‘మహర్షి’ ఎఫెక్ట్: వీకెండ్ వ్యవసాయం షురూ... పులికించిపోయిన మహేష్ బాబు

వీకెండ్ వ్యవసాయం మొదలైందంటూ మహేష్ బాబు ట్వీట్

వీకెండ్ వ్యవసాయం అనేది మొదలైంది. ఇలాంటి మార్పు కేవలం మన తరానికి మాత్రమే కాదు రాబోయే తరాలకు కూడా మంచి ప్రారంభం. ఒక భవిష్యత్ కోసం చొరవ తీసుకుని ముందు వచ్చినందుకు మధుర శ్రీధర్, అమిత్ సాజనె లాంటి వారిని ఎంకరేజ్ చేయాల్సిన అవసరం ఉంది అంటూ మహేష్ బాబు ట్వీట్ చేశారు.

రైతులకు కావాల్సింది సానుభూతి కాదు, గౌరవం

తన పొలంలోకి వెళ్లి వ్యవసాయం చేస్తూ కనిపించిన నిర్మాత మధుర శ్రీధర్ రెడ్డి స్పందిస్తూ... ‘రైతులు మన నుంచి నాభూతి కోరుకోవడం లేదు. మన నుంచి గౌరవం కోరుకుంటున్నారు. మహర్షి సినిమా వల్ల ఒక మంచి ఆలోచన నాలో కలిగింది. ఇలాంటి సినిమా అందించిన మహేష్ బాబును అభినందించకుండా ఉండలేక పోతున్నాను. దర్శకుడు వంశీపైడిపల్లి, దిల్ రాజు నిజాయితీగా రైతుల సమస్యలను తమ సినిమాలో చూపించారు. ఇది నాకు ఎంతో నచ్చింది.' అని ట్వీట్ చేశారు.

మనిషికి, భూమికి మధ్య వ్యవసాయ బంధం

వ్యవసాయం అనేది మనిషికి, భూమికి మధ్య ఉన్న ఒక అద్భుతమైన రిలేషన్. మహర్షి సినిమా చూసిన వీకెండ్ వ్యవసాయం విషయంలో స్పూర్తి పొందాను. వ్యవసాయం చేయడం ప్రారంభించాను. అందరూ దీన్ని ఫాలో అవ్వండి అని తెలిపారు.

మహర్షి

మహేష్ బాబు కెరీర్లో 25వ చిత్రంగా ‘మహర్షి' తెరకెక్కింది. పూజా హెడ్గే హీరోయిన్‌గా నటించగా... అల్లరి నరేష్ కీలక పాత్ర పోషించారు. ఇంకా ఈ చిత్రంలో అనన్య, మీనాక్షి దీక్షిత్, జగపతి బాబు, రాజేంద్రప్రసాద్, సాయి కుమార్, ముఖేష్ రిషి, ప్రకాష్ రాజ్, నాజర్, నరేష్, పోసాని, జయసుధ తదితరులు ఇతర పాత్రల్లో నటించారు. దిల్ రాజు, అశ్వినీదత్, పివిపి నిర్మాతలు.