Don't Miss!
- News ఫోన్ ట్యాపింగ్ కేసు: మాజీ డీసీపీ రాధాకిషన్ రావుకు 14 రోజుల రిమాండ్
- Sports RCB vs KKR: చెలరేగిన కోహ్లీ, కార్తీక్.. కేకేఆర్ ముందు భారీ లక్ష్యం!
- Automobiles గిఫ్ట్ అంటే అబ్బాయిలే ఇవ్వాలా.??.. పెళ్లిలో వరుడికి వధువు అదిరిపోయే బైక్ గిఫ్ట్.. వైరల్ వీడియో చూసేయండి
- Technology 32MP+32MP సెల్ఫీ కెమెరాలతో షియోమీ కొత్త స్మార్ట్ఫోన్.. స్పెసిఫికేషన్లు, ఫీచర్ల వివరాలు..!
- Lifestyle Human Brain Size రోజు రోజుకు పెరుగుతున్న మానవ మెదడు సైజు, రాబోవు కాలంలో బహుషా ఈ వ్యాధులు ఉండవకపోవచ్చు..
- Finance Shapoorji Pallonji IPO: షాపూర్జీ పల్లోంజీ గ్రూప్ నుంచి భారీ ఐపీఓ..
- Travel నహర్ఘర్ కోట దెయ్యాల కోటగా ఎందుకు మారింది? ఈ స్టోరీ తెలిస్తే ఆశ్చర్యపోతారు!
మాఫియా డాన్ కాంట్రవర్సీ: రజనీకాంత్ మూవీ టీం వివరణ
రజనీకాంత్, పా రంజిత్ కాంబినేషన్లో వస్తున్న మూవీ పూర్తిగా ఫిక్షనల్ స్టోరీతో తెరకెక్కుతోందని, ఎవరి జీవితం ఆధారంగా ఈ సినిమా తీయడం లేదని చిత్ర నిర్మాణ సంస్థ స్పష్టం చేసింది.
హైదరాబాద్: సూపర్ స్టార్ రజనీకాంత్ 'కబాలి' తర్వాత ఆ చిత్ర దర్శకుడు పా రంజిత్ దర్శకత్వంలో మరో సినిమా చేయబోతున్న సంగతి తెలిసిందే. ధనుష్ ఈ చిత్రాన్ని నిర్మిస్తున్నారు. మే 28న ఈ చిత్రం ప్రారంభం కానుంది.
అయితే సినిమా ఓ మాఫియా డాన్ జీవితం ఆధారంగా తీస్తున్నారంటూ పుకార్లు షికార్లు చేసాయి. మాఫియా కార్యకలాపాలతో ముంబై మహానగరాన్ని గడగడలాడించిన హాజీ మస్తాన్ మీర్జా జీవిత కథ ఆధారంగా ఈ సినిమా వస్తోందని, దీంతో హజీ మస్తాన్ వారసుడు రజనీకాంత్ చిత్ర టీంను హెచ్చరించారని, ఈ సినిమా తీయడానికి వీల్లేదని వార్నింగ్ ఇచ్చారని వార్తలు వచ్చాయి.
అయితే ఈ ప్రచారంపై చిత్ర నిర్మాణ సంస్థ వండర్బార్ ఫిల్మ్స్ వివరణ ఇచ్చింది. రజనీకాంత్, పా రంజిత్ కాంబినేషన్లో వస్తున్న మూవీ పూర్తిగా ఫిక్షనల్ స్టోరీతో తెరకెక్కుతోందని, ఎవరి జీవితం ఆధారంగా ఈ సినిమా తీయడం లేదని స్పష్టం చేసింది. ఈ మేరకు ప్రెస్ నోట్ రిలీజ్ చేసింది. దీంతో మాఫియా డాన్ కాంట్రవర్సీకి తెరపడినట్లయింది
హాజీమస్తాన్ ముంబైలో పేరుమోసిన గ్యాంగ్స్టర్. స్మగ్లింగ్, సినిమాలకు ఫైనాన్స్, రియల్ ఎస్టేట్, హవాలా కార్యక్రమాలతో ముంబై మాఫియా సామ్రాజ్యాన్ని 1926 రెంయి 1994 వరకు ఏలిన చరిత్ర ఉంది. ఆ తర్వాత ఏర్పడిన అంతర్జాతీయ మాఫియా సంబంధాలతో హాజీ మస్తాన్ ఇంటర్నేషనల్ గ్యాంగ్స్టర్గా ఎదిగాడు.
కడు పేదరికంలో పుట్టిన హాజీ మస్తాన్ విలాసవంతమైన జీవితాన్ని గడుపాలనే కోరిక చిన్నతనం నుంచే ఉందని హాజీ మస్తాన్ బలమైన మాఫియా సామ్రాజ్యాన్ని ఏర్పాటు చేయడం వెనుక తమిళుడైన వరదరాజన్ ముదలియార్ హస్తం, మద్దతు ఉందనే చెబుతుంటారు.