హోమ్

న్యూస్

టాలీవుడ్లో స్టార్‌ గోపీచంద్ ప్రస్తుతం 'పంతం' అనే చిత్రంలో నటిస్తున్నారు. 'ఫర్ ఎ కాజ్' అనేది సబ్ టైటిల్. గతంలో పవర్, జై లవకుశ చిత్రాలకు రచయితగా పని చేసిన కె చక్రవర్తి ఈ చిత్రం ద్వారా దర్శకుడు పరిచయం అవుతున్నాడు. గోపీచంద్ సరసన మెహ్రీన్ హీరయిన్. ఇందులో ఆమె స్కూల్ టీచర్ పాత్రలో కనిపించబోతోంది.

కెరీర్లో 25వ చిత్రం కావడంతో గోపీచంద్ ఈ చిత్రాన్ని ప్రతిష్టాత్మకంగా చేస్తున్నారు. ఇప్పటికే విడుదలైన ఫస్ట్ లుక్‌కు మంచి రెస్పాన్స్ వచ్చింది. తాజాగా సినిమా రిలీజ్ డేట్ ప్రకటించారు. ఈ సినిమాను జులై 5న ప్రేక్షకుల ముందుకు తీసుకొస్తున్నట్లు చిత్ర బృందం ప్రకటించింది.

ఈ చిత్రానికి సంబంధించి గతంలో రకరకాల రిలీజ్ డేట్స్ ప్రచారంలోకి వచ్చాయి. అయితే అందులో నిజం లేదని నిర్మాత ప్రకటించారు. ఈ చిత్రంలో పృధ్వి, జయప్రకాష్ రెడ్డి ముఖ్య పాత్రలు పోషిస్తున్నారు. శ్రీ సత్యసాయి ఆర్ట్స్ బేనర్లో కెకె రాధామోహన్ ఈ చిత్రాన్ని నిర్మిస్తున్నారు.

సంగీతం: గోపీ సుందర్
కెమెరా: ప్రసాద్ మూరెళ్ల
ఆర్ట్: ఏఎస్ ప్రకాష్
మాటలు: రమేష్ రెడ్డి
స్క్రీన్ ప్లే: కె చక్రవర్తి, బాబీ(కెఎస్ రవీంద్ర)
కో డైరెక్టర్: బెల్లంకొండ సత్యం బాబు
ప్రొడ్యూసర్: కెకె రాధా మోహన్
స్టోరీ, డైరెక్షన్: కె. చక్రవర్తి( చక్రి)