నమ్మకం నిలబెట్టలేదు..(తుంగభద్ర మూవీ రివ్యూ)

పెర్ఫార్మెన్స్ విషయానికొస్తే....

ముందుగా మనం చెప్పుకోవాలసింది సత్యరాజ్ గురించి. సినిమా మొత్తానకి ఆయన పెర్ఫార్మెన్సే హైలెట్. నాయకుడి పాత్రలో ఆయన అద్భుతమైన పెర్పార్మెన్స్ కనబరిచారు. కొత్త హీరో అదిత్ పెర్ఫార్మెన్స్ గొప్పగా ఏమీ లేక పోయినా ఫర్వాలేదనిపించాడు. హీరోయిన్ డింపుల్ ఓకే.

సప్తగిరి ఫెయిల్

పైడితల్లి పాట్రలో కోట శ్రీనివాస్ తన సహజనటనను కనబర్చాడు. జబర్దస్త్ శ్రీను, నవీన్, ధనరాజ్ ఉన్నంతలో అక్కడక్కడా కామెడీ పండించారు. స్టార్ కమెడియన్ సప్తగిరి పెద్దగా ఆకట్టుకోలేక పోయాడు.

టెక్నికల్ అంశాల విషయానికొస్తే...

‘వారాహి చిలన చిత్రం' బ్యానర్ స్టాండర్ట్స్ తగిన విధంగా సినిమా నిర్మాణ విలువలు బావున్నాయి. సినిమాలో హైలెట్ అయిన అంశాల్లో రాహుల్‌ శ్రీవాత్సవ్‌ సినిమాటోగ్రఫీ ఒకటి. హరిగౌర అందించిన సంగీతం కంటే బ్యాగ్రౌండ్ స్కోర్ బావుంది.

సినిమా ఉద్దేశ్యం

ముందుగా సినిమా ఎలా ఉందనే విషయం కంటే....సినిమాను ఏ ఉద్దేశ్యంతో తీసారనే విషయం గురించి ఓ రెండు ముక్కలు మాట్లాడుకుందాం. ఎక్కడో పుట్టిన పార్టీల కోసం ఒకే ఊర్లో పుట్టిన వారు తన్నుచస్తున్నారు. ఈ అంశాన్ని ఎలివేట్ చేస్తూ సినిమాను ప్రధానంగా నడిపించారు. పగలు ప్రతీకారాల పర్వానికి ఒక మంచి నాయకుడు ఎలాంటి ముగింపు ఇచ్చాడు అనే అంశాన్ని హైలెట్ చేస్తూ....ఇప్పటికీ కొన్ని ప్రాంతాల్లో నెలకొన్న పరిస్థితుల్లో మార్పు తేవాలనే ఉద్దేశ్యంతో సినిమాను తెరకెక్కించారు.

కథ

ఇక సినిమాలో ప్రధానంగా కనిపించన లోపం... కథ. ఇలాంటి తెలుగు తెరకు కొత్తేమీ కాదు.

స్క్రీన్ ప్లే కూడా..

చెప్పుకోదగ్గ గొప్పగా ఏమీ లేదు. దర్శకుడు సినిమాలో ఫ్యాక్షన్ ఎపిసోడ్ హైలెట్ చేయడంలో ఇటు ప్రేమకథను ఆసక్తికరంగా చూపడంలో రెండింటిలోనూ విఫలం అయ్యాడు. సినిమా చూస్తున్న ప్రేక్షకుడికి తర్వాత జరిగేదేమిటో ముందే తెలిసి పోయిన తర్వాత ఆసక్తి ఏముంటుంది?. సప్తగిరి, ధనరాజ్, నవీన్ లాంటి కమెడియన్స్ ఉన్న వారిని దర్శకుడు సరిగా ఉపయోగించుకోలేక పోయాడు.

ఓవరాల్‌గా చెప్పాలంటే.....

హీరో, దర్శకుడి గురించి ప్రేక్షకుల్లో పెద్దగా అంచనాలు లేక పోయినా.... కేవలం ‘వారాహి చలన చిత్రం' ఇప్పటి వరకు అందించిన హిట్ చిత్రాలను దృష్టిలో పెట్టుకుని వెళ్లారు. అయితే ప్రేక్షకుల నమ్మకాన్ని నిలబెట్టడంలో వారాహి చలన చిత్రం పూర్తి స్థాయిలో విఫలమైంది. వినోదం కోసం వెళ్లిన సినీ ప్రేమికులు తమకు కావాల్సింది దొరకక బిక్కమొహం వేసుకున్నారు.