The Great Indian Murder Review : 'ప్రతీక్ గాంధీ, రిచా చద్దా'ల క్రైమ్ మిస్టరీ థ్రిల్లర్ ఎలా ఉందంటే?

'ది గ్రేట్ ఇండియన్ మర్డర్' కథ ఏమిటంటే

డిస్నీ ప్లస్ హాట్‌స్టార్ యొక్క కొత్త వెబ్ సిరీస్ 'ది గ్రేట్ ఇండియన్ మర్డర్' కథ ఛత్తీస్‌గఢ్‌లో బలమైన నాయకుడు, హోంమంత్రి జగన్నాథ్ రాయ్ (అశుతోష్ రాణా) కుమారుడు విక్కీ రాయ్ (జతిన్ గోస్వామి) హత్య చుట్టూ తిరుగుతూ ఉంటుంది. ఇద్దరు బాలికలపై అత్యాచారం చేసి హత్య చేసిన కేసులో విక్కీ పట్టుబడ్డాడు. హై కోర్టు దోషిగా నిర్ధారించిన తరువాత, విక్కీ సుప్రీంకోర్టు నుండి బెయిల్‌పై విడుదలయ్యాడు.

అధికారం, డబ్బు చేతిలో ఉండడంతో విడుదలైన ఆనందంలో ఉన్న విక్కీ ఢిల్లీలోని తన ఫామ్‌హౌస్‌లో పెద్ద పార్టీ ఇస్తాడు. ఈ పార్టీలో విక్కీ కాల్చి చంపబడ్డాడు. బుల్లెట్ ఎవరు పేల్చారనేది ఇప్పుడు అతిపెద్ద సస్పెన్స్. మొత్తం ఆరుగురు అనుమానితులు ఉండగా ఆరుగురు అనుమానితులను ఇంకా చూపలేదు. ఇక విక్కీ రే హత్య కేసును సీబీఐ ఛేదిస్తున్నాడటమే ఈ సిరీస్ కథ.

సిరీస్ లో ట్విస్టులు

ఈ వెబ్ సిరీస్ ప్లాట్‌ ఆసక్తికరంగా ఉంది, అయితే ఫ్లాష్‌బ్యాక్‌లోని అన్ని పాత్రల కథలను మళ్లీ మళ్లీ వెనక్కు తిరిగి తోడుతూ కన్ఫ్యూజన్ క్రియేట్ చేసినట్టు అనిపిస్తుంది. ఈ సిరీస్ రచయితలు దేనిని అయితే ఆధారంగా తీసుకుని సిరీస్ రాసుకున్నారో దాన్ని అనుసరించి సరిగ్గా అల్లి ఉంటే ఆ మజా మరోలా ఉండేది. ప్రస్తుతం వెబ్ సిరీస్ కథ మాత్రం నవలను పట్టుకుని ముందుకు సాగుతున్నట్లు కనిపిస్తుంది.

అందుకే విక్కీ రాయ్ (జతిన్ గోస్వామి)ని ఎవరు చంపారు అనే విషయంపై దృష్టి మరల మరల మారుతూ ఉంటుంది. రాజకీయ ప్రముఖుల నుంచి పేజ్ 3 సెలబ్రిటీల వరకు హాజరైన విక్కీ పోర్టులో ఎవరో విక్కీని బహిరంగంగా కాల్చారు. కానీ విక్కీ హంతకుడు ఎవరో ఎవరికీ తెలియదు. అయితే విక్కీని చంపమని సొంత తండ్రి తన అనుచరిడికి చెప్పిన వెంటనే సదరు అనుచరుడు చనిపోవడంతో విక్కీ చనిపోయిన వెంటనే ముగ్గురు అనుమానితులు పట్టుపడతారు. అకానీ ఈ తొమ్మిది ఎపిసోడ్లలో, ముగ్గురు అనుమానితులు అనవసరంగా ఇరుక్కుపోయారని స్పష్టమైంది. అతను చంపలేదు. ఇప్పుడు మిగిలిన ముగ్గురి కథ తదుపరి సీజన్‌లో చూపే అవకాశం ఉంది.

దర్శకుడి టేకింగ్

పుస్తకంను బేస్ చేసుకుని సినిమా లేదా సిరీస్ చేయడం అంత సులభం కాదు. అలాంటప్పుడు పుస్తకంలో రాయనిది తీసుకురావడం దర్శకుడికి ఉన్న అసలైన సవాల్. అలాగే పుస్తకంలో ఏం రాశారో, ఎంత ఉంచి ప్రేక్షకుల ఊహకు వదిలేయాలనేది కూడా సవాలే. ఈ సందర్భంలో, తిగ్మాన్షు ధులియా సిరీస్‌కు సరైన దారిలో నడిచాడు అనే చెప్పాలి.

