స్కాం వీడియోపై క్లారిటీ... ఆ సైగలు వాటి గురించే.. లైవ్‌లో నోరు విప్పిన మెహబూబ్, సోహెల్

అభిజిత్ రియాక్షన్..

అలా మెహబూబ్ సోహెల్‌కు చెప్పినా కూడా ఏం చేయలేం.. అది స్టార్ మా, ఎండోమోల్ షైన్ వారు చూసుకోవాలి.. అది వారి వ్యక్తిగతం.. డబ్బులు తీసుకోవాలా? వద్దా? అన్నది సోహెల్ వ్యక్తిగతం విషయం దాని మీద మనం కామెంట్ చేయకూడదంటూ అభిజిత్ ఎంతో హుందాగా స్పందించాడు.

లైవ్‌లోకి సోహెల్..

తాజాగా సోహెల్ తన ఇన్ స్టా లైవ్‌లోకి వచ్చారు. అందరూ ఆ వీడియో గురించి ప్రశ్నించడంతో క్లారిటీ ఇచ్చాడు. స్కాం, మోసం అంటూ ఓ వీడియో వైరల్ అవుతోంది.. మధ్యాహ్నాం అభిజిత్ కూడా మీడియాతో మాట్లాడుతూ..ఫిర్యాదు చేద్దామని ఏదో అన్నాడట.. అభిజిత్‌తో కూడా మాట్లాడుతూ అంటూ ఆ వీడియో గురించి సోహెల్ క్లారిటీ ఇచ్చాడు.

పదేళ్ల కెరీర్..

నా పదేళ్ల కెరీర్‌పై ఒట్టేసి చెబుతున్నా అది నాకు తెలియదు.. వాడు చెప్పింది డబ్బుల గురించి అని, టాప్ 3 గురించి అని కానీ నాకు తెలీదు. అసలు మేము ఇన్ స్టాగ్రాం ఫాలోవర్ల గురించి అడిగాము.. వాడు అదే చెప్పాడు. ఆరోజు రాత్రి కూడా అఖిల్‌తో అదే విషయం మాట్లాడాను.. మెహబూబ్ ఏదో అన్నాడు అర్థం కాలేదు అని అఖిల్‌తో అన్నానంటూ సోహెల్ క్లారిటీ ఇచ్చాడు.

చెప్పాడే అనుకుందాం..

అయితే మెహబూబ్ టాప్ 3లోనే ఉంటానని చెప్పాడని అనుకుందాం.. ఆ విషయం మెహబూబ్‌కు ఎలా తెలుస్తుంది.. అలా అయితే పది లక్షలు తీసుకునే వాడిని.. కానీ తీసుకోలేదు.. 20 లక్షలు కూడా తీసుకోలేదు.. ఐదు లక్షలు పెంచాకే ఓకే అన్నాను.. అందులో కూడా మా తమ్ముడు పది లక్షలు అనాథాశ్రమానికి ఇద్దామని అనడంతోనే ఒకే అన్నాను అంటూ సోహెల్ చెప్పుకొచ్చాడు.

మెహబూబ్ సైతం.

మెహబూబ్‌ను సైతం తన లైవ్‌లోకి యాడ్ చేశాడు సోహెల్. ఆ రోజు మాట్లాడుకున్న వాటిపై మెహబూబ్ క్లారిటీ ఇచ్చాడు. ఇన్ స్టా ఫాలోవర్ల గురించి అడిగితే నీకు 300K అని చెప్పా.. అఖిల్‌కు 250K అని చెప్పాను. కానీ అఖిల్ నమ్మలేదు నీకు గుర్తుందా? అంటూ సోహెల్ మెహబూబ్ ముచ్చట్లు పెట్టుకున్నారు. మొత్తానికి ఆ వీడియోపై ఇద్దరూ మాట్లాడి ఓ క్లారిటీ ఇచ్చేశారు. అభిజిత్ ఫ్యాన్స్ అర్థం చేసుకోండని అంటూ సోహెల్ కోరాడు. మరి ఇకపై అయినా వారు ట్రోలింగ్ ఆపేస్తారో లేదో చూడాలి.