సోహెల్‌కు ఊహించని కష్టాలు: హౌస్‌లో అతడితో.. బయట ఆమెతో.. ఓటింగ్‌పై తీవ్ర ప్రభావం!

నాలుగో సీజన్‌లో బెస్ట్ ఫైటర్‌గా పేరు

బిగ్ బాస్ నాలుగో సీజన్‌లో ఫేమ్ ఉన్న కంటెస్టెంట్లు చాలా తక్కువ మందే ఉన్నారు. సయ్యద్ సోహెల్ రియాన్ కూడా అందులో ఒకడు. సీరియళ్లలో యాక్టింగ్ చేయడం ద్వారా అతడికి గుర్తింపు ఉంది. ఇక, ఆరియానాతో కలిసి సీక్రెట్ రూమ్ ద్వారా బిగ్ బాస్ హౌస్‌లోకి ప్రవేశించిన అతడు.. తక్కువ సమయంలోనే తన మార్క్ చూపించి బెస్ట్ ఫైటర్‌గా గుర్తింపు తెచ్చుకున్నాడు.

అదే సోహెల్‌కు చెడ్డ పేరును తెచ్చింది

ప్రతి టాస్కులోనూ వందకు వంద శాతం శ్రమిస్తూ మంచి ఆటగాడిగా గుర్తింపు తెచ్చుకున్నాడు సోహెల్. అందుకే అందరి కంటే తక్కువ సార్లు నామినేషన్స్‌లో ఉన్నాడు. మరోవైపు, అతడికి ఇట్టే కోపం వచ్చేస్తుంది. దీని వల్ల హౌస్‌లోకి దాదాపు అందరు కంటెస్టెంట్లతో గొడవలు జరిగాయి. ఆడవారిపైనా అతడు రెచ్చిపోతుంటాడు. ఇదే తీరుతో సోహెల్‌కు చెడ్డ పేరు కూడా వచ్చింది.

ఫ్రెండ్‌షిప్ కోసం చాలా త్యాగం చేశాడు

బిగ్ బాస్ నాలుగో సీజన్ ప్రారంభం నుంచీ సోహెల్.. అఖిల్ సార్థక్, మెహబూబ్‌ దిల్‌సేతో బాగా స్నేహంగా ఉండేవాడు. ఏది చేసినా ముగ్గురూ కలిసే చేసేవారు. అందుకే తరచూ గొడవలు కూడా జరిగేవి. ఇదిలాఉండగా, ఫ్రెండ్‌షిప్ కోసం అతడు తరచూ ఏదో ఒకటి త్యాగం చేస్తూనే ఉన్నాడు. కెప్టెన్సీ టాస్కుల దగ్గర నుంచి మొన్నటి రేస్ టు ఫినాలే మెడల్ వరకు అలాగే చేశాడు.

ఫినాలేలో ఉంటాడని అంతా అన్నారు

ఆ మధ్య కంటెస్టెంట్ల కుటుంబ సభ్యులు బిగ్ బాస్ హౌస్‌లోకి ఎంట్రీ ఇచ్చారు. ఆ తర్వాత మరికొందరు నాగార్జునతో కలిసి స్టేజ్ మీద కనిపించారు. ఆ సమయంలో ప్రతి కంటెస్టెంట్‌కు చెందిన ఫ్యామిలీ మెంబర్లు వాళ్ల ఉద్దేశంలో టాప్-5 కంటెస్టెంట్ల పేర్లు చెప్పారు. ఇందులో ఎక్కువ సార్లు కనిపించింది సోహెల్ ఫొటోనే. వాళ్లే కాదు.. బయట జనాలు కూడా అతడు ఫినాలేలో ఉంటాడని అంటున్నారు.

సోహెల్‌కు ఊహించని కష్టాలు మొదలు

నేరుగా నామినేషన్ పెడితే ఇబ్బందులు తప్పవని భావించాడో ఏమో.. ఈ సారి బిగ్ బాస్ అఖిల్ మినహా అందరినీ నేరుగా నామినేట్ చేశాడు. వారం మొత్తం టాస్కులు ఇచ్చి ప్రేక్షకుల మనసులు దోచుకోమని చెబుతున్నాడు. దీంతో ఈ వారం ఓటింగ్‌లో ఎప్పటి లాగే అభిజీత్ టాప్‌లో ఉన్నాడు. ఇక, సోహెల్ విషయానికి వస్తే.. అతడికి ఊహించని కష్టాలు మొదలయ్యాయి.

Recommended Video

Niharika Konidela wedding Saree Speciality

హౌస్‌లో అతడితో... బయట ఆమెతో

బిగ్ బాస్ హౌస్‌లో అఖిల్ సార్థక్ వల్ల చాలా కోల్పోయిన సోహెల్.. ఇప్పుడు అతడి ఫ్యాన్స్ వల్ల ఓట్లు కోల్పోతున్నాడు. దీనికి కారణం.. మోనాల్ గజ్జర్ కూడా నామినేషన్స్‌లో ఉండడమే. అఖిల్ నామినేషన్స్‌లో లేకపోతే ఆమెకు సపోర్ట్ చేసిన ఫ్యాన్స్.. ఇప్పుడు సోహెల్ ఉన్నా మోనాల్‌కే ఓటింగ్ చేస్తున్నారు. ఇది అతడి ఓటింగ్‌పై తీవ్ర ప్రభావం చూపుతుందన్న టాక్ వినిపిస్తోంది.