Don't Miss!
- News రేవంత్ నన్ను జైల్లో వేస్తాడట..: కాంగ్రెస్ సర్కారుపై కేసీఆర్ నిప్పులు
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
ఎందుకు హ్యాక్ చేసాడో తెలుసా? : హీరోయిన్ కరీనా ఐటీ వివరాలు హ్యాక్.. వ్యక్తి అరెస్ట్
కరీనా కపూర్ ఐటీ వివరాలను హ్యాక్చేసిన వ్యక్తి చెప్పిన సమాధానం అందరిని ఆశ్చర్యపరిచింది.
ముంబయి: కొన్ని వింటూంటే ఇలాంటి పిచ్చోళ్లు కూడా ఉంటారా అని ఆశ్చర్యం వేస్తుంది. అభిమాని అంటూనే హ్యాక్ చేయటం ఏమిటి..పిచ్చి కాకపోతే.. బాలీవుడ్ నటి కరీనా కపూర్ ఐటీ వివరాలను హ్యాక్చేసేందుకు యత్నించిన వ్యక్తిని పోలీసులు అరెస్ట్ చేశారు.
ఈ వ్యవహారంలో పారామిలటరీ బలగాలకు చెందిన 26 ఏళ్ల యువకుడిని సైబర్సెల్కు చెందిన పోలీసులు అరెస్టుచేశారు. ఈ అంశంపై కరీనా సీఏ ఇచ్చిన ఫిర్యాదు మేరకు రంగప్రవేశం చేసిన పోలీసులు నిందితుడిని అరెస్టుచేశారు. అయితే హ్యాక్ చేయటానికి అతను చెప్పిన సమాధానం అందిరినీ షాక్ కు గురిచేసింది.
పూర్తి వివరాల్లోకి వెళితే...2016 సెప్టెంబర్లో కరీనా ఆదాయ పన్ను ఖాతా హ్యాకింగ్కు గురైంది. ఉత్తరాది ప్రాంతానికి చెందిన ఓ అధికారి తానే కరీనా ఖాతా హ్యాక్ చేశానని.. తాను కరీనాకు వీరాభిమానినని, ఇలా చేస్తే కరీనాతో మాట్లాడే అవకాశం ఉంటుందని ఇలా చేసినట్లు సైబర్ పోలీసులకు వివరించాడు.
నిందితుడిని వేరే రాష్ట్రంలోనే అరెస్ట్ చేసి సోమవారం మధ్యాహ్నం ముంబయికి తీసుకొచ్చినట్లు డీసీపీ సచిన్ పాటిల్ తెలిపారు. నిందితుడు ఫోన్ సాయంతో కరీనా ఖాతాను హ్యాక్ చేసినట్లు గుర్తించామని అధికారులు పేర్కొన్నారు. అతని ఫోన్లో చాలా ఐపీ అడ్రస్లు ఉన్నాయనీ, దీనిపై విచారణ జరుపుతున్నట్లు చెప్పారు.
నిందితుడి ఆచూకీ తెలియగానే అతన్ని అదుపులోకి తీసుకొని విచారణ జరపగా, కరీనా ఫ్యాన్ నెంబర్ ఆధారంగా ఆమె ఖాతావివరాలు తెలుసుకుని హ్యాక్ చేసినట్లు నిందితుడు అంగీకరించినట్టు పోలీసులు వివరించారు. కేంద్ర ప్రభుత్వ శాఖలో పనిచేస్తున్న నిందితుడు తన సహోద్యోగులకు ఆదాయ పన్ను రిటర్న్స్లో సాయం చేస్తుంటాడని తెలిపారు.