బయటపడ్డ అసలు విషయం.. మెహబూబ్ హింట్‌తో సోహెల్‌కు 25 లక్షలు.. వీడియో వైరల్

అఖిల్ కోసమా?

సోహెల్ 25 లక్షలకు బేరం కుదుర్చుకోవడంలో త్యాగం కూడా దాగి ఉందనే టాక్ బయటకు వచ్చింది. టాప్ 2లో ఉండాలన్నది అఖిల్ కల. మొదటి రోజు స్టేజ్ మీద కూడా అదే మాట చెప్పాడు. అలా అఖిల్ కల నెరవేర్చేందుకు సోహెల్ త్యాగం చేసినట్టు కనిపిస్తోంది.

రెండు రకాల లాభం..

అలా సోహెల్ రన్నర్ అనే ట్యాగ్‌ను వదులుకోవడం వల్ల స్నేహం కోసం త్యాగం చేశాడంటూ సోహెల్‌కు పేరు వస్తుంది.. దాంతో పాటు 25 లక్షల డబ్బు కూడా వస్తుంది. మొత్తానికి అలా రెండు రకాలుగా సోహెల్ లాభపడ్డట్టే. అయితే ఇలా డేరింగ్ స్టెప్ వేయడం వెనుక అసలు కథ ఉన్నట్టు కనిపిస్తోంది.

నిజం బయటపడింది..

టాప్ 5 కంటెస్టెంట్లను కలిసేందుకు రీ యూనియన్ అనే ప్రోగ్రాంను పెట్టుకున్నాడు. అదే బిగ్ బాస్ కొంపముంచినట్టుంది. రీయూనియన్‌లో భాగంగా ఇంటి లోపలికి వచ్చిన మెహబూబ్ సోహెల్‌కు అసలు విషయం లీక్ చేశాడు. అద్దాలపై వేళ్లతో సైగలు చేస్తూ గుట్టువిప్పాడు.

డబ్బులు తీసుకో..

సోహెల్‌కు మాత్రమే అర్థమయ్యేలా చేతులతో సైగలు చేశాడు. డబ్బులు తీసుకో అని చెప్పేలా సైగలున్నాయి. అదే సమయంలో సోహెల్ ఎన్నో స్థానంలో ఉన్నాడో కూడా హింట్ ఇచ్చాడు. ఇవన్నీ బేరీజు వేసుకునే సోహెల్ మంచి నిర్ణయం తీసుకున్నాడంటూ అందరూ కామెంట్లు చేస్తున్నారు.

మొత్తానికి అలా..

మెహబూబ్ అలా సిగ్నల్స్ ఇవ్వడంతో సోహెల్ నిర్ణయం తీసుకున్నాడంటూ.. వస్తోన్న రూమర్లపై సోహెల్ బయటకు వచ్చాక స్పందిస్తాడో లేదో చూడాలి. మొత్తానికి సోహెల్‌కు మాత్రం మంచే జరిగిందని నెటిజన్లు కామెంట్లు చేస్తున్నారు. మొత్తానికి ఈ వీడియో మాత్రం ఇప్పుడు నెట్టింట్లో తెగ వైరల్ అవుతోంది.