Bigg Boss Finale: ప్లాన్ మార్చిన బిగ్ బాస్.. ఫినాలేకు పాన్ ఇండియా హీరోలు.. ఆ బ్యూటీ స్పెషల్‌గా!

టైటిల్ పోరులో ఆ ఐదుగురు

ఎంతో బజ్‌తో ప్రారంభం అయిన బిగ్ బాస్ ఆరో సీజన్‌లోకి ఏకంగా 21 మంది కంటెస్టెంట్లు వచ్చారు. వీరిలో మొత్తంగా 15 మంది ఎలిమినేట్ అయ్యారు. దీంతో ఈ వారం ఆరంభంలో ఆరుగురు సభ్యులు మాత్రమే హౌస్‌లో ఉన్నారు. అందులో మిడ్ వీక్ ఎలిమినేషన్‌లో శ్రీ సత్య వెళ్లిపోయింది. దీంతో ఇప్పుడు కీర్తి భట్, రేవంత్, రోహిత్, శ్రీహాన్, ఆది రెడ్డి మాత్రమే టైటిల్ పోటీలో నిలిచారు.

వైభవంగా ఆరో సీజన్ ఫినాలే

వంద రోజులకు పైగా ప్రేక్షకులను అలరించిన బిగ్ బాస్ ఆరో సీజన్ డిసెంబర్ 18 అంటే ఆదివారంతో పూర్తి కాబోతుంది. రేపు సాయంత్రం ఆరు గంటల నుంచి గ్రాండ్ ఫినాలే ఎపిసోడ్ ప్రసారం కానుంది. ఇక, ఈ స్పెషల్ ఎపిసోడ్‌ను ఎంతో వైభవంగా జరపనున్నారు. దీని కోసం నిర్వహకులు భారీ ఖర్చు చేయడంతో పాటు ఎన్నో సర్‌ప్రైజ్‌లను కూడా ప్లాన్ చేశారనే టాక్ వినిపిస్తోంది.

వాళ్లందరితో కలిసి సందడి

నేటి సాయంత్రం నుంచి జరగబోతున్న బిగ్ బాస్ ఆరో సీజన్ గ్రాండ్ ఫినాలే ఎపిసోడ్‌కు మాజీ కంటెస్టెంట్లు ఎంట్రీ ఇవ్వబోతున్నారు. ఇప్పటికే చాలా మంది ఈ విషయాన్ని సోషల్ మీడియా ద్వారా స్పష్టం చేశారు. అంతేకాదు, వీళ్లలో చాలా మంది ఆటపాటలతో అలరించబోతున్నారు. ఇప్పటికే దీనికి సంబంధించిన మొత్తం షూటింగ్ కూడా శనివారమే ముగిసినట్లు తెలిసింది.

గెస్టుల విషయంలో పుకార్లు

ఎంతో గ్రాండ్‌గా జరగబోతున్న బిగ్ బాస్ ఆరో సీజన్‌ గ్రాండ్ ఫినాలేకు గెస్టులుగా వచ్చేది ఎవరన్న దానిపై కూడా చాలా రకాల చర్చలు జరిగాయి. ఈ నేపథ్యంలోనే బాలయ్య ఈ ఎపిసోడ్ కోసం వస్తారని అన్నారు. ఆ తర్వాత కూడా చాలా పేర్లు తెరపైకి వచ్చాయి. కానీ, ఈ విషయం మాత్రం క్లారిటీ రావడం లేదు. అయితే, ఈ సారి గెస్టులు ఎవరూ రావట్లేదని కూడా టాక్ వినిపించింది.

అప్పటి హీరోయిన్‌తో పాటు

స్టార్ మా ఛానెల్‌లో త్వరలోనే 'బీబీ జోడీ' అనే డ్యాన్స్ షోను ప్రారంభించబోతున్నారు. దీనికి శ్రీముఖి హోస్టుగా చేస్తుండగా.. ఇప్పటి వరకూ వచ్చిన సీజన్లలోని కొందరు మాజీ కంటెస్టెంట్లు జంటలుగా పోటీ పడబోతున్నారు. ఇక, ఈ షోకు అప్పటి హీరోయిన్ రాధ, సదాతో పాటు తరుణ్ మాస్టర్‌లు జడ్జ్‌లుగా చేయబోతున్నారు. వీళ్లంతా ఫినాలే ఎపిసోడ్‌లో సందడి చేయనున్నారు.

నిఖిల్ ఎంట్రీ.. ఎలిమినేట్

ఆదివారం జరగబోతున్న గ్రాండ్ ఫినాలే ఎపిసోడ్‌లో 'కార్తికేయ 2'తో పాన్ ఇండియా స్టార్‌గా మారిన నిఖిల్ సిద్ధార్థ్ తన కొత్త చిత్రం '18 పేజెస్' ప్రమోషన్ కోసం రాబోతున్నాడు. అతడు బిగ్ బాస్ హౌస్‌లోకి ఎంట్రీ ఇచ్చి రోహిత్‌ను ఎలిమినేట్ చేసి స్టేజ్ మీదకు తీసుకు వస్తాడని తెలిసింది. నిఖిల్‌తో పాటు హీరోయిన్ అనుపమ పరమేశ్వరన్ కూడా ఎంట్రీ ఇచ్చే ఛాన్స్ ఉంది.

రవితేజ ఎంట్రీ.. ఆమె రచ్చ

ఇక, ఈ గ్రాండ్ ఫినాలే ఎపిసోడ్‌ కోసం టాలీవుడ్ స్టార్ హీరో రవితేజ కూడా ఎంట్రీ ఇవ్వబోతున్నట్లు తెలిసింది. తన కొత్త చిత్రం 'ధమాకా' ప్రమోషన్ కోసం హీరోయిన్ శ్రీ లీలాతో కలిసి ఈ మాస్ హీరో బిగ్ బాస్ స్టేజ్ మీద సందడి చేయబోతున్నారని సమాచారం. అయితే, రవితేజ విన్నర్‌ను ప్రకటించే వరకూ షోలోనే ఉంటాడా? లేక మధ్యలోనే వెళ్లిపోతాడా? అన్నది తెలియలేదు.