జిహెచ్ఎంసి ఎన్నికల పోలింగ్.. దూరంగా ఉన్న పలువురు సినీ తారలు.. అగ్ర హీరోలే లేకపోతే ఎలా?

ఉదయమే స్టార్ట్ చేసిన మెగాస్టార్

సాధారణంగా ఓటు హక్కును వినియోగించుకోవాల్సిన బాద్యత ప్రతి ఒక్కరిలో ఉంది. ఇక బాధ్యతాయుతంగా ఉండే సెలబ్రెటీలపై ఆ ప్రభావం ఎక్కువగానే ఉంటుంది. ఉదయమే మెగాస్టార్ చిరంజీవి భార్య సురేఖతో కలిసి ఓటు వేశారు. ఇక రాజేంద్రప్రసాద్ వంటి స్టార్స్ కూడా సమీప పోలింగ్ బూత్ లలో ఓటు హక్కును వినియోగించుకుంటున్నారు. కొందరు ఎలాంటి పనులు ఉన్నా కూడా ఓటు హక్కును వినియోగించుకోవాడనికి రెడీ అవుతున్నారు.

RRR హీరోలు కూడా..

అయితే మరికొందరు అగ్ర తారలే ఈ సారి ఓటు హక్కును వినియోగించుకోలేకపోతున్నారు. ప్రతిసారి ఒక సాధారణ వ్యక్తిలా వచ్చి ఓటు వేసే ఎన్టీఆర్ కూడా ఈ సారి ఓటు వేయడం లేదు. RRR షూటింగ్ కోసమని ఎన్టీఆర్ పూణేకు వెళ్లాల్సి వచ్చింది. ఇక మరో రాంచరణ్ కూడా మిస్సవుతున్నాడు. హీరోలిద్దరితో పాటు దర్శకుడు రాజమౌళి అలాగే హైదరాబాద్ లో ఉంటున్న మరికొందరు RRR టీమ్ సభ్యులు గ్రేటర్ ఎన్నికల్లో ఓటు హక్కును వినియోగించుకోలేకపోతున్నారు.

దూరమైన అల్లు అర్జున్

దేశంలో ప్రధాన నగరాల్లో ఒక్కటైన హైదరాబాద్ ఎన్నికలపై ఈ సారి దేశమంతా దృష్టి పెట్టింది. నగర భవిష్యత్తు కూడా ఈ ఎన్నికలే కీలకం కానున్నాయి. ప్రచారం అమిత్ షా వచ్చారు అంటే ఎంత రసవత్తరంగా మరిందో చెప్పవచ్చు. అయితే పుష్ప సినిమా షూటింగ్ లో భాగంగా ఆంద్రప్రదేశ్ లో ఉన్న అల్లు అర్జున్ కూడా ఈ ఎన్నికల్లో తన ఓటు హక్కును వినియోగించుకోలేకపోతున్నాడు.

Recommended Video

TFC President Narayan Das Narang Thanks To CM KCR ఇండియా ఫిలిం హబ్‌గా హైదరాబాద్..!!

వాళ్లే లేకపోతే ఎలా..

హైదరాబాద్ లో అందుబాటులో లేని హీరోలు ఇంకా చాలా మంది ఉన్నారు. అందులో దగ్గుబాటి వెంకటేష్ ఒకరు. ఇటీవల నితిన్ కూడా రంగ్ దే సినిమా కోసం దుబాయ్ కు వెళ్లాల్సి వచ్చింది. గ్రేటర్ ఎన్నికలు సినిమా పరిశ్రమకు చాలా కీలకమైన సమయంలో ఈ విధంగా చాలా మంది హీరోలు ఓటు హక్కు వింయోగించుకోలేని పరిస్థితి ఏర్పడడంతో విషయం చర్చనీయాంశంగా మారింది.