అతని రైటర్స్ టీమ్ సపోర్ట్ తో ఆయన అదరకొట్టారు. మధ్యమధ్యలో కొన్ని ఎపిసోడ్‌లు మినహా చివరి వరకు సిరీస్‌ని ఆద్యంతం ఆసక్తికరంగా చూడటానికి అనేక కారణాలు ఉన్నాయి. సిరీస్ యొక్క చివరి ఎపిసోడ్ కూడా ఒక హింట్ తో ముగించారు. రెండవ సీజన్‌ కోసమే ఆలా చేసి ఉండచ్చు. దర్శకుడి ప్రతిభ అన్ని ఫ్రేమ్ లలో కనిపిస్తుంది.

నటీనటుల పనితీరు

గ్రేట్ ఇండియన్ మర్డర్ మొత్తం నటీనటుల పనితీరుపై ఆధారపడి ఉంటుంది. విక్కీ రాయ్ గా జతిన్ గోస్వామి నటన అద్భుతం, అతను ఆ పాత్రకు జీవం పోశాడు. మీరు విక్కీని చూస్తే అసహ్యించుకుంటారు అంతలా జీవించాడు. అయితే ఈ సీజన్‌లో ప్రత్యేక ప్రభావాన్ని చూపే రెండు పాత్రలు రఘువీర్ యాదవ్ సహా మలయాళీ నటుడు మణి పిఆర్. రఘువీర్ యాదవ్ కథ అంతా ఆసక్తికరంగా ఉంటుంది.

మోహన్ కుమార్, ఒక మాజీ ప్రభుత్వ అధికారి, అవినీతిపరుడు, తాగుబోతు, తిరుగుబోతు. కానీ ఒక ప్రమాదం అతనిలోని గాంధీజీ స్ఫూర్తిని అకస్మాత్తుగా మేల్కొల్పుతుంది. అలా కొంతసేపు మోహన్ కుమార్ గా కొంత కొన్నిసార్లు గాంధీగా కనిపిస్తూ ఉంటాడు. అతని నటన చాలా బాగుంటుంది. ఇక ఏకేటిగా మణి పిఆర్ జీవించాడు. ఇక రిచా చద్దా పోలీసు అధికారిణిగా, ప్రతీక్ గాంధీ సీబీఐ అధికారి సూరజ్ యాదవ్ గా తమ పాత్రలు రొటీన్‌గా ఉన్నప్పటికీ, వారు వాటిని విభిన్నంగా చేయడానికి ప్రయత్నించారు. అశుతోష్ రాణా, షరీబ్ హష్మీ సహా ఇతర నటీనటులు అందరూ కూడా తమ పరిధి మేర నటించారు.

టెక్నికల్ టీమ్ పనితీరు విషయానికి వస్తే

దర్శకుడు తిగ్మాంషు ధులియా సహా వెబ్ సిరీస్ రచయితల బృందం కథను సులువుగా చెప్పడానికి ప్రయత్నించారు కానీ అక్కడక్కడా ఉన్న కొన్ని పొరపాట్ల సిరీస్ కొంచెం కన్ఫ్యూజన్ కూడా క్రియేట్ చేసేలా ఉంది. ఇక వారు తమ వంతు ప్రయత్నం చేశారు, కానీ వారు మరింత కష్టపడాల్సి వచ్చింది. ఒక సమయంలో కథ యొక్క సహజత్వానికి భంగం కలుగుతుందనిపిస్తుంది. అయితే ది గ్రేట్ ఇండియన్ మర్డర్ కెమెరా పనితనం మరియు నేపథ్య సంగీతం అద్భుతంగా ఉన్నాయి. సాంకేతికంగా కూడా ది గ్రేట్ ఇండియన్ మర్డర్ ఆకట్టుకుంటుంది.

ఫైనల్ గా

ది గ్రేట్ ఇండియన్ మర్డర్ సిరీస్ క్రైమ్ విత్ పాలిటిక్స్ చూడాలనుకునే వారికి పర్ఫెక్ట్.

Recommended Video

Acharya Movie Story Based On A Great Book, Here Is the Details | Filmibeat Telugu

ఒటీటీ: డిస్నీ+హాట్ స్టార్

విడుదల తేదీ: 4 ఫిబ్రవరి 2022
నటీనటులు :
రిచా చద్దా, ప్రతీక్ గాంధీ, అశుతోష్ రాణా, రఘుబీర్ యాదవ్, షరీబ్ హష్మీ, పావోలి డ్యామ్, శశాంక్ అరోరా, అమీ వాఘ్, జతిన్ గోస్వామి, మణి పిఆర్దర్శకుడు: తిగ్మాంషు ధులియా
రచయితలు: తిగ్మాంషు ధులియా, విజయ్ మౌర్య, పునీత్ శర్మ
నిర్మాతలు: అజయ్ దేవగన్, గౌరవ్ బెనర్జీ, నిఖిల్ మధోక్, వరుణ్ మాలిక్, శ్రేయ్ ఒబెరాయ్, అమోద్ సిన్హా, నమ్రతా సిన్హా, ప్రీతి సిన్హా
సంగీత దర్శకుడు: కేతన్ సోధ
నిర్మాణం: అజయ్ దేవగన్ ఎఫ్ ఫిలిమ్స్, RLE మీడియా & ఎంటర్టైన్మెంట్
ఎపిసోడ్‌లు: 9