Mitra Sharma సివంగి రేంజ్‌ ఆట.. టాప్‌ 5లో కన్ఫర్మ్.. తండ్రి ఫోటోను చూసి భోరున విలపించిన మిత్రాశర్మ

బిందు మాధవి వర్సెస్ మిత్రాశర్మ

గతవారం నామినేషన్ల ప్రక్రియ విషయంలో తనను టార్గెట్ చేసిన బిందు మాధవి చేసిన వ్యాఖ్యలను మిత్రా శర్మ తప్పుపట్టింది. అయితే టాస్క్ ఆడుతున్న సమయంలో తనకు వెన్నునొప్పి ఉందని చెబితే.. దానిని తప్పుడు విధంగా చెబుతూ మిత్రా శర్మ వెన్నుముకకు సర్జరీ, ఆపరేషన్ చేసిన ఆరోపణలను నాగార్జున తప్పుపట్టారు. బిందుమాధవి టార్గెట్ చేయడాన్ని మిత్ర బలంగా తిప్పి కొట్టింది.

మిత్రా శర్మ కోసం ఫోటో

మిత్రా శర్మను ఉద్దేశించి బిందు మాధవి చేసిన కొన్ని వ్యాఖ్యలపై స్పందిస్తూ.. ఎదైనా ఏమైనా విషయం చెబితే.. వాటిని ఊహించుకోవద్దు అని నాగార్జున సలహా ఇంటి సభ్యులకు ఇచ్చారు. అయితే వేదికపైకి కంటెస్టెంట్ల ఇంటి సభ్యులను పిలిచి ఫన్ గేమ్ ఆడించారు. అయితే చిన్నతనంలోనే తల్లిదండ్రులను పోగొట్టుకొన్న మిత్రాశర్మకు తన తండ్రి ఫోటోను పంపించడంతో మిత్రా శర్మ ఎమోషనల్ అయ్యారు.

తండ్రి ఫోటోను చూసి కంటతడి

నాగార్జున పంపిన తన తండ్రి ఫోటోను చూసి మిత్రాశర్మ భోరున విలపించింది. ఇంటిలోకి అందరి కుటుంబ సభ్యులు వస్తుంటే.. నా ఫ్యామిలీ మెంబర్స్ రాకపోవడంపై ఆవేదన చెందారు. నాకు నా అనే వాళ్లు లేరు అని కన్నీరుమున్నీరయ్యారు. అయితే ఇలాంటి భావోద్వేగమైన క్షణాల్లో మిత్రాశర్మకు ఇష్టమైన సిరి హన్మంతు, గంగాధర్‌ను పరిచయం చేశారు. వారిని చూడగానే మిత్రాశర్మ ఎమోషనల్ అయ్యారు.

అన్నయ్య లాంటి వారు

తనను చూడటానికి వచ్చిన గంగాధర్‌ గురించి మాట్లాడుతూ మిత్రాశర్మ ఎమోషనల్ అయ్యారు. తన తండ్రి తర్వాత తండ్రి లాంటి వారు. నాకు అన్నయ్య లాంటి వారు అని ఆనందాన్ని వ్యక్తం చేసింది. వారిద్దరని చూస్తుంటే నాకు చాలా హ్యాపీగా ఉంది అని మిత్రాశర్మ చెప్పారు.

సివంగి మాదిరిగా చెలరేగిన మిత్ర

మిత్రాశర్మ గురించి గంగాధర్ మాట్లాడుతూ.. ఆమె సివంగి. అలానే ఇంటిలో ఆడుతున్నది. బయట ఎలా ఉంటుందో.. ఇంటిలో కూడా అలానే ఉంది. షోలో బాగా ఆడుతున్నది అని గంగాధర్ చెప్పారు. ఇక మిత్రా గేమ్ గురించి సిరి హన్మంతు కూడా ప్రశంసలు కురిపించిది. టాప్ 5లో ఉండటం ఖాయం అని సిరి హన్మంతు జోస్యం చెప్పింది.