షారుఖ్‌తో సినిమాపై క్లారిటీ.. విజిల్‌లో ఆ సీన్ ఇష్టమన్న అట్లీ

ఆన్‌లైన్లోకి వచ్చిన అట్లీ..

రేపు సినిమా విడుదల కానుండగా.. అభిమానులతో కాసేపు ముచ్చటించేందుకు ఆన్‌లైన్‌లోకి వచ్చాడు. దీంతో ఫ్యాన్స్ అడిగిన ప్రశ్నలకు తీరిగ్గా జవాబులు చెప్పుకుంటూ కూర్చున్నాడు. ఈ క్రమంలో తమకు నచ్చిన ప్రశ్నలు, తెలుసుకోవాలనుకున్న విషయాల గురించి అడిగారు.

అభిమానుల ప్రశ్నలు..

మీరు చేసిన సినిమాలు తప్పా.. విజయ్ సినిమాలో మీకు నచ్చిన చిత్రం ఏంటి?, ఈ సినిమాలో ఏ సీన్ అంటే ఏంటి? నిర్మాత గురించి మీ అభిప్రాయం? ఏ ఆర్ రెహమాన్‌తో అనుభవం? ఇలా తమకు నచ్చినవిదంగా అట్లీని అడిగేశారు. అయితే అన్నింటిలో కెల్లా ఓ అభిమాని మాత్రం తీవ్ర ఆవేదనకు లోనై ఓ ప్రశ్నను అడిగినట్టు కనిపిస్తోంది.

షారుక్ సినిమాపై క్లారిటీ...

షారుక్ ఖాన్‌కు తాను పెద్ద అభిమానిని అని, మీరు ఆయనతో సినిమాను చేస్తున్నారా? లేదా? దయచేసి చెప్పండి.. మమ్మల్ని ఇగ్నోర్ చేయకండి అంటూ అట్లీని అడిగాడు. దీంతో అతనికి సమాధానం ఇస్తూ.. షారుక్ అంటే నాకు అమితమైన ప్రేమా, గౌరవం ఉన్నాయి.. ఆయన కూడా నా పనితనాన్ని ప్రేమిస్తాడు.. తప్పకుండా కచ్చితంగా మీరు అడిగిన దానిపై మేము ఏదోకటి చేస్తామని తెలిపాడు.

ఆ సీన్ అంటే ఇష్టం..

అలాగే మరో అభిమాని.. విజిల్‌లో ఏ సీన్ అంటే ఇష్టమని అడిగాడు. రైల్వే స్టేషన్ నుంచి క్లైమాక్స్ వరకు ఉండే సీన్ తనకు చాలా ఇష్టమని తెలిపాడు. ఈ మూవీలో విజయ్ ఎన్ని పాత్రలను పోషిస్తున్నాడు.. రెండా ? మూడా? అని అడగ్గా.. తనకు లెక్కలు రావంటూ ఫన్నీ ఆన్సర్ ఇచ్చాడు.