మీరు కోరినవన్నీ ఇచ్చాం.. ముందు స్టార్ట్ చేయండి: కమల్ హాసన్‌కి బహిరంగ లేఖ

సెట్స్‌పై ఘోర ప్రమాదం.. ఉలిక్కిపడ్డ ఇండస్ట్రీ

ఇటీవలే భారతీయుడు 2 సెట్స్‌పై ఘోర ప్రమాదం చోటుచేసుకున్న సంగతి తెలిసిందే. షూటింగ్ జరుగుతుండగా భారీ క్రేన్ విరిగిపడటంతో అక్కడికక్కడే ముగ్గురు యూనిట్ సభ్యులు మృతి చెందారు. మరో పదికి గాయాలయ్యాయి. డైరెక్టర్ కూడా గాయపడ్డారు. ఈ ఘటనతో తమిళ సినీ ఇండస్ట్రీ ఉలిక్కిపడింది.

కమల్ హాసన్ భావోద్వేగం.. ఆర్ధిక సాయం

ఊహించని ఈ దుర్ఘటనపై భారతీయుడు 2 యూనిట్ సహా టాలీవుడ్, కోలీవుడ్ సినీ పెద్దలందరూ స్పందించారు. హీరో కమల్ హాసన్ అయితే ఈ ప్రమాద వార్తను జీర్ణించుకోలేక పోయారు. ప్రమాద స్థలికి చేరుకొని సహాయక చర్యలు చేపడుతూ తీవ్ర భావోద్వేగానికి గురయ్యారు. అదేవిధంగా బాధిత కుటుంబాలకు కోటి రూపాయల ఆర్ధిక సాయం కూడా ప్రకటించారు.

డైరెక్టర్ శంకర్ ఆవేదన

మరోవైపు డైరెక్టర్ శంకర్ ఈ ఘటనపై స్పందిస్తూ.. ఈ ప్రమాదం నుంచి ఇంకా కోలుకోవడం లేదని, నిద్రలేని రాత్రులను గడుపుతున్నానని అన్నారు. ఆ క్రేన్ ఏదో తన మీద పడితే బాగుండేదంటూ ఆయన ట్వీట్ చేయడంతో మరోసారి ఈ అంశం చర్చల్లో నిలిచింది.

కమల్ హాసన్‌ ఫైర్.. బహిరంగ లేఖ

ఇదిలా ఉంటే ఈ ప్రమాదం విషయమై హీరో కమల్ హాసన్, లైకా సంస్థపై ఫైర్ అయ్యాడు. ఘటనపై వివరణ, మృతులకు ఆర్థిక సహాయం వంటి వాటిపై చర్యలు తీసుకుంటేనే షూటింగ్‌లో పాల్గొంటానని హెచ్చరించారు కూడా. ఈ మేరకు స్పందించిన లైకా సంస్థ కమల్ హాసన్‌కు ఓ బహిరంగ లేఖ ఇచ్చింది. ఇందులో సదరు ప్రమాదం, ఆర్థిక సాయం గురించి ప్రస్తావించింది.

బాధిత కుటుంబాలకు అండగా లైకా సంస్థ

సెట్స్ పై జరిగిన ఈ దురదృష్టకరమని, బాధిత కుటుంబాలకు అండగా ఉంటున్నామని లైకా సంస్థ తెలిపింది. ఇప్పటికే బాధిత కుటుంబాలకు 2 కోట్ల రూపాయల ఆర్థిక సాయం అందించామని.. గాయపడిన వారికి మెరుగైన చికిత్స అందిస్తున్నామని తెలిపింది.

Recommended Video

#Indian2 Sets Video : Kamal Haasan's 'Bharateeyudu 2' Sets Crane Mishap | Filmibeat Telugu

pic.twitter.com/DvAsHPyJGs — Lyca Productions (@LycaProductions) February 26, 2020

కమల్ దృష్టికి రాలేదేమో! ముందు స్టార్ట్ చేయండి

అయితే ఇలాంటివన్నీ కమల్ దృష్టికి రాకపోవడం వల్లే ఆయన అలా ఫైర్ అయినట్లుగా భావిస్తున్నామని లైకా సంస్థ పేర్కొంది. షూటింగ్ సమయంలో అన్ని రకాల భద్రత చర్యలు తీసుకుంటున్నామని, ప్రొడక్షన్ భీమాతో పాటు, వ్యక్తిగత భీమాలు సకాలంలో వచ్చేట్టు చూస్తామని.. ఇలా మీరు కోరినవన్నీ చేస్తున్నామని, ఇక సినిమా షూటింగ్ ప్రారంభిస్తే బాగుంటుంద‌ని ఆ లేఖలో రాసుకొచ్చింది లైకా ప్రొడక్షన్స్.