భార్యతో విడాకులు కారణం అదే, ఆమెను ప్రాణం కంటే ఎక్కువ ప్రేమించా.. .. హీరో క్లారిటీ

జీవితమంతా అనిశ్చితమే

జీవితంలో ఏదీ స్థిరంగా ఉండదనే విషయం నాకు ఇప్పుడిప్పుడే బోధపడుతున్నది. లైఫ్‌లో ఎప్పుడైనా ఏదైనా జరుగొచ్చనే విషయం నా పెళ్లి, విడాకుల విషయంలో అర్ధమైంది. నా భార్య నుంచి నేను విడాకులు తీసుకొంటానని కలలో కూడా అనుకోలేదు. భగవంతుడు నిర్ణయమే అనుకొని బాధపడుతున్నాను అని విష్ణు విశాల్ అన్నాడు.

నాపై అలా దుష్ప్రచారం

రజనీ నుంచి విడాకులు తీసుకోవడం అనే విషయం నుంచి తేరుకోవడానికి చాలా రోజులు పట్టింది. నాపై రకరకాల దుష్ప్రచారం జరిగింది. 2011లో రజనీతో పెళ్లి జరిగేంత వరకు ఆమెతో నాకు బలమైన రిలేషన్ ఉండేది. మా రిలేషన్ ఇలా కావడానికి కారణం ఏమిటో ఇప్పటికీ నాకు అంతుపట్టడం లేదు అని విష్ణు విశాల్ ఆవేదన వ్యక్తం చేశారు.

నేను మితభాషిని అందుకే

నా పర్సనాలిటీ విషయానికి వస్తే.. నేను ఎవరితో ఎక్కువగా మాట్లాడను. నేను మితభాషిని. నా వ్యక్తిత్వం నా కెరీర్‌కు అవరోధంగా ఉంటుందనే విషయాన్ని గ్రహించాను. ఇప్పుడు అందరితో కలిసిపోవడానికి, ఇతరులతో మాట్లాడటానికి ప్రయత్నిస్తున్నాను. స్క్రీన్ పైన రొమాన్స్ పండటానికి నేను ఇతరులను ఆటపట్టించడం. అమ్మాయిలతో చిలిపి చేష్టలు చేయడం చేస్తున్నాను అని విష్ణు విశాల్ పేర్కొన్నారు.

భార్యతో విడాకుల కారణం అదే

నా వ్యక్తిత్వానికి భిన్నంగా నేను ఇతరులతో చనువుగా ఉండటమే నా విడాకులకు కారణమా? అనే అనుమానం కలుగుతున్నది. ఇతరులతో సన్నిహితంగా ఉండమే నా జీవితంలో ఇలాంటి సంఘటనలు చోటుచేసుకొన్నాయని అనిపిస్తున్నది. నాలోని మార్పులే నాకు కష్టాలు తెస్తున్నాయా? ఆ కారణంగానే ఇలాంటి వ్యక్తిని పెళ్లి చేసుకొన్నానా? అనే భావన కలిగిందా అనే సందేహాలు నన్ను వెంటాడుతున్నాయి.

నా కొడుకు మంచి భవిష్యత్తు కోసమే

నా భార్య రజనీ నుంచి విడాకులు తీసుకోవడమనే విషయం ఇంకా జీర్ణించుకోలేకపోతున్నాను. నా భార్య, కొడుకు మంచి జరుగాలంటే నేను ఆ కఠినమైన నిర్ణయం తీసుకోవడం తప్పనిసరైంది. రజనీ అంటే ఇప్పటికీ ఇష్టం. ఆమె మంచి వ్యక్తి. కొన్నిసార్లు ఈ ప్రకృతి ఇద్దరు మంచిగా ఉండటం తట్టుకోలేదనిపిస్తుంది. నాపై ఉన్న అపోహలు తొలిగి రజనీ నన్ను ఇష్టపడటం మొదలుపెడుతుందేమో అని విష్ణు విశాల్ అన్నారు. విష్ణు విశాల్ నటించిన రాక్షసన్ సినిమా ఇటీవల ఘన విజయం సాధించింది. తెలుగులో రాక్షసుడు పేరుతో బెల్లంకొండ శ్రీను హీరోగా రూపొందుతున్నది.