దర్శకుడిపై స్టార్ కమిడియన్ పోలీస్ కంప్లైంట్ (వీడియో)

చెన్నై : తమిళంలో ప్రముఖ హాస్యనటుడు గా వెలుగుతున్న గంజాకరుప్పు శివగంగ పోలీసులకు దర్శకుడు గోపిపై ఫిర్యాదు చేశారు. తన స్వీయ నిర్మాణంలో నటుడు గంజాకరుప్పు నటించిన చిత్రం 'వేల్‌మురుగన్‌ బోర్‌వెల్స్‌'.

రెండునెలల క్రితం ఈ చిత్రం పలు సమస్యలను ఎదుర్కొని విడుదలైంది. అయితే ఆశించిన స్థాయిలో విజయం సాధించలేకపోయింది. ఈ నేపథ్యంలో గంజాకరుప్పు పోలీసులకు ఫిర్యాదు చేశారు. ఆ వీడియోని మీరు ఇక్కడ చూడవచ్చు.

'వేల్‌మురుగన్‌ బోర్‌వెల్స్‌' చిత్ర నిర్మాణానికి ఫైనాన్స్‌ కోసం గోపి సహాయం తీసుకున్నానని తెలిపారు. ఇందుకోసం కొన్ని ఆస్తుల పత్రాలను గోపికి ఇచ్చానని.. ఆ తర్వాత రుణమిచ్చిన ఫైనాన్షియర్లకు నగదు తిరిగిచ్చేశానని అన్నారు.

ఫేస్‌బుక్ ద్వారా లేటెస్ట్ అప్‌డేట్స్ ఎప్పటికప్పుడు

అయినప్పటికీ తాను ఇచ్చిన ఆస్తుల పత్రాలను గోపి తిరిగివ్వడం లేదని ఆరోపించారు. ఆయనపై చర్యలు తీసుకుని తన పత్రాలను తిరిగి ఇప్పించాలని పోలీసులను కోరారు