Karthika Deepam కారు డ్రైవర్ కాళ్లపై పడి ఏడుపు.. మోనిత కపట నాటకం బయటపెట్టిన అంజి

అంజి కాళ్లపై పడిన మోనిత

రెస్టారెంట్‌లోకి వెళ్లిన మోనిత రిసెప్షన్‌లోకి వెళ్లి అంజి గురించి వాకబు చేసింది. రూమ్ నంబర్ చెప్పడంతో తలుపుకొట్టింది. 2 గంటలు అవుతుందంటే మంచి నిద్రలో ఉంటాడని అనుకొంటుండగానే తలుపు తీసిన అంజి.. మోనితను చూసి షాక్ అయ్యాడు. మోనితను చూసి నిన్ను అంటూ కోపంతో ఊగిపోయాడు. దాంతో ఊహించని విధంగా అంజి కాళ్లపై పడి నన్ను క్షమించు అంటూ ప్రాధేయపడింది. నేను చాలా తప్పులు, నేరాలు చేశాను. ఇప్పుడు నేను ఆ మోనితను కాను. వచ్చే 25 తారీఖు నా పెళ్లి. ఆ పెళ్లికి తీసుకెళ్లడానికి వచ్చాను అంటూ కాళ్లపై పడి ఏడుపు మొదలుపెట్టంది.

నీ చావు కోసం ఎదురు చూస్తున్నా అంటూ అంజి

కాళ్లపై పడిన మోనిత లేపి.. నీ పెళ్లా? దానికి నన్ను పిలువడానికి వచ్చావా? నీ చావుకు కోసం ఎదురు చూస్తుంటే పెళ్లి అని నా వద్దకు వచ్చావా? ఏంటీ ఈ నాటకం. జుట్టు అందలేదని కాళ్లు పట్టుకొంటున్నావా? అని అంజి నిలదీశాడు. దాంతో లేదు.. నేను నిజంగా మారిపోయాను అంటూ మోనిత ఏదో చెప్పబోగా.. నీవు మారవంటే ప్రపంచంలో ఎవరూ నమ్మరు. నిన్ను పెళ్లి చేసుకోబోయేది ఆ డాక్టర్ బాబుయేనా అంటూ ప్రశ్నించాడు. దాంతో నన్ను పెళ్లి చేసుకోబోయే వ్యక్తి కూడా డాక్టర్. నా గురించి అన్ని తెలిసే పెళ్లి చేసుకోవడానికి ముందుకు వచ్చాడు అంటూ మోనిత దీనంగా చెప్పింది.

వెన్నుపోటు పొడిచే దానివి..

అయితే మోనిత మాటలను నమ్మలేని అంజి.. ముందుకు వచ్చిన వాడిని వెన్నుపోటు పొడవడానికి ప్రయత్నిస్తావు. నిన్ను ఎలా నమ్మాలి. అయినా నాకు ఇవన్నీ ఎందుకు చెబుతున్నావు అంటే.. నేను చేసిన పాపాలను ప్రక్షాళన చేసుకొంటున్నాను. దీప, కార్తీక్‌ను విడదీసినందుకు దీప కాళ్లు పట్టుకొని క్షమాపణ చెప్పాను. కార్తీక్, దీపను కలిపాను. హిమను చంపించింది నేనే అని కార్తీక్‌కు చెప్పాను. నీ మాదిరిగానే కార్తీక్‌కు కోపం వచ్చింది. నేను పెళ్లి చేసుకొంటున్నానని తెలిసి బుద్దిగా ఉండమని చెప్పాడు. రేపటి పెళ్లికి దీప, కార్తీక్‌లే పెళ్లి పెద్దలు అంటూ అమాయకంగా మోనిత చెప్పింది.

నన్ను చంపించాలని వచ్చావా?

