ఇది మ్యూజికా? మొదట్లో ఛీ కొట్టారు.. ఎన్నో అవమానాలు.. ఏఆర్ రెహమాన్

ఈ రంగంలో నిలబడగలనా ?

రోజా చిత్రం విడుదలైన వెంటనే ... సంగీత అభిమానుల నుంచి మిశ్రమ స్పందన వచ్చింది. దీంతో దేశంలో చిత్ర పరిశ్రమలో హేమా హేమీలు లాంటి సంగీత దర్శకులు ఉన్నారు. అలాంటి వారి సంగీతం ముందు తన సంగీతం సినీ ప్రేక్షకులను ఆకట్టుకుంటుందా ? అసలు ఈ రంగంలో నిలబడగలనా ? నిలబడినా మూడు లేదా నాలుగు నెలలు మాత్రమే ఉంటానేమో అనుకున్నానని రెహమాన్ తెలిపారు.

ఇదేమీ సంగీతం అని...

మరి కొద్ది రోజులకు మణి సార్ దర్శకత్వంలో తన రెండో చిత్రం బొంబాయికి దర్శకత్వం వహించాను. ఆ చిత్రం విడుదల అయింది. ఇదేమీ సంగీతం అని ప్రేక్షకులు అన్నారు. ఆ తర్వాత వరుసగా తన సంగీత దర్శకత్వంలో వచ్చిన అన్ని చిత్రాల పాటలు ప్రేక్షకులను సంగీత సాగరంలో ముంచెత్తిన సంగతి తెలిసిందే.

అమ్మ సంతోష పడింది...

అలాగే రాక్ స్టార్, స్లమ్ డాగ్ మిలియనీర్ చిత్రాలకు సంగీతానికి అమ్మ అయితే చాలా సంతోష పడిందని... తన సంగీత దర్శకత్వంలో వచ్చిన అన్ని చిత్రాల పాటలు బాగున్నాయని అమ్మ చెప్పడంతో నా ఆనందానికి అవధులు లేకుండా పోయాయని రెహమాన్ పేర్కొన్నారు.

కొన్ని పాటలే నచ్చుతాయి...

కాగా తన సంగీత దర్శకత్వంలో వచ్చిన పాటల్లో కొన్ని మాత్రమే నచ్చుతాయని అప్పుడప్పుడు తనను కలసి అభిమానులు చెబుతారని ఈ సందర్భంగా రెహమాన్ తెలిపారు. అయితే తాను మాత్రం మనసు పెట్టి మరీ నిబద్దతతో పాటలకు స్వర రచన చేస్తానని ఏఆర్ రెహమాన్ పేర్కొన్నారు.