సైఫ్ వల్ల నేనిప్పటికీ బాధపడుతున్నా.., రాహుల్ గాంధీపై క్రష్?: కరీనా కపూర్..

నేనిప్పటికీ బాధపడుతున్నా..:

సైఫ్‌ వల్ల నేనిప్పటికీ బాధపడుతూనే ఉన్నా. తనెప్పుడు షూటింగ్‌కి బయలుదేరినా.. నాకు ఏడుపు వచ్చేసినంత పనవుతుంది. దిగులుగా అనిపిస్తుంటుంది. ఆ సమయంలో సైఫ్‌‌ను చాలా మిస్ అవుతుంటా.

సైఫ్ కామెంట్:

కరీనాపై ఆమె భర్త సైఫ్ కూడా ఇటీవల పలు ఆసక్తికర వ్యాఖ్యలు చేశారు. సినిమాల్ని.. వ్యక్తిగత జీవితాన్ని బ్యాలెన్స్ చేసుకోవడంలో కరీనా 'ది బెస్ట్' అన్నారు. కరీనా బాధ్యతగల అమ్మగా ఉండటం తనకు చాలా నచ్చిందన్నారు.

కరీనా ఎప్పుడూ లవ్లీయే..:

కరీనా ఎప్పుడూ లవ్లీగానే ఉంటుందని.. తైమూర్‌(కుమారుడు) పుట్టాక ఆమె గ్లామర్ ఇంకా పెరిగిందని సైఫ్ అన్నారు. తైమూర్ కోసం కరీనా చాలా సమయం కేటాయిస్తోందని, వాడికి కూడా వాళ్ల అమ్మ అంటేనే ఎక్కువ ఇష్టమని చెప్పుకొచ్చారు.

రాహుల్‌పై కరీనా:

సరే, సైఫ్-కరీనాల అన్యోన్యత గురించి పక్కనపెడితే.. 2002లో రాహుల్ గాంధీపై కరీనా చేసిన కామెంట్స్ ఇప్పుడు నెట్టింట్లో వైరల్ అవడం హాట్ టాపిక్‌గా మారింది. ఒకరకంగా రాహుల్ గాంధీపై తన క్రష్ ను వెల్లడించినట్లుగా కరీనా ఆ కామెంట్స్ చేయడం విశేషం.

ప్రేమ గురించి ఇలా..:

ముంబైలో లాక్మే ఫ్యాషన్‌ షో నేపథ్యంలో కరీనా అప్పట్లో ఇచ్చిన ఇంటర్వ్యూ ఇప్పుడు వైరల్ అయినట్లు తెలుస్తోంది. అందులో ప్రేమ విషయం గురించి ప్రస్తావించగా కరీనా ఆసక్తికర కామెంట్స్ చేశారు. 'సరైన సమయం వచ్చినప్పుడు కచ్చితంగా ప్రేమలో పడతా. నేను ప్రేమించే వ్యక్తి ఆలోచనా విధానం నాలాగే ఉండాలి' అని చెప్పారు.

'రాహుల్‌ గాంధీ అంటే ఇష్టం':

మీరు చెప్పినట్టుగానే అలాంటి క్వాలిటీస్ ఉన్న వ్యక్తి ఎవరైనా ఉన్నారా? అని కరీనాకు మరో ప్రశ్న ఎదురైంది. దీంతో కాస్త ఆలోచిస్తూనే.. 'ఈ విషయం చెప్పొచ్చో లేదో తెలియదు కానీ.. నాకు రాహుల్‌ గాంధీ అంటే ఇష్టం. ఆయన గురించి చాలా తెలుసుకోవాలన్న ఆసక్తి ఉంటుంది.' అని చెప్పుకొచ్చింది.

'రాహుల్ ఫొటోల్ని చూస్తుంటా..'

అలాగే 'పత్రికల్లో రాహుల్ ఫొటోలను చూస్తూ ఉంటా. నాదేమో సినీ నేపథ్యం ఉన్న కుటుంబం. రాహుల్‌ది రాజకీయ నేపథ్యం ఉన్న కుటుంబం. మా ఇద్దరి విషయాలు ఆసక్తికరంగా ఉంటాయి' అని కరీనా ఆ ఇంటర్వ్యూలో చెప్పింది. ఈ కామెంట్స్ బట్టి చూస్తే.. కరీనాకు ఒకప్పుడు రాహుల్ పై క్రష్ ఉండేదేమో అని నెటిజెన్స్ అభిప్రాయపడుతున్నారు.

వీర్ ది వెడ్డింగ్..

కరీనా ప్రస్తుతం 'వీరే దీ వెడ్డింగ్‌' చిత్రంలో నటిస్తున్నారు. కామెడీ డ్రామాగా తెరకెక్కుతున్న ఈ చిత్రంలో.. సోనమ్‌కపూర్‌, స్వరాభాస్కర్‌ ప్రధాన పాత్రలు పోషిస్తున్నారు. శశాంకా ఘోష్‌ దర్శకత్వం వహిస్తున్న ఈ సినిమా.. మే 18న ప్రేక్షకుల ముందుకు రానుంది.