OTT: సంక్రాంతి సినిమాలు ఓటీటీలో స్ట్రీమింగ్ ఎప్పుడంటే.. బాలయ్య కంటే ముందుగా మెగాస్టార్ మూవీ!

ముందుగా చిన్న సినిమా

ఈ సంక్రాంతికి నాలుగు పెద్ద సినిమాలలో ఒక చిన్న సినిమా కూడా బాక్సాఫీస్ వద్ద పోటీకి వచ్చింది. అదే సంతోష శోభన్ నటించిన కళ్యాణం కమనీయం. యూత్ ఫుల్ ఎంటర్టైనర్ గా ప్రేక్షకుల ముందుకు వచ్చిన ఈ సినిమా ఓ వర్గం వారిని బాగానే ఆకట్టుకున్నప్పటికీ పెద్ద సినిమాల్లో తాకిడి వలన సక్సెస్ కాలేకపోయింది. ఇక ఈ సినిమా ఆహా ఓటీటీ ఫ్లాట్ ఫార్మ్ లో ఫిబ్రవరి ఫస్ట్ వీక్ లో స్ట్రీమింగ్ కాబోతోంది.

అజిత్ తునివు

ఇక అజిత్ కుమార్ నటించిన తమిళ తొలి మూవీ తునివు తెలుగులో తెగింపుగా విడుదలైన విషయం తెలిసిందే. ఈ సినిమా తమిళంలో బాక్సాఫీస్ వద్ద మంచి కలెక్షన్స్ అందుకున్నప్పటికీ తెలుగులో వర్కౌట్ కాలేదు. ఇక ఓటీటీ లో అయితే తెలుగు తమిళంలోనే కాకుండా హిందీ మలయాళ భాషల్లో కూడా విడుదల చేయబోతున్నారు. ఫిబ్రవరి 5వ తేదీన నెట్ ఫ్లిక్స్ లో ఈ సినిమా నాలుగు భాషల్లో విడుదల కాబోతోంది.

విజయ్ వారసుడు

విజయ నటించిన వారిసు సినిమా తమిళంలో ముందుగా విడుదలై ఆ తర్వాత తెలుగులో వారసుడు గా ప్రేక్షకుల ముందుకు వచ్చింది. ఈ సినిమా కూడా బాక్స్ ఆఫీస్ వద్ద పూర్తిస్థాయిలో సక్సెస్ కాలేకపోయింది. సంక్రాంతి ఫెస్టివల్ ఉంది కాబట్టి ఓ మోస్తారుగా కలెక్షన్స్ అయితే వచ్చాయి. ఇక ఈ సినిమా ఓటిటి హక్కులను అమెజాన్ ప్రైమ్ సొంతం చేసుకుంది. ఫిబ్రవరి 10వ తేదీన ఈ సినిమాను ప్రేక్షకుల ముందుకు తీసుకురాబోతున్నారు.

వీరసింహారెడ్డి రెడ్డి ఎప్పుడంటే..

నందమూరి బాలకృష్ణ నటించిన వీర సింహారెడ్డి సినిమా కూడా బాక్సాఫీస్ వద్ద మంచి ఓపెనింగ్స్ అందుకుంది. సంక్రాంతి ఫెస్టివల్ లో ఓవర్గం వారిని బాగానే ఆకట్టుకుంది. కానీ పూర్తిస్థాయిలో మాత్రం ఈ సినిమా కూడా కలెక్షన్స్ అందుకోలేకపోయింది. ఇక ఈ సంక్రాంతి సినిమాను ఓటీటీ లో ఎప్పుడు విడుదల చేస్తారు అనే విషయంలో ఇంకా అసలైన క్లారిటీ రాలేదు. కానీ ప్రస్తుతం వినిపిస్తున్న టాక్ ప్రకారం డిస్ని ప్లస్ హాట్ స్టార్ లో ఫిబ్రవరి 15వ తేదీన ఈ సినిమా స్ట్రీమింగ్ కాబోతున్నట్లు సమాచారం.

సంక్రాంతి విన్నర్ చిరు సినిమా..

ఈ సంక్రాంతిలో అసలైన విజేతగా మెగాస్టార్ చిరంజీవి వాల్తేరు వీరయ్య నిలిచింది. ఈ సినిమాకు బాక్సాఫీస్ వద్ద మంచి ప్రాఫిట్స్ రావడమే కాకుండా అన్ని వర్గాల ప్రేక్షకుల నుంచి కూడా మంచి రెస్పాన్స్ వచ్చింది. ఇక నెట్ ఫ్లిక్స్ ఈ సినిమా ఓటీటీ హక్కులను సొంతం చేసుకుంది. ఫిబ్రవరి 10వ తేదీన ఈ సినిమాను ఓటీటీ లో స్ట్రీమింగ్ చేసే అవకాశం ఉన్నట్లుగా తెలుస్తోంది.