Don't Miss!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Sports Rishabh Pant: నోకియా వల్ల కాదు.. అదే మా కొంపముంచింది
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
వీళ్లంతా ఫేక్ ఆడియన్స్... సంపాదన కూడా బాగానే ఉంది!
చైనాలో ‘ఫేక్ ఆడియన్స్’జాబ్ ఒక ప్రొఫెషన్ గా, పరిశ్రమగా వృద్ది చెందుతోంది. టీవీ షోలలో ఆడియన్స్ లాగా పాల్గొనడం ద్వారా రూ. 7 నుండి 10వేలు సంపాదిస్తున్నారు.
ఫేక్ ఆడియన్స్... వినడానికే చాలా కొత్తగా ఉంది కదూ ఈ పదం. మీరు విన్నది నిజమే....వీరంతా నకిలీ ఆడియన్స్. బుల్లితెర రంగం వెండితెర రంగం పోటీ పడుతున్న ఈ కాలంలో ఇలాంటి ఫేక్ ఆడియన్స్ అవసరం కూడా టీవీ ఇండస్ట్రీకి బాగా పెరిగింది.
మన దగ్గర ఇది ఇంకా ప్రొఫెషన్ స్థాయికి ఎదగలేదు కానీ.... చైనాలో ఫేక్ ఆడియన్స్ అనేది ఓ ఉద్యోగంలా మారిపోయింది. అందుకే అక్కడ వారిని ప్రొఫెషనల్ ఆడియన్స్ అని పిలుస్తుంటారు. వీరు చేసే పని.... రియాల్టీ షోలలో మామూలు ప్రేక్షకుల మాదిరిగా కలిసిపోయి తమదైన ప్రత్యేకత, హావభావాలు, నవ్వులు, ఏడుపులు, అరవడం లాంటివి చేసి షోకు మరింత ఉత్సాహాన్ని తేవడమే.
ఒక్కో షోకు 120 నుండి 160 డాలర్లు
ఈ ఫేక్ ఆడియన్స్ ఒక్క షోలో పాల్గొనడం ద్వారా అత్యధికంగా 120 నుండి 160 యూఎస్ డాలర్లు వేతనంగా పొందుతున్నారట. అంటే దాదాపు రూ. 7 వేల నుండి 10 వేల రూపాయలన్నమాట.
ఆదరణ పెరుగుతోంది
2014 నుంచి ఈ ఇండస్ట్రీకి ఆదరణ పెరుగుతోంది. సాధారణ ప్రేక్షకుల మధ్యలో కూర్చొని కార్యక్రమంలో జరిగే సంఘటనలకు చక్కటి స్పందనను.. హావభావాలను ప్రదర్శించాలి. అంటే చప్పట్లు కొట్టడం.. నవ్వడం.. ఏడవటం.. కేకలు వేస్తూ అల్లరి చేయడం ఇలాంటివి వీరు చేస్తారు.
180 మిలియన్ యువాన్లు
చైనాలో బుల్లితెర రంగం నుండి ‘ప్రొఫెషనల్ ఆడియన్స్' కు సంవత్సరానికి 180 మిలియన్ యువాన్లు(దాదాపు రూ. 170 కోట్లు) చెల్లింపులు జరుగుతున్నాయట.
ప్రొఫెషన్గా
ఇపుడంతా రియాల్టీ షోల కాలం. దీంతో ఆడియన్స్ అవసరం కూడా బాగా పెరిగింది. దీంతో దీన్ని ప్రొఫెషన్ గా ఎంచుకునే వారి సంఖ్య కూడా పెరిగింది. చైనాలో ఏ రియాల్టీ షో అయినా, టీవీ కార్యక్రమైనా ‘ప్రొఫెషనల్ ఆడియన్స్'ను హైర్ చేసుకోవడం ఇపుడు చాలా కామన్ అయిపోయింది.
ఇది కూడా నటనే
ఇది కూడా ఒకరంగా నటన లాంటిదే. తమకు నచ్చినా నచ్చక పోయినా షో ఎంజాయ్ చేస్తున్నట్లు, ఎగ్జైట్ అవుతున్నట్లు నటించాలి. బాగా మెప్పించిన వారికి ‘బావ్లింగ్ బాయ్స్'.. ‘గ్రీవింగ్ గర్ల్స్'.. ‘ఎమోషనల్ ఎంపరర్స్' అంటూ బిరుదులివ్వడంతో పాటు పారితోషికం కూడా బాగా ఇస్తారట.