నా బరువు మోయడానికి రెడీగా ఉంది: మోనాల్ ఎదుటే ఆ కంటెస్టెంట్‌పై అఖిల్ షాకింగ్ కామెంట్స్

ఫైనల్‌కు చేరువ.. పెరుగుతోన్న ఆసక్తి

బిగ్ బాస్ నాలుగో సీజన్ రికార్డు స్థాయి రేటింగ్‌తో ప్రారంభం అయిన విషయం తెలిసిందే. ఈ సీజన్‌ ఇప్పటికే 80 రోజులు పూర్తి చేసుకుంది. అదే సమయంలో ఫైనల్‌కు కూడా చేరువైంది. దీంతో నిర్వహకులు షోను మరింత రంజుగా మార్చేందుకు కొత్త కొత్త టాస్కులు, సర్‌ప్రైజింగ్ అంశాలు తీసుకొస్తున్నారు. ఫలితంగా రోజురోజుకూ నాలుగో సీజన్ ఆసక్తికరంగా సాగుతోంది.

ఉన్నది ఏడుగురే.. మూడు గ్రూపులు

బిగ్ బాస్ హౌస్‌లో ప్రస్తుతం ఏడుగురు కంటెస్టెంట్లు మాత్రమే ఉన్నారు. వారిలో అఖిల్ సార్థక్, సోహెల్ రియాన్, మోనాల్ గజ్జర్ ఒక గ్రూపుగా.. ఆరియానా గ్లోరీ, అవినాష్ మరో గ్రూపుగా ఉంటున్నారు. మిగిలిన ఇద్దరు అభిజీత్, దేత్తడి హారిక ఎప్పటి నుంచో కలిసి ఉంటున్నారు. దీంతో టాస్కుల విషయంలో ఈ మూడు గ్రూపుల మధ్య విపరీతమైన పోటీ కనిపిస్తోంది.

మోస్ట్ ఎఫెక్టెడ్ పర్సన్ అంటూ ప్రకటన

నాలుగో సీజన్ ఆరంభం నుంచీ మోనాల్ గజ్జర్‌తో లవ్ ట్రాక్ నడుపుతున్నాడు అఖిల్ సార్థక్. తరచూ రొమాంటిక్‌గా మాట్లాడుకోవడం, హగ్గులు, ముద్దులిచ్చుకోవడం, టాస్కుల్లో ఒకరికొకరు సహాయం చేసుకోవడం వంటి వాటితో హాట్ టాపిక్‌గా నిలిచారీ ఇద్దరు. అఖిల్ అయితే ఒకనొక సందర్భంలో ఆమె విషయంలో తానే మోస్ట్ ఎఫెక్టెడ్ పర్సన్ అని కూడా ప్రకటించుకున్నాడు.

అఖిల్ ప్రవర్తనలో ఒక్కసారిగా మార్పు

బిగ్ బాస్ షోలో ఎప్పుడూ మోనాల్ గజ్జర్‌తోనే ఉంటూ హైలైట్ అవుతూ వచ్చేవాడు అఖిల్ సార్థక్. కానీ, కొద్ది రోజులుగా అతడి ప్రవర్తనలో మార్పు స్పష్టంగా కనిపిస్తోంది. కావాలనే ఆమెను దూరం పెట్టడంతో పాటు నామినేట్ చేసేందుకు సైతం వెనుకాడలేదు. అంతేకాదు నీ మీద నాకు ట్రస్ట్ ఇష్యూయ్ (నమ్మకం కోల్పోయాను) ఉన్నాయి అంటూ మొహం మీదే చెప్పేస్తున్నాడు.

ఆ కంటెస్టెంట్‌పై అఖిల్ హాట్ కామెంట్స్

మోనాల్ గజ్జర్‌తో దూరం అయిన తర్వాత అఖిల్ సార్థక్.. మిగిలిన హౌస్‌మేట్స్ అందరితోనూ సరదాగా ఉంటున్నాడు. ఈ క్రమంలోనే తరచూ ఎవరో ఒకరిని ఆట పట్టిస్తూ కనిపిస్తున్నాడు. గత ఎపిసోడ్‌లో సోహెల్‌తో కలిసి అవినాష్‌ను ఓ ఆట ఆడుకున్నాడు కూడా. ఇక, తాజాగా జరిగిన ఎపిసోడ్‌లో ఆరియానా గ్లోరీపై హాట్ కామెంట్స్ చేసి మరోసారి హైలైట్ అవుతున్నాడు.

TFC President Narayan Das Narang Thanks To CM KCR ఇండియా ఫిలిం హబ్‌గా హైదరాబాద్..!!

నా బరువు మోయడానికి రెడీగా ఉంది

తాజా ఎపిసోడ్‌లో అవినాష్‌ను మరోసారి ఆట పట్టించాడు అఖిల్. స్విమ్మింగ్ ఫూల్ దగ్గర కూర్చున్న ఆరియానాపై చేయి వేసి మాట్లాడుతూ అతడికి కోపం తెప్పించేందుకు ప్రయత్నించాడు. ఈ క్రమంలోనే మోనాల్ ఎదుటే మాట్లాడుతూ ‘తను నా బరువు మోయడానికి రెడీగా ఉంది. చూడు.. మేమిద్దరం వాటర్ కూడా పోనంతగా అతుక్కుపోయి కూర్చున్నాం' అంటూ తెగ ఉడికెంచేశాడు.