అఖిల్‌కు షాకిచ్చిన బిగ్ బాస్: అభిజీత్‌కు మద్దతుగా మార్పు.. దెబ్బకు రికార్డు క్రియేట్ చేశాడు

ఫినాలేకు అఖిల్.. నామినేషన్‌కు దూరం

గత వారం జరిగిన రేస్ టు ఫినాలే టాస్కులో విజయం సాధించడం ద్వారా నేరుగా ఫైనల్‌కు చేరుకున్నాడు అఖిల్ సార్థక్. దీంతో ఈ వారం మిగిలిన ఐదుగురిని నేరుగా నామినేట్ చేశాడు బిగ్ బాస్. వీళ్లందరూ టాస్కుల్లో అత్యుత్తమ ప్రదర్శన కనబరిచి ప్రేక్షకుల హృదయాలను కొల్లగొట్టాలని సూచించాడు. అలాగే, బెస్ట్ పెర్ఫార్మర్ నేరుగా ఆడియెన్స్‌తో మాట్లాడొచ్చని ఆఫర్ ఇచ్చాడు.

టాస్కులు ఆడొద్దు.. జడ్జ్‌మెంట్ చేయాలి

ఐదుగురు సభ్యులు ఈ వారం నామినేషన్‌లో ఉండడంతో వాళ్లలో అఖిల్‌తో కలిసి టాప్ -5లో ఎవరు ఉంటారన్న దానిని ప్రేక్షకులే తమ ఓట్ల ద్వారా నిర్ణయించనున్నారు. నాలుగు స్థానాల కోసం వాళ్ల మధ్య తీవ్ర స్థాయిలో పోటీ కనిపిస్తోంది. దీంతో బిగ్ బాస్ సరికొత్త టాస్కులు ఇస్తున్నాడు. వాటికి అఖిల్ సార్థక్ సంచాలకుడిగా పని చేయాల్సి ఉంటుందని ఇప్పటికే ప్రకటించాడు.

ఓపిక టాస్కులో ఓపికగా కూర్చుని అలా

బిగ్ బాస్ హౌస్‌లో ఈ వారం వరుసగా టాస్కులు జరుగుతున్నాయి. మొదటి రౌండ్‌లో భాగంగా ‘కింగ్ ఆర్ క్వీన్' టాస్క్ జరగగా, అందులో ప్రతి కంటెస్టెంట్‌కు అఖిల్ సార్థక్ మంత్రిగా వ్యవహరించాడు. కింగ్ ఆర్ క్వీన్ అయిన వాళ్లను తనదైన సలహాలు ఇచ్చాడు. ఇక, రెండో రౌండ్‌ ‘ఓపిక' టాస్కులో సంచాలకుడిగా వ్యవహరించి, కంటెస్టెంట్లకు పాయింట్లు ఇచ్చాడు.

వాళ్ల మధ్య గొడవలతో రణరంగంగా టాస్క్

‘కింగ్ ఆర్ క్వీన్' టాస్క్ సోహెల్ - అఖిల్ - హారిక గొడవ మినహా మొత్తం బాగానే సాగింది. కానీ, ‘ఓపిక' టాస్క్ మొత్తం గొడవలతో సాగింది. ఇందులో మొదట ఆరియానా గ్లోరీ - మోనాల్ గజ్జర్ మధ్య వ్యక్తిగత దూషణలు జరిగాయి. ఫలితంగా ఇద్దరూ సుదీర్ఘంగా గొడవ పడ్డారు. ఆ తర్వాత సోహెల్ - ఆరియానా మధ్య భీకర యుద్ధం జరిగింది. ఒకానొక సందర్భంలో కొట్టుకునేంత వరకూ వెళ్లింది.

అఖిల్‌ సార్థక్‌కు భారీ షాకిచ్చిన బిగ్ బాస్

వరుస గొడవలతో బిగ్ బాస్ హౌస్‌లో యుద్ధ వాతావరణం కనిపించింది. వీటిలో అభిజీత్ ఎంతో హుందాగా కనిపించాడు. తన మార్క్ చూపిస్తూ మిగిలిన కంటెస్టెంట్లను టాస్కులో ఓడించే ప్రయత్నం చేసిన అతడు.. టాస్కులో జరిగిన గొడవలను కూడా బాగా ఆపగలిగాడు. ఇలాంటి పరిస్థితుల్లో ఓ సందర్భంలో అభిజీత్‌కు మద్దతు తెలిపిన బిగ్ బాస్.. అఖిల్ సార్థక్‌కు భారీ షాకిచ్చాడు.

Nagarjuna Akkineni To Fans On Apple Products

దెబ్బకు రికార్డు క్రియేట్ చేసిన అభిజీత్

అసలేం జరిగిందంటే.. ఓపిక టాస్క్ కోసం అభిజీత్ కుర్చీ మీద కూర్చుని వెంటనే దిగిపోయాడు. రూల్ ప్రకారం అలా చేస్తే అతడు ఔట్ అయినట్లు. ఇదే విషయం అఖిల్.. బిగ్ బాస్‌కు గుర్తు చేశాడు. కానీ, ఆయన మాత్రం అస్సలు స్పందించలేదు. దీంతో అభి టాస్క్ కంటిన్యూ చేశాడు. అయితే, అతడు రికార్డు స్థాయిలో 27 సార్లు ఎక్స్‌ప్రెషన్స్ మార్చాడు. దీంతో అంతా నవ్వుకున్నారు.