Anchor Lasya: యాంకర్ లాస్య ప్రెగ్నెంట్.. సీమంతం వీడియోను వైరల్ చేసిన గీతూ రాయల్

బుల్లితెరపై పాపులర్ జోడీగా..

ప్రముఖ యాంకర్​ లాస్య గురించి ప్రత్యేకంగా చెప్పుకోనవసరం లేదు. ఒకప్పుడు బుల్లితెరపై తన యాంకరింగ్​తో అదరగొట్టింది. తనదైన స్టైల్ లో చలాకీగా మాట్లాడుతూ వాగుడు కాయిగా పేరు తెచ్చుకుంది. ఇక యాంకర్ రవి, లాస్య జోడికి మాములు రెస్పాన్స్ రాలేదు. యాంకరింగ్​లో వీరిద్దరి జోడి మోస్ట్​ పాపులర్ అయిన విషయం తెలిసిందే. యాంకరింగ్ లో ఎవరు తెచ్చుకోనంత గుర్తింపును యాంకర్ లాస్య-రవి సంపాదించుకున్నారు.

అమాయకత్వంగా..

బుల్లితెరపై స్టార్ యాంకర్స్ గా కొనసాగిన, కొనసాగుతున్న అనసూయ, రష్మీ, శ్రీముఖి లాంటి వాళ్లతో సహా తనకంటూ ప్రత్యేకమైన గుర్తింపును సంపాదించుకుంది యాంకర్ లాస్య. ముఖ్యంగా తన అమాయకత్వంతో చీమ ఏనుగు జోక్స్​ చెప్పి సమ్​థింగ్​ స్పెషల్​ అంటూ క్యూట్​గా అందరిని నవ్వించేది. చురుకైన యాటిట్యూడ్​తో, చలాకీ మాటలతో బుల్లితెరపై ఆద్యంతం ఆకట్టుకుని ప్రేక్షకుల గుండెల్లో నిలిచిపోయింది.

బిగ్ బాస్ షో ద్వారా రీ ఎంట్రీ..

యాంకరింగ్ తర్వాత పలు వ్యక్తిగత కారణాలతో ఆ కెరీర్ కు దూరమైంది లాస్య. ఆమె యాంకరింగ్ మానేయడానికి అనేక రూమర్స్ వినిపించాయి. వాటన్నింటిని యాంకర్ లాస్య సైతం ఖండించింది. తను యాంకరింగ్ మానేయడానికి గల కారణాలను పలు ఇంటర్వ్యూల్లో చెప్పుకొచ్చింది లాస్య. యాంకరింగ్ తర్వాత లాస్య బిగ్​బాస్ తెలుగు 4వ సీజన్ తో బుల్లితెరపై మళ్లీ ఎంట్రీ ఇచ్చింది.

అంతగా రాణించలేని లాస్య..

బిగ్ బాస్ తెలుగు 4వ సీజన్ లో ముందుగా అందరి దృష్టిని ఆకర్షించిన లాస్య తర్వాత అదే జోరును కొనసాగించలేకపోయింది. హౌజ్ లో వంటగదికే పరిమితం అయిన లాస్య అంతగా రాణించలేకపోయింది. అలాగే కొన్నిసార్లు కొంతమేర నెగెటివిటీని కూడా మూటగట్టుకుంది. తర్వాత బిగ్ బాస్ హౌజ్ ను తొందర్లోనే విడిచి పెట్టిపోయింది. ఇలా బిగ్ బాస్ షో ద్వారా యాంకర్ లాస్య అంతగా క్రేజ్ దక్కించుకోలేకపోయిందనే చెప్పవచ్చు.

త్వరలో బేబీ రానుందని..

బిగ్ బాస్ షో తర్వాత ఓ యూట్యూబ్ ఛానెల్​ ప్రారంభించి రకరకాల వీడియోలతో అలరిస్తూ వచ్చింది యాంకర్ లాస్య. అయితే ఇటీవల తను అభిమానులకు గుడ్ న్యూస్ తెలిపింది. తను మరోసారి తల్లిని కాబోతున్నట్లు భర్తతతో కలిసి ఉన్న ఫొటోను షేర్ చేసింది. ''నేను మరోసారి తల్లిని కాబోతున్నాను. బేబి త్వరలో రానుంది. మరో రెండు చిట్టి పాదాలతో మా కుటుంబం మరింత పెద్దది కానుంది'' అని రాసుకొచ్చింది లాస్య

గీతూ రాయల్ వీడియో వైరల్..

అయితే తాజాగా యాంకర్ లాస్య సీమంతపు వేడుకలను ఘనంగా నిర్వహించారు. ఈ కార్యక్రమానికి బుల్లితెర నటీమణులు శ్రీవాణి, సుష్మతోపాటు బిగ్ బాస్ ఫైర్ బ్రాండ్ గీతూ రాయల్, హాట్ బ్యూటి అలేఖ్య హారిక వచ్చి సందడి చేశారు. దీనికి సంబంధించిన వీడియోను గీతూ రాయల్ షేర్ చేసింది. దీంతో యాంకర్ లాస్య సీమంతపు ఫొటోలు, వీడియోలో సోషల్ మీడియాలో తెగ వైరల్ అవుతున్నాయి. అయితే యాంకర్ లాస్య జనవరి లేదా ఫిబ్రవరి నెలలో మరో బిడ్డకు జన్మనివ్వబోతున్నట్లు తెలుస్తోంది.