మోనిత చెప్పిన మాటలు విన్న తర్వాత కథ బాగుంది అని అంజి కామెంట్ చేశాడు. మళ్లీ నా వద్దకు ఎందుకు వచ్చావు. నన్ను ఏ నేరం కింద అరెస్ట్ చేయడానికి వచ్చావు. ఏ రౌడీలను పెట్టి చంపించాలని వచ్చావు అంటూ అంజి నిలదీశాడు. నా మాటలు నమ్ము అంజి. నాకు కార్తీక్, దీపతోపాటు నాకు తోడబుట్టిన తమ్ముడు కూడా ఉన్నాడని, అతడూ వస్తాడని చెప్పాను. నా పెళ్లికి సాక్షి సంతకం పెట్టాలి అని మోనిత చెబితే.. చప్పట్లు కొడుతూ ఎంత కథ అల్లినావు అంటూ అంజి అనుమానంగా చూశాడు.

కపటనాటకాన్ని బట్టబయలు చేసిన అంజి

మోనిత కపట నాటకం ఆడుతుందని గ్రహించిన అంజి.. పాము పాములా కాకుండా వానపాములా మారిందంటే నమ్మాలి.. ఏమిటి మీ కొత్త డ్రామా.. మళ్లీ ఏం చేయించాలని అనుకొంటున్నావు చెప్పు. అసలు ఏం చేసి వచ్చావు.. ఎందుకు వచ్చి వచ్చావంటూ.. నా వల్ల ఏదో ప్రమాదం ఉందని వచ్చి ఉంటావు. ఇన్ని పాపాలు చేసిన నిన్ను కార్తీక్ బాబు ఎలా క్షమిస్తాడు. మళ్లీ దీపకు ఎలాంటి అపకారం తలపెట్టేందుకు కుట్ర చేశావు అని నిలదీశాడు.

అరేయ్ రాస్కేల్ అసలు రూపం ప్రదర్శించిన మోనిత

ఇక అంజి తన కపట నాటకాన్ని నమ్మలేడని గ్రహించిన మోనిత అసలు రూపం చూపింది. ఆపురా రాస్కెల్ అంటూ కోపంతో ఊగిపోయింది. ఎవతీరా దీప.. దీప నీ అక్కనా? చెల్లినా? నీకు ఏమి అవుతుంది. అదేదో పై నుంచి ఊడి పడిన్టు.. నీకు ఏమిచ్చింది? దీపపై ఏం విశ్వాసంరా కుక్కకు ఉన్నట్టు.. నేను నీకు ఎంత ఇచ్చానురా?? ఎప్పుడు దీపమ్మ దీపమ్మ అంటారేమిటారా? దీనమ్మ జీవితం అంటూ అంజిపై విరుచుకుపడింది.

Recommended Video

Karthika Deepam సీరియల్ పై Manchu Lakshmi Tweet వైరల్!! || Filmibeat Telugu

దీప ఆచూకీ కోసం కార్తీక్ ఆరాటం..

ఇదిలా ఉండగా, దీప ఆచూకీ తెలియక ఆందోళనపడిపోతున్న కార్తీక్ తన సోదరుడు ఆదిత్య కలిసి వెతుకులాట ప్రారంభించారు. మోనితకు కాల్ చేస్తే రీచ్ కాకపోవడంతో కార్తీక్ మనసులో ఎన్నో అనుమానాలు తలెత్తాయి. దాంతో వదిన, మోనిత ఒకే దగ్గర ఉండి ఉంటారు అంటూ అదిత్య అంటే.. అలాంటిది జరగకూడదు అంటూ కార్తీక్ తెగ హైరానా పడిపోయాడు. దాంతో వదిన రేపు ఉదయం వరకు రాలేకపోతే ఏసీపీకి కంప్లయింట్ ఇవ్వమని అని ఆదిత్య అంటే.. పరిస్థితి అంతవరకు రావొద్దు అంటూ కార్తీక్ టెన్షన్‌కు గురయ్యాడు. దీప క్షేపంగా తిరిగి రావాలి? ఫోన్ తీసుకువెళ్లవచ్చు కదా.. నన్నైనా వెంటపెట్టుకొని వెళ్ల వచ్చు కదా అంటూ కార్తీక్ కోపంతో ఊగిపోయాడు.