»   » 'లెజెండ్‌'లో బాలకృష్ణ టాటూ గురించి బోయపాటి

'లెజెండ్‌'లో బాలకృష్ణ టాటూ గురించి బోయపాటి

Subscribe to Filmibeat Telugu
For Quick Alerts
ALLOW NOTIFICATIONS
For Daily Alerts
    What is there in Balakrishna's Tattoo?
    హైదరాబాద్ : ''లెజెండ్‌లో బాలయ్యను కొత్తగా చూపించాలనుకొన్నాం. టాటూ ఆలోచన కూడా అందులోంచి వచ్చినదే. ఈ టాటూలో ఓంకారం, త్రిశూలం, గొడ్డలి కనిపిస్తాయి. శాంతానికీ, ధర్మానికీ, న్యాయానికీ చిహ్నంగా ఈ టాటూ రూపకల్పన చేశాం. పాత్ర స్వభావానికి చిహ్నాలివి. 'లెజెండ్‌'లోని బాలయ్య పాత్ర చిత్రీకరణలో బుద్ధుడు, అశోకుడు కనిపిస్తారు. అంటే ఎదురయ్యే మనిషిని బట్టి...హీరో ప్రవర్తన మారుతుంది. అది చెప్పడానికే ఆ టాటూ. ముందు బాలయ్య మాత్రం 'టాటూనా? నాకా?' అన్నారు. కానీ దాని వెనుక ఉన్న ఉద్దేశం చెప్పగానే... 'సరే చేద్దాం' అని ప్రోత్సహించారు'' అంటూ దర్శకుడు బోయపాటి శ్రీను చెప్పుకొచ్చారు.

    బాలకృష్ణ మాట్లాడుతూ ''నాన్నగారి రోజుల నుంచి మాకు బలాన్నిస్తున్న ప్రేక్షకులకు, అభిమానులకు ధన్యవాదాలు. ఈ చిత్రంలో దేవిశ్రీప్రసాద్‌ మంచి సంగీతాన్ని అందించాడు. తన తండ్రిపేరును నిలబెడుతున్నాడు. రామజోగయ్య శాస్త్రి రాసిన పాటలు చాలా బాగున్నాయి. ఇందులో జగపతిబాబుది ప్రతి నాయక పాత్ర అని చెప్పను. నాతో సమానమైన పాత్ర అది. వాళ్ల నాన్నగారు స్థాపించిన సంస్థలో నేను రెండు సినిమాలు చేశాను. దర్శకుడు బోయపాటి గుంటూరు మిరపకాయ్‌ లాంటివాడు. అభిమానులకిది పంచ భక్ష పరమాన్నంలాంటి సినిమా. కుర్రాళ్లకు ఏం కావాలో నాకు బాగా తెలుసు. నేను కూడా చిన్నపిల్లాడిలా మారిపోయి ఇందులో నటించాను. వయసుతో సంబంధం లేకుండా పాత్రలోకి పరకాయ ప్రవేశం చేయడం నా అలవాటు. ఈ సినిమా పెద్ద విజయం సాధిస్తుంది. అభిమానుల బలమే కొండంత అండ. నా అభిమానులు సేవా కార్యక్రమాల్లోనూ ముందుంటున్నారు. వారందరికీ నేను ఎప్పుడూ అండగా ఉంటా'' అన్నారు. సెంటరైనా స్టేటైనా.. పొజిషన్‌ అయినా అపోజిషన్‌ అయినా.. పవర్‌ అయినా పొగరైనా... నేను వచ్చేవరకే. వన్స్‌ ఐ స్టెప్‌ ఇన్‌. హిస్టరీ రిపీట్స్‌'' అన్నారు బాలకృష్ణ.

    ''నేనూ నాన్నగారి అభిమానినే. ఆయన చిత్రరంగానికి చేసిన సేవలు మరువలేనివి. ఆవేశం, ఆలోచన ఎన్టీఆర్‌గారి తర్వాతే పుట్టాయి. ఆయన రాజకీయంగా ఓ చరిత్ర సృష్టించారు. మనకే కాదు ప్రపంచం మొత్తానికీ ఎన్టీఆర్‌గారే నిజమైన 'లెజెండ్‌'' అన్నారు నందమూరి బాలకృష్ణ. ఆయన హీరోగా నటించిన చిత్రం 'లెజెండ్‌'. సోనాల్‌ చౌహాన్‌, రాధికా ఆప్టే హీరోయిన్స్ . జగపతిబాబు విలన్ గా నటించారు. బోయపాటి శ్రీను దర్శకుడు. 14 రీల్స్‌, వారాహి చలన చిత్ర సంస్థలు సంయుక్తంగా నిర్మిస్తున్నాయి. దేవిశ్రీప్రసాద్‌ స్వరాలు సమకూర్చారు.

    English summary
    'As I'm working with Balayya after Simha, many stated that I'm repeating another Simha. If that is the case, I need not direct this movie. To create a fresh perspective and to make Balayya look new, we have used that tattoo', said Boyapati.
     

    తక్షణ సినీ వార్తలు, మూవీ రివ్యూలను రోజంతా పొందండి - Filmibeat Telugu

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more