మై గాడ్.. కమల్ హాసన్‌తో గొడవలా.. ఆశ్చర్యపోయిన రజని!

కమల్ నాకు విరోధా

కమల్ హాసన్ తో మీ రిలేషన్ ఎలా ఉంది.. మీరిద్దరూ కొన్ని విషయాలలో విరోధులుగా ఉన్నట్లు వార్తలు వస్తున్నాయి అనే ప్రశ్నకు రజని ఆసక్తికర సమాధానం ఇచ్చారు. మై గాడ్.. కమల్, నేను విరోధులమా.. ఏమాత్రం కాదు. ఆ మాటకు వస్తే కమల్ కమల్ నాకు మంచి స్నేహితుడు అని రజని అన్నారు. కనీసం అతడికి నాకు మధ్య పోటీ ఉందని కూడా నేను చెప్పను అని రజని పేర్కొన్నారు.

అతడి వద్దే డైలాగులు

తాను కెరీర్ ఆరంభంలో అతడివద్దే డైలాగ్ ఎవరీ ఎలా ఉండాలో నేర్చుకున్నాని రజని అన్నారు. కొన్ని సార్లు కమల్ నాకోసం తన డేట్స్ సర్దుబాటు చేసుకునేవారు అని కూడా రజని గుర్తు చేశారు. కెరీర్ ఆరంభంలో రజని, కమల్ కొన్ని చిత్రాల్లో కలసి నటించారు. ప్రస్తుతం వీరిద్దరూ రాజకీయాల్లోకి అడుగుపెట్టిన సంగతి తెలిసిందే.

విడదీయాలని చూసేవాళ్ళు

మేమిద్దరం కలిసే సినీ కెరీర్ ని ప్రారంభించాం. ఆరంభం నుంచి మంచి స్నేహతులుగా ఉన్నాము. ఇండస్ట్రీ గురించి మాకు తెలుసు. మా ఇద్దరి స్నేహాన్ని చెడగొట్టడానికి చాలా మంది ప్రయత్నిస్తూ ఉంటారు. కానీ అలాంటి పట్ల తాము జాగ్రత్తగా ఉన్నామని రజని తెలిపారు. కమల్ హాసన్ నటించిన అపూర్వ రాగంగాళ్ చిత్రంతో రజని సినిమాల్లోకి ఎంట్రీ ఇచ్చారు.

రాజకీయాల్లో

రజనీకాంత్ ఈ ఏడాది ఆరంభంలో రాజకీయాల్లోకి వస్తున్నట్లు అధికారిక ప్రకటన చేసిన సంగతి తెలిసిందే. కమల్ హాసన్ కూడా సొంతంగా పార్టీ స్థాపించారు. వీరిద్దరి రాజకీయ ప్రయాణంపై తమిళనాడు వ్యాప్తంగా ఆ మాటకు వస్తే దేశవ్యాప్తంగా ఉత్కంఠ నెలకొని ఉంది.