్తుంది: కమల్ హాసన్

హైదరాబాద్: కమల్ హాసన్ 'విశ్వరూపం' చిత్రం డిటిహెచ్ రిలీజ్ నేపథ్యంలో థియేటర్ల ఓనర్లు, డిస్ట్రిబ్యూటర్ల నుంచి తీవ్ర వ్యతిరేకత వ్యక్తమవుతున్న సంగతి తెలిసిందే. ఈ చిత్రం కేవలం తమిళ సినిమా చరిత్రలోనే బిగ్ బడ్జెట్ సినిమా కాదు... భారతీయ సినీ చరిత్రలోనే ఇదో భారీ బడ్జెట్ చిత్రం.

విశ్వరూపం సినిమా మొత్తం ఖర్చు దాదాపు రూ. 100 కోట్లకు చేరువైంది. ఈ సినిమాను తెలుగు, తమిళం, హిందీలో విడుదల చేస్తున్న నిర్మాతలు ఈచిత్రం బాక్సాఫీసు వద్ద భారీ లాభాలను తెచ్చి పడుతుందని ఆశిస్తున్నారు. ఈ చిత్రం డిటిహెచ్ రైట్స్, థియేట్రికల్ రైట్స్, శాటిలైట్ రైట్స్ అన్నీ కలిపి భారీ లాభాలను తెచ్చి పెడుతుందనే నమ్మకం వ్యక్తం అవుతుంది నిర్మాతల నుంచి.

ఈ చిత్ర నిర్మాతల్లో ఒకరైన కమల్ హాసన్ చెప్పిన వివరాల ప్రకారం.... ఈ చిత్ర నిర్మాణానికి రూ. 95 కోట్లు ఖర్చయింది, ఈ చిత్రం తమకు 100శాతం లాభాలను తెచ్చి పెడుతుందని ఆశిస్తున్నారు. ఓ ప్రముఖ నేషనల్ ఛానల్ ఇంటర్వ్యూలో కమల్ హాసన్ హాట్లాడుతూ... 'విశ్వరూపం చిత్రం నుంచి నేను 100 శాతం లాభాలను ఎక్స్ పెక్ట్ చేస్తున్నాను. థిట్రికల్ రైట్స్, డిటిహెచ్ రైట్స్ అన్నీ కలిపి రూ. 350 కోట్ల వరకు వసూలు చేస్తుందని భావిస్తున్నాను' అని వెల్లడించారు.