కళాభవన్ మణి కోసం... : రజనీ, ఐశ్వర్య వెయిట్ చేసినప్పుడు..

By Srikanya

Published: Tuesday, March 8, 2016, 15:10 [IST]

చెన్నై : ఊహించని విధంగా కళాభవన్ మణి మృతి చెందటం తమిళ, మళయాళ,తెలుగు పరిశ్రమలవారిని కలిచి వేసింది. వారు మణితో తమకు ఉన్న అనుబంధాన్ని తలుచుకుని కన్నీటి పర్యంతం అవుతున్నారు. మనం ఇక్కడ చెప్పుకునే సంఘటన రోబో షూటింగ్ సమయంలో జరిగింది.

ఆ షూటింగ్ సమయంలో ప్లైట్ లేటవటంతో కళాభవన్ మణి అనుకున్న సమయానికి షూటింగ్ కు రాలేకపోయారు. ఆ రోజు షూటింగ్ లో రజనీ, ఐశ్వర్యారాయ్, కళాభవన్ మణి కాంబినేషన్. అప్పటికే చాలా సేపటినుంచి ఎదురుచూస్తున్నారు. ఈ విషయం అర్దం చేసుకున్న మణి. దర్శకుడు శంకర్ కు ఫోన్ చేసి....సారీ చెప్తూ.. వేరే ఆర్టిస్టుతో ముందుకు వెళ్లిపొమ్మని రిక్వెక్ట్ చేసాడు.

అయితే శంకర్ కు ఇష్టం లేదు. అలాంటి ఆర్టిస్టు మరొకరు దొరకరని, వేరే ఫ్లైయిట్ పట్టుకుని రమ్మని వెయిట్ చేద్దామని అన్నారు. దాంతో మణి..సర్లే తాను వచ్చేవరకూ వేరే సీన్స్ షూట్ చేస్తాడు శంకర్ అని ఫిక్స్ అయ్యి వస్తే..ఇక్కడ రజనీ, ఐశ్వర్యారాయ్ ఎదురుచూస్తున్నారు. ఇది తనకు చాలా ఎబ్రాసింగ్ గా అనిపించిందని మణి చెప్పేవారు. అయితే ఆయన ఏక్టింగ్ కాలిబర్ అలాంటిది. అందుకే ఇండస్ట్రీ అంతా ఎదురుచూసేది.