For Quick Alerts
    ALLOW NOTIFICATIONS  
    For Daily Alerts

    అప్పుడు ‘పెళ్లి సందడి’.. ఇప్పుడు ‘అల వైకుంఠపురములో’.. 24 ఏళ్ల రికార్డు బద్దలు కొట్టిన బన్నీ

    By Manoj
    |

    తెలుగు సినీ ఇండస్ట్రీలోని స్టైలిష్ హీరోల్లో అల్లు అర్జున్ పేరును ప్రముఖంగా చెప్పుకోవచ్చు. దీనికి కారణం అతడు ఎన్నో రకాల స్టైల్స్‌ను తెలుగు ప్రేక్షకులకు పరిచయం చేయడమే. సినిమా సినిమాకూ తనలోని సరికొత్త యాంగిల్‌ను చూపించడంతో అతడికి భారీ స్థాయిలో ఫ్యాన్ ఫాలోయింగ్ వచ్చింది. అదే సమయంలో పలు హిట్లు కూడా అతడి ఖాతాలోకి వచ్చి చేరాయి. దీంతో బన్నీ స్టార్ హీరోగా ఎదిగిపోయాడు. ఇలాంటి సమయంలో 'అల.. వైకుంఠపురములో' చిత్రంలో ఇండస్ట్రీ హిట్ కొట్టి ఔరా అనిపించాడు. అదే సమయంలో పలు రికార్డులను సైతం బద్దలు కొట్టాడు. తాజాగా ఈ సినిమా 24 ఏళ్ల రికార్డును బద్దలు కొట్టింది. ఆ వివరాలేంటో చూద్దాం.!

    హ్యాట్రిక్‌తో పాటు ఇండస్ట్రీ హిట్ కూడా సొంతం

    హ్యాట్రిక్‌తో పాటు ఇండస్ట్రీ హిట్ కూడా సొంతం

    అల్లు అర్జున్ - త్రివిక్రమ్ కాంబినేషన్‌లో వచ్చిన చిత్రం ‘అల.. వైకుంఠపురములో'. సంక్రాంతి కానుకగా వచ్చిన ఈ సినిమా సూపర్ హిట్ అయింది. దీంతో వీళ్లిద్దరి కాంబోలో హ్యాట్రిక్ విజయాలు నమోదయ్యాయి. అలాగే, ఈ సినిమాతో కలెక్షన్ల పరంగా ఇండస్ట్రీ హిట్ కొట్టాడు బన్నీ. ‘బాహుబలి' తర్వాత భారీ విజయాన్ని అందుకున్న చిత్రంగా ఇది నిలిచింది.

    ప్రీమియర్ల నుంచే ఊచకోత మొదలైపోయింది

    ప్రీమియర్ల నుంచే ఊచకోత మొదలైపోయింది

    ‘అల.. వైకుంఠపురములో' ప్రీమియర్ షోల నుంచే పాజిటివ్ టాక్‌ను సొంతం చేసుకుంది. అలాగే, కలెక్షన్ల పరంగానూ దుమ్ము దులిపేసింది. అప్పటి నుంచి ఈ మూవీ రూ. 150 కోట్ల పైచిలుకు షేర్ సాధించడంతో పాటు ఓవర్సీస్‌లోనూ 3.5 మిలియన్ మార్కును చేరుకుంది. మహేశ్ బాబు నటించిన ‘సరిలేరు నీకెవ్వరు' నుంచి పోటీ ఉన్నా.. ఈ సినిమా సక్సెస్ అవడం విశేషం.

    ఎవరినీ వదలని బన్నీ.. గొప్ప పని చేశాడు

    ఎవరినీ వదలని బన్నీ.. గొప్ప పని చేశాడు

    బడా సినిమాలతో పోటీ ఉన్నప్పటికీ ‘అల.. వైకుంఠపురములో' భారీ విజయాన్ని అందుకోవడంతో అల్లు అర్జున్ ఫుల్ ఖుషీగా ఉన్నాడు. దీంతో అతడు తమ సినిమాను ఆదరించిన ప్రేక్షకులతో పాటు తమ సినిమా విజయానికి తోడ్పడిన డిస్ట్రిబ్యూటర్లు, సినీ ప్రముఖులు, ఫిల్మ్ జర్నలిస్టులకు పార్టీ ఇచ్చాడు. అదే సమయంలో సినీ జర్నలిస్టుల అసోషియేషన్‌కు విరాళం కూడా అందించాడు.

    24 ఏళ్ల రికార్డు బద్దలు కొట్టిన బన్నీ

    24 ఏళ్ల రికార్డు బద్దలు కొట్టిన బన్నీ

    విడుదలైనప్పటి నుంచి ఎన్నో రికార్డులను క్రియేట్ చేసిన ‘అల.. వైకుంఠపురములో' తాజాగా ఓ మైలురాయిని అందుకుంది. 24 ఏళ్ల క్రితం విడుదలైన ‘పెళ్లి సందడి' సినిమా ఆర్టీసీ క్రాస్ రోడ్డులోని సంధ్యా 35ఎమ్ఎమ్ థియేటర్‌లో 232 రోజులకు రూ. 98 లక్షలు వసూలు చేసింది. ఇప్పుడా రికార్డును బన్నీ సినిమా 29 రోజుల్లోనే దాటేసింది. దీంతో ‘అల' అద్భుతమైన ఘనత సాధించినట్లైంది.

    Allu Arjun Family And Trivikram At Tirumala | Ala Vaikunthapurramloo
    అండర్ గ్రౌండ్‌లోకి అల్లు అర్జున్

    అండర్ గ్రౌండ్‌లోకి అల్లు అర్జున్

    ‘అల.. వైకుంఠపురములో' సక్సెస్‌తో ఫుల్ జోష్ మీద ఉన్నాడు అల్లు అర్జున్. ఈ ఉత్సాహంతోనే అతడు సుకుమార్ తెరకెక్కించనున్న సినిమా కోసం సిద్ధం అవుతున్నాడు. ఈ మూవీలో బన్నీ.. చిత్తూరుకు చెందిన లారీ డ్రైవర్‌గా కనిపించనున్నాడట. ఈ క్రమంలోనే గుబురు గెడ్డంతో కనిపించబోతున్నాడని తెలుస్తోంది. అందుకోసం కొద్ది రోజులు ఎవరికీ కనిపించడట ఈ మెగా హీరో.

    English summary
    Ala Vaikunthapurramuloo is an upcoming Indian Telugu-language action drama film directed by Trivikram Srinivas and produced by Allu Aravind and S. Radha Krishna under their banners Geetha Arts and Haarika & Hassine Creations.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more
    X