పర్సనల్ సీక్రెట్ లీక్ చేసిన మోనాల్ గజ్జర్: బిగ్ బాస్‌కు రాకముందే అఖిల్ కోసం ఆ పని చేసిందట!

నర్మదా నది.. వాటర్ ఇచ్చి క్లోజ్ అయింది

బిగ్ బాస్ నాలుగో సీజన్‌లో మొదటి కంటెస్టెంట్‌గా ఎంట్రీ ఇచ్చింది ప్రముఖ హీరోయిన్ మోనాల్ గజ్జర్. తొలిరోజు మిగిలిన కంటెస్టెంట్లు అందరికీ స్వాగతం పలుకుతూ వాటర్ ఇచ్చి మంచి పేరు సంపాదించుకుంది. ఆ తర్వాత తరచూ ఏడుస్తూ నర్మదా నది అనే బిరుదును అందుకుంది. అంతేకాదు, ఈ సీజన్‌లో ఎక్కువ సార్లు ఏడ్చిన కంటెస్టెంట్‌గా ఆమె పేరు మారుమ్రోగిపోతోంది.

ముందు అభితో.. ఆ తర్వాత అఖిల్ సార్థక్

బిగ్ బాస్ హౌస్‌లోకి అడుగు పెట్టిన సమయంలో యంగ్ హీరో అభిజీత్‌తో చెట్టాపట్టాలేసుకుని తిరిగింది మోనాల్ గజ్జర్. దీంతో అతడితో ప్రేమాయణం సాగిస్తుందన్న ప్రచారం జోరుగా సాగింది. ఇలాంటి సమయంలో అతడికి ఊహించని విధంగా గుడ్‌బై చెప్పేసిన ఈ బ్యూటీ.. మరో కంటెస్టెంట్ అఖిల్ సార్థక్‌కు క్లోజ్ అవడంతో పాటు అతడితో ప్రేమలో పడిపోయిందీ గుజరాతీ అమ్మాయి.

పుల్లలు పెట్టి... ఆ గొడవలకు కారణమైంది

బిగ్ బాస్ నాలుగో సీజన్‌లో జరిగిన గొడవల్లో ఎక్కువ భాగం మోనాల్ గజ్జర్ వల్లే మొదలయ్యాయి. అభిజీత్ - అఖిల్ సార్థక్ మధ్య వార్‌కు ప్రధాన కారణం అయిన ఆమె.. ఆ తర్వాత ఎంతో మంది మధ్య పుల్లలు పెట్టింది. మరీ ముఖ్యంగా సోహెల్ - అఖిల్ మధ్య పలుమార్లు గొడవలు పెట్టాలని చూసింది. ఓ సారి ఈ విషయం వాళ్లకు వీడియో ద్వారా వివరించాడు హోస్ట్ అక్కినేని నాగార్జున.

అఖిల్‌తో దూరంగా.. ఇప్పుడు తట్టుకోలేక

ఫినాలేకు చేరువ కావడంతో ఇకపై అంతా ఎవరి గేమ్‌ వాళ్లు ఆడాలని బిగ్ బాస్ పదే పదే చెప్పాడు. హోస్ట్ నాగార్జున కూడా ప్రతి ఒక్కరినీ ఈ విషయంపై అలెర్ట్ చేశాడు. దీంతో మోనాల్ గజ్జర్ తన ఆట తాను ఆడాలని డిసైడ్ అయింది. ఈ క్రమంలోనే అఖిల్‌కు వ్యతిరేకంగా టాస్కులు ఆడింది. దీంతో ఇద్దరి మధ్యా దూరం పెరిగింది. ఇక, ఈ మధ్య అఖిల్ ప్రవర్తన చూసి తట్టుకోలేకపోతోంది.

పర్సనల్ సీక్రెట్ లీక్ చేసిన మోనాల్ గజ్జర్

శనివారం జరిగిన ఎపిసోడ్‌లో కంటెస్టెంట్లు అందరితో ఓ ఆట ఆడించాడు నాగార్జున. ఇప్పుడున్న ఐదుగురిలో మీకు నచ్చిన ముగ్గురు కంటెస్టెంట్లు, నచ్చని ఇద్దరు ఎవరో చెప్పమన్నాడు. అంతేకాదు, మొదట్లో ఆయా కంటెస్టెంట్ గురించి ఏమనుకున్నారు? ఇప్పుడేమనుకుంటున్నారు? అనేది చెప్పమన్నాడు. ఈ సమయంలో మోనాల్ తన పర్సనల్ సీక్రెట్ రివీల్ చేసింది.

Recommended Video

Bigg Boss Telugu 4 : Vijay Devarakonda Supports His Life Is Beautiful Co Star Abhijeet

బిగ్ బాస్‌కు ముందే అఖిల్ కోసం ఆ పని

ఈ గేమ్‌లో భాగంగా అఖిల్ సార్థక్‌ను మంచి వ్యక్తిగా చెప్పిన మోనాల్.. ‘అఖిల్ ఇంట్లోకి రాగానే చాలా యాటిట్యూడ్ ఉన్న వ్యక్తి అని అనుకున్నా. మొదట్లో అంతగా కలిసేవాడు కాదు. నిజానికి నేను బిగ్ బాస్‌లోకి రాకముందే అతడి ఇన్‌స్టాగ్రామ్ ప్రొఫైల్ చెక్ చేశా. అప్పుడే బాగా ఇంప్రెస్ అయ్యాను. ఎంతైనా మోస్ట్ డిజైరబుల్ మ్యాన్ కదా' అంటూ వివరించిందీ బ్యూటీ.