ఆయన సీఎం అయ్యేవరకు నటించాడు.. నన్ను ట్రాప్‌లో పడేయలేరు.. రజినీ కామెంట్స్

రాజకీయాల్లోకి ఎంట్రీ..

జయలలిత మరణం తరువాత ఏర్పడిన శూన్యాన్ని భర్తీ చేయడానికి రజినీ కాంత్, కమల్ హాసన్ లాంటి వారు పొలిటికల్ జర్నీని ప్రారంభించారు. అయితే రజినీ మాత్రం కాస్త నెమ్మదిగా అడుగులు వేస్తూ.. అభిమానులను కలవర పెడుతున్నాడు. అసలు తమ నాయకుడు ఎప్పుడు వస్తాడు.. కార్యాచరణ ఎప్పుడు ప్రకటిస్తాడు అంటూ కళ్లు కాయలు కాచేలా ఎదురుచూస్తున్నారు.

లోకసభ ఎన్నికలకు దూరం..

రీసెంట్‌గా జరిగిన లోక్‌సభ ఎన్నికలకు రజినీ దూరంగా ఉన్నారు. వచ్చే అసెంబ్లీ ఎన్నికల్లో బరిలోకి దిగుతామని చెప్పి సైలెంట్ అయ్యారు. కానీ కమల్ హాసన్ మాత్రం మొండిగా దూకి ముందుకు వెళ్లారు. అయితే అనుకుంతగా సక్సెస్ కాకపోయినా ఎటువంటి నిరాశకు లోనవ్వలేదు.

బీజేపీతో స్నేహబందం..

రజినీకాంత్ బీజేపీలో చేరతారని, బీజేపీకి మద్దతిస్తారని ఎన్నో వార్తలు వినిపిస్తున్నాయి. వీటికి తగ్గట్టే కేంద్ర మంత్రులు, రజినీతో భేటీ అవ్వడం జరుగుతోంది. దీంతో ఆ వార్తలు మరింత ఊపందుకుంటున్నాయి. అయితే వాటన్నంటిని ఖండిస్తూ రజినీ కాంత్ సెన్సేషనల్ కామెంట్సే చేశారు.

కాషాయాన్ని పులుమలేరు..

తనకు కాషాయ రంగును పులుమాలనుకుంటున్నారు.. తిరువళ్లువార్‌ను కూడా అలాగే చేద్దామని ప్రయత్నించారు కానీ వారి పప్పులేమీ ఉడకలేదు.. నేను కూడా అంతే వారి ట్రాప్‌లో పడను.. అంటూ ఆ రూమర్లకు చెక్ పెట్టేశాడు.

సీఎం అయ్యేవరకు నటించాడు..

ఎంజీఆర్ సీఎం అయ్యే వరకు నటిస్తూనే ఉన్నాడు.. రాజకీయ పార్టీని ప్రకటించి.. పూర్తి స్థాయి రాజకీయాల్లోకి వచ్చేవరకు నటిస్తూనే ఉంటానని కుండబద్దలు కొట్టేశాడు. రజినీ ప్రస్తుతం ఏఆర్ మురుగదాస్ దర్శకత్వంలో దర్బార్ చిత్రం చేస్తుండగా.. శివ డైరెక్షన్‌లో మరో ప్రాజెక్ట్‌కు గ్రీన్ సిగ్నల్ ఇచ్చేశాడు.