బిగ్ బాస్‌పై నోయల్ సంచలన వ్యాఖ్యలు: అలా మోసం చేయడం వల్లే ఇలా రియాక్ట్!

అలా వచ్చాడు.. ఇలా ఫేస్ అయ్యాడు

కెరీర్ ఆరంభంలో బుల్లితెరపైకి ఎంట్రీ ఇచ్చాడు నోయల్ సీన్. అక్కడ కొన్ని షోలకు మ్యూజిక్ కంపోజ్ చేయడంతో పాటు పాటలు కూడా పాడాడు. ఆ తర్వాత ర్యాప్‌ సాంగులతో బాగా ఫేమస్ అయ్యాడు. పాటల రచయితగానూ గుర్తింపు తెచ్చుకున్నాడు. అదే సమయంలో యాక్టింగ్ మీద ఉన్న ఆసక్తితో ఎన్నో సినిమాలో వైవిధ్యమైన పాత్రలు పోషించి మెప్పించాడు.

వైవాహిక జీవితంలో భారీ కుదుపులు

ఆల్‌రౌండ్ నైపుణ్యంతో కెరీర్‌ను సూపర్‌గా ప్లాన్ చేసుకున్న నోయల్.. వైవాహిక జీవితాన్ని మాత్రం చక్కగా నడిపించుకోలేకపోయాడు. హీరోయిన్ ఎస్తర్‌తో చాలా రోజుల పాటు ప్రేమాయణం సాగించిన అతడు.. గత ఏడాది వివాహం చేసుకున్నాడు. ఆ తర్వాత ఇద్దరి మధ్యా మనస్పర్థలు రావడంతో దూరమయ్యారు. ఇటీవలే వీళ్లిద్దరూ న్యాయపరంగా విడిపోయారు.

బిగ్ బాస్‌లోకి ఎంట్రీ.. మంచోడిగా పేరు

ఎన్నో అంచనాల నడుమ మొదలైన బిగ్ బాస్ నాలుగో సీజన్‌కు కంటెస్టెంట్‌గా ఎంట్రీ ఇచ్చాడు నోయల్. వచ్చీ రావడంతోనే తన మార్క్ చూపించి సత్తా చాటాడు. ప్రతి విషయాన్ని ముందే గ్రహించి ఔరా అనిపించాడు. ఈ క్రమంలోనే హౌస్‌లోని అందరు కంటెస్టెంట్లతో కలివిడిగా ఉంటూ మంచి పేరు తెచ్చుకున్నాడు. ఈ సమయంలోనే పలువురి నుంచి ప్రశంసలు అందుకున్నాడు.

ఊహించని విధంగా బయటకొచ్చాడు

బిగ్ బాస్ హౌస్‌లో గేమ్ అప్పుడప్పుడే రక్తి కడుతోన్న సమయంలో నోయల్ అనారోగ్య కారణాలతో షో నుంచి బయటకు వచ్చేశాడు. అంతేకాదు, వచ్చేటప్పుడు అవినాష్, అమ్మ రాజశేఖర్‌పై షాకింగ్ కామెంట్స్ చేశాడు. అదే సమయంలో అభిజీత్, లాస్య, హారికలకు సపోర్ట్ చేస్తానని.. వీళ్ల ముగ్గురిలో ఒకరికి గెలిపించేందుకు బయటి నుంచి పని చేస్తానని చెప్పుకొచ్చాడు.

బిగ్ బాస్‌పై నోయల్ సంచలన వ్యాఖ్యలు

ఈ సీజన్‌లో ఎంట్రీ ఇచ్చిన సమయంలో నోయల్‌ను టైటిల్ ఫేవరెట్ అని అంతా అనుకున్నారు. కానీ, ఊహించని విధంగా బయటకు వచ్చాడు. ఇక తాజాగా ఓ ఇంటర్వ్యూలో ‘అసలు బిగ్ బాస్‌కు ఎందుకు వెళ్లానో అర్థం కావట్లేదు. అసలు ఆ షో మనకి అవసరమే కాదు. బయటికొచ్చాక అది చూడడమే మానేశాను' అంటూ సంచలన వ్యాఖ్యలు చేసి హాట్ టాపిక్ అయిపోయాడు.

మోసం చేయడం వల్లే ఇలా రియాక్ట్

ఉన్నట్లుండి బిగ్ బాస్‌పై నోయల్ షాకింగ్ కామెంట్స్ చేయడంతో అంతా ఆశ్చర్యపోతున్నారు. ఈ నేపథ్యంలోనే ఓ న్యూస్ బయటకు వచ్చింది. నోయల్‌ను బిగ్ బాస్‌లోకి మళ్లీ తీసుకుంటామని, రీఎంట్రీకి సిద్ధంగా ఉండమని షో నిర్వహకులు చెప్పారట. కానీ, లాస్ట్ మినిట్‌లో రీఎంట్రీపై యూటర్న్ తీసుకున్నారట. ఈ కారణంగానే నోయల్ అలా రియాక్ట్ అయి ఉంటాడన్న టాక్ వినిపిస్తోంది.