ప్రజాతీర్పుకు వ్యతిరేకంగా బిగ్‌బాస్‌.. నూతన్ తిరుగుబాటు.. ఇంట్లోకి డుమ్మా.. కారణం అదేనా?

ఎమోషనల్‌గా గీతా ప్రయాణం

బిగ్‌బాస్ ఇంట్లో 111వ రోజు గీతా మాధురి ప్రయాణాన్ని గురించి ఎమోషనల్‌గా చూపించారు. ఆమె ఆడిన తీరును, అనుసరించిన పంథాను, ఫైనల్‌కు చేరుకొన్న విధానాన్ని ప్రతిబింబించేలా వీడియోను ప్రదర్శించారు. అది చూసిన గీతా మాధురి ఉద్వేగానికి గురై కంటతడి పెట్టుకొన్నారు.

కంటతడి పెట్టిన కౌశల్

గీతా మాధురి తర్వాత కౌశల్‌ను బిగ్‌బాస్ కన్ఫెషన్ రూమ్‌లోకి పిలిచాడు. తన ఒంటరి పోరాటాన్ని, ఎలాంటి పరిస్థితుల్లోనూ వెనుకంజ వేయని మనస్థత్వాన్ని గురించి వివరంగా చూపించారు. గత 112 రోజుల ప్రయాణాన్ని ఉద్వేగభరితంగా చూపించారు. పలుమార్లు ఆ వీడియోను చూస్తూ కౌశల్ కంటతడి పెట్టుకొన్నాడు.

నూతన్ నాయుడు డుమ్మా

ఇంటి సభ్యులు రోజువారీ కార్యక్రమాల్లో మునిగి ఉండగా, ఇంట్లోకి ఎలిమినేట్ అయిన సభ్యులు వచ్చారు. ఆప్యాయంగా పలకరించుకొన్నారు. దాదాపు అందరూ వచ్చారు కానీ నూతన్ నాయుడు గైర్హాజరు అయ్యారు. అయితే నూతన్ నాయుడు సోషల్ మీడియాలో పెట్టిన పోస్ట్ చర్చనీయాంశమైంది.

అర్ధాంతరంగా బిగ్‌బాస్ నుంచి

నూతన్ పెట్టిన పోస్టులో బిగ్‌బాస్ షో నుంచి బయటకు వచ్చిన దగ్గర నుంచి చాలా సందేశాలు వచ్చాయి. ఎంతో ఆదరణ, అభిమానాన్ని చూపించిన వారికి థ్యాంక్స్ ఎలా చెప్పాలో అర్ధం కాలేదు. నేను అర్ధాంతరంగా బిగ్‌బాస్ నుంచి బయటకు రావడాన్ని కొందరు జీర్ణించుకోలేకపోతూ సందేశాలు పంపారు.

పక్షపాతంగా బిగ్‌బాస్

కోట్లలో ఓట్లు వచ్చిన బిగ్‌బాస్ పరిగణనలోకి తీసుకోలేదు. బిగ్‌బాస్ కావాలనే ఇదంతా చేశాడు. పక్షపాతంతో వ్యవహరించాడు. ఇంటిలో నా పెర్ఫార్మెన్స్‌ను తప్పుగా చూపించారు అని అందరూ అంటున్నారు. కానీ దానిపై నేను మాట్లాడదలచుకోను. ఎపిసోడ్స్ చూశాక నాకు అలానే అనిపించింది.

ప్రజల తీర్పే శిరోధార్యం

రాజకీయాల్లోనైనా, బిగ్‌బాస్‌లోనైనా ప్రజా తీర్పే నాకు శిరోధార్యం. నేను ఇంటిలో నుంచి ఎలిమినేట్ అయినందుకు చెప్పడం లేదు. ప్రజాతీర్పుకు అనుగుణంగానే ఎలిమినేషన్ జరుగాలి. చూసే జనానికి కూడా అనిపించాలి. ఒక్కడో ఏదో పొరపాటు జరుగుతున్నది. ప్రజాభిప్రాయాన్ని ప్రతిబింబించేలా విషయం ఉండాలనే విషయాన్ని బిగ్‌బాస్ మరిచిపోకూడదు.

వెన్నుతట్టి ప్రోత్సాహం

బిగ్‌బాస్ షోలోనే కాదు బయటకూడా ప్రతీక్షణం నా వెన్నుతట్టి ప్రోత్సహిస్తున్న మీ అందరికీ తలవచ్చి నమస్కరిస్తున్నాను. నాకు అండగా నిలిచిన ప్రతీ ఒక్కరికీ, బిగ్‌బాస్, స్టార్ మా యాజమాన్యానికి, ఓట్లు వేసిన ప్రతి ఒక్కరికి థ్యాంక్స్. అందరికీ రుణపడి ఉంటాను అని నూతన్ నాయుడు లేఖలో పేర్కొన్నారు.