బిగ్ బాస్ 4 కోసం అనసూయకు భారీ ఆఫర్.. ఒక రోజులోనే సెటిల్ చేసిందట?

Recommended Video

Bigg Boss Telugu 4: Anchor Anusuya Bhardwaj Rejects Offer | #HBDAnusuya

సినిమాలతో బిజీబిజీ..

జబర్దస్త్ షో ద్వారా తనకంటూ ఒక ప్రత్యేకమైన గుర్తింపు తెచ్చుకున్న అనసూయ ఆ తరువాత పలు సినిమాలతో కూడా తన క్రేజ్ ని పెంచుకుంది. ముఖ్యంగా రంగస్థలం సినిమాలో ఆమె చేసిన పాత్రకు మంచి క్రేజ్ దక్కింది. ఆ తరువాత గ్యాప్ లేకుండా సినిమాలు చేసుకుంటూ వెళుతోంది. అప్పుడప్పుడు లేడి ఓరియెంటెడ్ కథలతో కూడా మెప్పించే ప్రయత్నం చేస్తోంది.

బిగ్ బాస్ 4 కోసం..

తెలుగు బుల్లితెరపై క్లిక్కయిన బిగ్ బాస్ రియాలిటీ షో సీజన్ 4 కోసం గత కొన్ని నెలలుగా బ్యాక్ గ్రౌండ్ వర్క్ జరుగుతోంది. లాక్ డౌన్ కారణంగా షోకి సంబంధించిన పనులకు బ్రేక్ పడింది. లేకుంటే కంటెస్టెంట్స్ పై ఇప్పటికే ఒక క్లారిటీ వచ్చేది. అయినప్పటికీ కొంతమంది సెలబ్రెటీల పేర్లు ప్రస్తుతం సోషల్ మీడియాలో వైరల్ అవుతున్నాయి. అయితే లిస్ట్ లో ప్రస్తుతం అనసూయ పేరు కూడా ఉన్నట్లు టాక్ వస్తోంది.

భారీ ఆఫర్..

బిగ్ బాస్ సీజన్ 3లోనే శ్రీముఖిని సెట్ చేయడానికి షో నిర్వాహకులకు చాలా ఖర్చయ్యింది. ఆమెకు ఒక ఎపిసోడ్ కి లక్షకి పైగా ఆఫర్ చేశారని టాక్ వచ్చింది. ఇక ఇప్పుడు అనసూయ భరద్వాజ్ ని కూడా హౌజ్ లోకి రప్పించాలని చాలా ప్రయత్నాలు చేశారట. అయితే ఫలితం దక్కలేదని తెలుస్తోంది.

సెటిల్ చేసిన అనసూయ..

చాలా రోజులుగా షో నిర్వాహకులు బిగ్ బాస్ ఆఫర్ గురించి అనసూయ వద్దకు తీసుకువచ్చే ప్రయత్నం చేస్తున్నారట. చాలా వరకు ఈ యాంకర్ ఆ ఆఫర్ పై ఇంట్రెస్ట్ చూపలేదు. ఇక ఫైనల్ గా ఒక రోజులోనే డీల్ కి ఎండ్ కార్డ్ పెట్టినట్లు తెలుస్తోంది. తనకు ఏ మాత్రం ఇంట్రెస్ట్ లేదని ఫ్యామిలీకి తాను అన్ని రోజులు దూరంగా ఉండలేనని క్లారిటీగా వివరణ ఇచ్చిందట. కొన్నిరోజుల ఆలోచించుకొని చెప్పండి అంటూ స్టార్ మా నిర్వాహకులు చెప్పినప్పటికీ ఒక్కరోజులోనే వారి సందేహాలను క్లియర్ చేసిందట. మరి ఇది ఎంతవరకు నిజమో తెలియాలి అంటే అనసూయనే క్లారిటీ ఇవ్వాలి.