For Quick Alerts
    ALLOW NOTIFICATIONS  
    For Daily Alerts

    డిసెంబర్ 10న 'దరువు' దర్శకుడు చిత్రం ప్రారంభం

    By Srikanya
    |

    చెన్నై: కార్తీతో 'సిరుత్త్తె' లాంటి భారీ ప్రాజెక్టు రూపొందించిన శివ దర్శకత్వంలో అజిత్‌ నటించనున్న సంగతి తెలిసిందే. ఈ షూటింగ్‌ను డిసెంబరు 10న హైదరాబాద్‌లో లాంఛనంగా ప్రారంభించనున్నారు. ఈ చిత్రం యాక్షన్ ఎంటర్టైనర్ గా, మాస్ ప్రేక్షకులను అలరించేదిగా ఉంటుందని చెప్తున్నారు. శివ తెలుగులో రీసెంట్ గా దరువు చిత్రం చేసారు. తాప్సీ, రవితేజ కాంబినేషన్ లో వచ్చిన ఆ చిత్రం డిజాస్టర్ అయ్యింది. యమలోకం నేపధ్యంలో రూపొందిన ఆ చిత్రం సోషియో ఫాంటసీ అయినా ప్రేక్షకులకు ఆ మేరకు వినోదం పంచలేకపోయింది. అరవ వాసన ఎక్కువైందని విమర్శులు రావటం కూడా సినిమాకు మైనస్ గా మారింది. దాంతో శివ తన మకాంని తమిళంకు మార్చారు.

    అజిత్‌ ప్రస్తుతం వరుసపెట్టి చిత్రాలు చేస్తున్నాడు. మరికొద్ది రోజుల్లోనే కొత్త సినిమా షూటింగ్‌లో పాల్గొనేందుకు సిద్ధమయ్యాడు. ఎలాంటి వెన్నుదన్ను లేకుండా వెండితెరపైకి వచ్చి కోట్లాదిమంది అభిమానులను సంపాదించుకున్నాడు. ఎవరి కోసమూ తన వ్యక్తిత్వాన్ని వదులుకోని అజిత్‌ తనకెంతో ఇష్టమైన బైక్‌రేస్‌లకు అధిక ప్రాధాన్యం ఇచ్చాడు. ఈ కారణంగా ఒకదశలో ఆయన సినిమాల మధ్య చాలా విరామమే వచ్చింది.

    అయితే అభిమానులు, నిర్మాతలను దృష్టిలోకి తీసుకుని తన పంథా మార్చుకున్నాడు. పూర్తిగా వెండితెరకే అంకితమైపోయాడు. 'బిల్లా-2' పూర్తి చేసిన వెంటనే విష్ణువర్ధన్‌ చిత్ర షూటింగ్‌లో పాల్గొన్నాడు. ఇంకా పేరు నిర్ణయం కాని ఈ చిత్రీకరణ ఇటీవలే పూర్తయింది. 'తల' పేరును పెట్టాలని భావించినా అజిత్‌ వ్యతిరేకత తెలపటంతో మరో టైటిల్‌ కోసం ప్రయత్నిస్తున్నారు. మరోవైపు కొత్త సినిమాలకి సంబంధించిన కథలు వినే యోచనలో ఉన్నాడట అజిత్‌.

    English summary
    Actor Ajith Kumar has been busy working on his next project with Vishnuvardhan in the recent months. But even before he has completed his work with the director, he will start working on another project with Siruthai Siva, for which shooting is expected to start from the 10th of December.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X