Don't Miss!
- Automobiles సేఫ్టీలో మహీంద్రా బొలెరో నియోకు కేవలం 1-స్టార్ రేటింగ్.. దీనిపై కంపెనీ ఏమందంటే??
- Technology Realme నుంచి రెండు కొత్త ఫోన్లు లాంచ్ అయ్యాయి! ధర రూ.11,999 కే మొదలు
- Sports ఆ చెత్త నిర్ణయమే ఆర్సీబీ కొంపముంచింది- ఫించ్
- News ముందస్తుగానే ఏపీ ఎన్నికల ఫలితాలు - గెలుపెవరిది..!!
- Finance Debt Free: అప్పుల ఊబి నుంచి త్వరగా బయటపడాలా..?? ఇవిగో 5 మార్గాలు..
- Lifestyle వేసవిలో కడుపులో చల్లగా ఉంచే కీరకాయ పెరుగుపచ్చడి-అన్నం, రోటీ లేదా చపాతీ దేనికైనా...
- Travel ఏపీలోని రైలు ప్రయాణికులకు శుభవార్త..వేసవి ప్రత్యేక రైళ్లు ఆగే స్టేషన్లివే..!
రూమర్లలో వాస్తవం లేదు.. నా కూతురు గురించి అలా రాయొద్దు.. గౌతమి క్లారిటీ..
తన కూతురు సుబ్బలక్ష్మిపై వస్తున్న రూమర్లపై సీనియర్ నటి గౌతమి వివరణ ఇచ్చింది. అర్జున్రెడ్డి తమిళ రీమేక్లో సుబ్బలక్ష్మి నటిస్తున్నారనే వార్తలను గౌతమి కొట్టిపారేసింది. తమిళ రీమేక్లో హీరో విక్రమ్ కుమారుడు ధ్రువ్ అర్జున్రెడ్డిగా నటిస్తున్న సంగతి తెలిసిందే. గత రెండురోజులుగా సుబ్బలక్ష్మీ ఎంట్రీపై మీడియాలో కథనాలు ప్రముఖంగా వినిపిస్తుండటంతో ఆమె స్పందించాల్సి వచ్చింది.
సుబ్బలక్ష్మి సినీ ప్రవేశంపై
తన కూతురు సినీ రంగ ప్రవేశంపై గౌతమి ట్విట్టర్లో స్పందించారు. సుబ్బలక్ష్మి సినీ రంగ ప్రవేశానికి సంబంధించిన వార్త రావడం నాకు చాలా ఆశ్చర్యం కలిగించింది. అయితే సుబ్బలక్ష్మి గురించి మీడియా ఆ విధంగా స్పందించడం మంచిదే అని అన్నారు.
Recommended Video
చదువులపైనే దృష్టి
ప్రస్తుతం సుబ్బలక్ష్మి దృష్టంతా చదువులపైనే ఉంది. ఇప్పుడే యాక్టింగ్లోకి ప్రవేశించడం సాధ్యపడదు. ఆమెకు కూడా ఇష్టం లేదు అని గౌతమి ట్విట్టర్లో పేర్కొన్నది. సుబ్బలక్ష్మి కాదని గౌతమి వివరణ ఇచ్చిన నేపథ్యంలో మళ్లీ హీరోయిన్ ఎంపిక ప్రశ్నగానే మిగిలింది.
హీరోయిన్ ఎవరు?
తెలుగులో సంచలన విజయం సాధించిన అర్జున్రెడ్డి తమిళంలో రీమేక్ చేస్తున్న సంగతి తెలిసిందే. అయితే ఇప్పటి వరకు హీరోయిన్ ఎవరనేది ఇంకా తెలియరాలేదు. హీరోయిన్ ఎంపికపై యూనిట్ కసరత్తు చేస్తున్నది.
సుబ్బలక్ష్మి వార్త నిజమేనని..
హీరోయిన్ కసరత్తు ప్రక్రియలోనే తమిళ మీడియాలో సుబ్బలక్ష్మి పేరు వినిపించింది. తెలుగులో షాలిని పాండే పోషించిన పాత్రను ఆమె పోషిస్తున్నారంటూ కథనాల్లో పేర్కొన్నారు. దాంతో అంతా నిజమే అనే భ్రాంతిలో పడిపోయారు. మీడియా కథనాలు జోరందుకోవడంతో గౌతమి రంగంలోకి దిగారు.
తొలి షెడ్యూల్ పూర్తి
తమిళంలో రూపొందుతున్న ఈ చిత్రం పేరును వర్మగా ఖరారు చేశారు. ఈ సినిమాకు సంబంధించిన తొలి షెడ్యూల్ షూట్ను ఇటీవల నేపాల్లోని కట్మాండులో పూర్తి చేశారు. ఈ సంవత్సరం చివర్లో వర్మ చిత్రాన్ని విడుదల చేసేందుకు ప్రయత్నిస్తున్నారు.