Don't Miss!
- News రేవంత్ నన్ను జైల్లో వేస్తాడట..: కాంగ్రెస్ సర్కారుపై కేసీఆర్ నిప్పులు
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
బిగ్బాస్లోకి సుమ ఎంట్రీ ఖాయం.. స్వయంగా వెల్లడించిన యాంకర్.. ఎప్పుడు వస్తున్నారంటే..
అత్యంత ప్రేక్షకాదరణ పొందుతున్న బిగ్బాస్ తెలుగు రియాలిటీ షో సీజన్ 4 తొమ్మిదో వారాంతంలో హోస్ట్ నాగార్జునతో కలిసి యాంకర్ సుమ హంగామా చేశారు. ఇంటిలోకి వెళ్లానంటూ వేదికపైన హంగామా చేసింది. నాగార్జునతో కలిసి ఇంటి సభ్యులు ప్రవర్తన తీరును, మాట్లాడే తీరును అనుకరించి అందరికీ ఝలక్ ఇచ్చారు. అయితే వైల్డ్ కార్డు ఎంట్రీ అంటూ ఇంటి సభ్యులను, ప్రేక్షకులను ఊరించి లోనికి వెళ్లే ప్రయత్నం చేసింది. అయితే ఇంట్లోకి వెళ్లకుండా సుమ తిరిగి వచ్చి చెప్పిన కారణం ఏమిటంటే..
సూట్కేసులో ఇంటి సభ్యుల జాతకం
ఇంటి సభ్యుల గురించి మాట్లాడుతూ.. అవినాష్ గురించి చెబుతూ సూట్ కేసులో నుంచి బిస్కెట్లు తీసింది. అందరికి బిస్కెట్లు వేయడంలో దిట్ట అంటూ కామెంట్ చేసింది. ఇంత పొట్టేసుకొని వచ్చావు అని సుమ అంటే బంగారంలా పెంచుకొన్న పొట్టను లాగేసుకొన్నారని అవినాష్ కామెంట్ చేశారు. అయితే గట్టిగా లోపటికి లాగకు.. వెనక నుంచి బయటకు వస్తుంది అంటూ సుమ పంచ్ విసిరింది.
అవినాష్తో బిస్కెట్ల కథ..
ఇక ఇంట్లో అందరికి బిస్కెట్లు వేస్తున్నాడంటూ నాగార్జునకు సుమ ఫిర్యాదు చేస్తే.. ఎవరికి అంటూ నాగార్జున అంటే ఓ అందమైన అమ్మాయికి బిస్కెట్లు వేస్తున్నాడు. అంతేకాకుండా ఇంట్లో ఉన్న అమ్మాయిలు సరిపోలేదంటూ బయట నుంచి పెళ్లికాని అమ్మాయిని వైల్డ్ కార్డును పంపిస్తారేమో అని ఎదురుచూస్తున్నాడని అవినాష్ను ఆటాడుకొన్నారు.
అవినాష్పై పంచులు
అవినాష్ ముక్కుపై సుమ జబర్దస్త్ పంచ్ వేసింది. నీవు లోపల ఉండటం వల్ల అందరూ చాలా స్వేచ్ఛగా వాయువును పీలుస్తున్నారు. లేకపోతే నీ పెద్ద ముక్కుతోని ఉన్న గాలి అంతా నీవే పీల్చేసే వాడిని సైగ చేసి సుమ ఏడిపించింది. దాంతో అందరూ నవ్వుల్లో మునిగిపోయారు.
ఒక జోల పాటకు.. రెండుసార్లు అలా
ఇక మోనాల్ విషయంలో అఖిల్ను సుమ ఆటపట్టించింది. అంతేకాకుండా ఆయనతో పాట పాడించింది. అఖిల్ పాట పడిన తర్వాత సుమను ఉద్దేశించి నాగార్జున మాట్లాడుతూ.. నీకు ఇలా జోలపాట పాడారా అని అడిగితే.. అవును పాడారు.. ఆ తర్వాతే రెండు జోల పాటలు పాడాల్సి వచ్చింది. పెళ్లికి ముందు జోల పాట విన్న తర్వాత పెళ్లి తర్వాత జోలపాటలు పాడాల్సి వచ్చింది అంటూ సుమ ఫన్నీగా కామెంట్స్ చేశారు. ఆ తర్వాత ఇంటిలోనికి వెళ్ల మంటూ ఆమెను పంపించారు.
బిగ్బాస్లోకి అందుకే వెళ్లడం లేదు అంటూ
అయితే ఇంటిలోని వెళ్లకుండా తిరిగి రావడంతో నాగ్ ఆశ్చర్యపోయారు. అదేంటీ ఇంట్లోకి వెళ్లకుండా బయటకు ఎందుకు వచ్చారు అంటే.. చిన్న ప్రాబ్లెం వచ్చింది. ఇంట్లోకి వెళ్లేటప్పుడు వైల్డ్ డాగ్స్, మోస్ట్ ఎలిజిబుల్ బ్యాచ్లర్, RRR లాంటి సినిమాల ప్రెస్ మీట్స్, ఈవెంట్స్ నిర్వహించాలనే మెసేజ్ వచ్చింది. అందుకే ఎప్పుడు వెళ్లకుండా తిరిగి వచ్చాను అంటూ సుమ బాంబు పేల్చింది.
బిగ్బాస్లోకి వస్తాను.. కానీ అప్పుడే...
ఇక బిగ్బాస్లోకి ఎప్పుడు వెళ్తావు అని నాగార్జున అడిగితే.. తప్పకుండా వెళ్తాను. కాకపోతే గంగవ్వ అంత వయసు వచ్చిన తర్వాత వెళ్తాను. అప్పటి వరకు ఆగాల్సిందే అంటూ సుమ తనదైన శైలిలో చెప్పింది. అయితే వచ్చే సంవత్సరమే బిగ్బాస్ ఇంటిలోకి వస్తున్నావన్న మాట అంటూ నాగార్జున షాక్ ఇచ్చారు. ఇంటి సభ్యులు వస్తావని చెప్పి మోసం చేశావంటే.. మేనేజర్ కాల్ చేయడంతో మనసు మార్చుకొంటున్నాను అంటూ సమ అక్కడి నుంచి జారుకొన్నారు.