దసరా రోజు : ఏ ఛానెల్ లో ఏ స్టార్ హీరో సినిమా?

గోపాల గోపాల

ఈ సారి జెమినీ ఛానెల్ లో గోపాల గోపాల చిత్రం టెలీ కాస్ట్ కానుంది. పవన్ కళ్యాణ్, వెంకటేష్ కాంబినేషన్ లో రూపొందిన చిత్రం ఇది. పవన్ అభిమానులకు నచ్చిన చిత్రం ఇది.

బాహుబలి

పెద్ద తెరపై బాహుబలి చూడని వారికి, మరోసారి చూద్దామనుకునే వారికి మాటీవి వారు దసరా రోజు ఈ చిత్రం అందిస్తున్నారు.

శ్రీమంతుడు

మహేష్, కొరటాల శివ కాంబినేషన్ లో వచ్చి హిట్టైన శ్రీమంతుడు చిత్రం ఈ దసరా కు జీ తెలుగు ఛానెల్ లో ప్రసారం కానుంది.

వరుణ్‌ తేజ్‌ 'కంచె'

మెగా ఫ్యామిలీ నుంచి 'ముకుంద' చిత్రంతో ప్రేక్షకుల ముందుకు వచ్చాడు వరుణ్‌ తేజ్‌. తాజాగా ఈ యువ కథానాయకుడు నటించిన చిత్రం 'కంచె'. క్రిష్‌ దర్శకత్వం వహించాడు. ప్రగ్యా జైస్వాల్‌ నాయిక. రెండో ప్రపంచ యుద్ధం నేపథ్యంగా అందమైన ప్రేమ కథను మిళితం చేస్తూ క్రిష్‌ ఈ చిత్రాన్ని తెరకెక్కించాడు. విజయదశమి సందర్భంగా 'కంచె'ను ప్రేక్షకుల ముందుకు తీసుకొస్తున్నారు. రెండో ప్రపంచ యుద్ధం నాటి పరిస్థితులను కళ్లకు కట్టినట్లు చూపించనున్నామని దర్శకుడు క్రిష్‌ చెబుతున్నాడు. విభిన్నంగా చిత్రాలను తెరకెక్కించడంలో క్రిష్‌ సిద్ధహస్తుడు. మరి వరుణ్‌తేజ్‌తో కలిసి 'కంచె' దూకి విజయం వైపు పయనిస్తాడో లేదో చూడాలి.

తెరుచుకోనున్న 'రాజుగారి గది' తలుపులు

బుల్లితెర వ్యాఖ్యాత ఓంకార్‌ దర్శకత్వంలో తెరకెక్కిన హర్రర్‌ చిత్రం 'రాజుగారి గది'. వినూత్న కథాంశంతో తెరకెక్కిన ఈ చిత్రంలో అశ్విన్‌ బాబు, చేతన్‌, ధన్యా బాలకృష్ణన్‌ తదితరులు ప్రధాన పాత్రల్లో నటిస్తున్నారు. ఓక్‌ ఎంటర్‌టైన్‌మెట్‌ సంస్థ నిర్మించిన ఈ చిత్రాన్ని వారాహి చలన చిత్రం బ్యానర్‌పై విడుదల చేస్తున్నారు. ఇంతకు ముందు ఓంకార్‌ 'జీనియస్‌' అనే చిత్రానికి దర్శకత్వం వహించిన సంగతి తెలిసందే.

ప్రేమ 'కొలంబస్‌

సుమంత్‌ అశ్విన్‌ కథానాయకుడిగా ఆర్‌.సామల తెరకెక్కిస్తున్న చిత్రం 'కొలంబస్‌'. ఈ చిత్రాన్ని విజయదశమి రోజున ప్రేక్షకుల ముందుకు తీసుకురానున్నారు. సీరత్‌ కపూర్‌, మిస్త్రీలు కీలక పాత్రలు పోషిస్తున్నారు. 'కేరింత' చిత్రంతో విజయోత్సాహంలో ఉన్న అశ్విన్‌, కొలంబస్‌తో మరో విజయం అందుకోవాలని ఆశిస్తున్నాడు.

రుద్రమదేవి

చాలా థియోటర్స్ లో రుద్రమదేవి చిత్రం ఇప్పటికీ స్టడీగా ఉంది. దాంతో ఈ చిత్రం థియోటర్స్ ని ఏ మేరకు త్యాగం చేయాల్సి వస్తుందో చూడాలి.

బ్రూస్ లీ

ఈ సినిమాకు ఇప్పటికే నెగిటివ్ టాక్ రావటంతో చాలా చోట్ల సెకండ్ వీక్ కు థియోటర్స్ తొలిగించే అవకాసం ఉంది. వాటిలో ఈ కొత్త సినిమాలు వస్తాయి.