అనుష్క, సావిత్రిని కలిపి వాడేశారు.. కార్తీక దీపం వంటలక్క క్రేజ్‌కు నిదర్శనమిదే

కట్టూబొట్టూ..

కార్తీకదీపం సీరియల్‌లో ప్రేమీ విశ్వనాథ్ నటన అంతా ఒకెత్తు అయితే ఆమె కట్టూ బొట్టూ ఒకెత్తు. ఆ చీరకట్టు, నుదుటున సింధూరం, తెలుగు మహిళకు చిహ్నాంగా ఉండే ఆ రూపం.. ఇలా ఎన్నెన్నో కారణాలున్నాయి. వీటన్నింటితో ప్రేమీ విశ్వనాథ్ తెలుగు మహిళలకు ప్రతీరూపంగా మారింది. అందుకే ప్రేమీ విశ్వనాథ్‌కు ఎనలేని క్రేజ్ వచ్చింది.

సోషల్ మీడియాలో యాక్టివ్..

ప్రేమీ విశ్వనాథ్.. బయటి ఈవెంట్లలో ఎక్కువగా కనిపించదు. కేవలం కార్తీక దీపం సీరియల్‌లో మాత్రమే కనిపిస్తుంది. బయట ప్రకటనలు, మరేతర సీరియళ్లలోనూ నటించదు. ఒకే ఒక్క సారి అది కూడా దసరా ఈవెంట్ కోసం ప్రేమీ విశ్వనాథ్ బయటకు వచ్చింది. అయితే ప్రేమీ విశ్వనాథ్ మాత్రం సోషల్ మీడియాలో యాక్టివ్‌గా ఉంటుంది.

అసలు రూపమిదే..

కార్తీక దీపం సీరియల్ చూసిన వారు.. సోషల్ మీడియాలో ప్రేమీ విశ్వనాథ్‌ను చూసి వారు కచ్చితంగా షాక్ అవుతారు. ఆమె ఈమె ఒక్కరేనా అని అనుకునేలా ఉంటుంది. అల్ట్రా మోడ్రన్ స్టైలీష్‌గా ప్రేమీ విశ్వనాథ్ కనిపిస్తుంది. ఆమె షేర్ చేసే ఫోటోలు కూడా సోషల్ మీడియాలో వైరల్ అవుతుంటాయి.

ఆ మధ్య అలా..

సోషల్ మీడియాలతో యాక్టివ్‌గా ఉండే ప్రేమీ విశ్వనాథ్ తన అభిమానులతో టచ్‌లో ఉంటుంది. ఆ మధ్య ఐపీఎస్ సీజన్ ప్రారంభం అవ్వడంతో కార్తీక దీపం సీరియల్ చూడలేకపోతున్నాం అంటూ నిరాశ చెందిన అభిమానికి సర్ ప్రైజ్ ఇస్తూ ఓ టీవీని పంపించింది ప్రేమీ విశ్వనాథ్. ఆ సమయంలో ప్రేమీపై నెటిజన్లు ప్రశంసలు కురిపించారు.

తాజాగా ఇలా..

అరుంధతి సినిమాలో అనుష్క ఓ డైలాగ్ చెబుతుంది. తొలిచూరు బిడ్డకు నా పేరు పెట్టండి.. మళ్లీ నేనే పుట్టాను అని అనుకోండి.. నాకు ఇచ్చిన గౌరవమే ఆమెకు కూడా ఇవ్వండి అని అనుష్క చెప్పే డైలాగ్‌ను మహానటి సావిత్రి, ప్రేమీ విశ్వనాథ్‌ను పోల్చుతూ ఓ మీమ్ క్రియేట్ చేశారు. దాన్ని ప్రేమీ విశ్వనాథ్ షేర్ చేస్తూ ఎమోషనల్ అయింది.