బుద్ధి మాంద్యంతో బాధపడే విక్రమ్..చేరదీసే అనుష్క

By Srikanya

Published: Friday, April 22, 2011, 14:17 [IST]

విక్రమ్,అనుష్క కాంబినేషన్ లో రూపొందుతున్న తమిళ చిత్రం 'దైవ తిరుమగన్‌". ఈ చిత్రం త్వరలో తెలుగులోకి అనువాదం కానుంది. శివపుత్రుడు,అపరిచితుడు చిత్రాల తర్వాత విక్రమ్‌కు తెలుగులో విజయాలు లేకపోయినప్పటికీ అతని సినిమాలకు క్రేజ్ రావటం గొప్ప విషయంగా చెప్పుకుంటున్నారు.అంతకుమించి ఈ చిత్రంలో అనుష్క హీరోయిన్‌గా నటిస్తుండడంతో ఈ చిత్రం అనువాద హక్కులకు డిమాండ్‌ ఏర్పడుతోంది. 'దైవ తిరుమగన్‌" అంటే తెలుగులో 'దేవుని బిడ్డ" అని అర్దం. ఈ చిత్రంలో విక్రమ్‌ బుద్ధిమాంద్యంతో బాధపడే కుర్రాడిగా నటించాడు. 'శివపుత్రుడు" చిత్రానికిగాను ఇప్పటికే జాతీయ అవార్డునందుకున్న విక్రమ్‌ ఈ చిత్రంలో మరోసారి అవార్డ్‌ విన్నింగ్‌ పెర్‌ఫార్మెన్స్‌ ప్రదర్శించాడని చెప్తున్నారు. ఎ.ఎల్‌.విజయ్‌ దర్శకత్వం వహిస్తున్న ఈ చిత్రానికి జి.వి.ప్రకాష్‌కుమార్‌ సంగీతాన్ని అందిస్తున్నాడు.

More from Filmibeat