Jabardasth Rating: రష్మీ గౌతమ్, అనసూయ జోరు... ఊహించని టాప్ రేటింగ్‌తో..

నాన్ సీరియల్ విభాగంలో ఈటీవీ

సీరియల్ విభాగంలో స్టార్ మా అధిపత్యం చాటుకొంటే.. నాన్ సీరియల్ విభాగంలో ఈటీవీ తన ప్రభంజనాన్ని కొనసాగిస్తున్నది. తెలుగు బుల్లితెరపై నాన్ సీరియల్ విభాగంలోని అన్ని షోలు టాప్ రేటింగ్‌ను కొనసాగిస్తున్నాయి.

జీ తెలుగులో షోలకు..

జీ తెలుగులో ప్రసారమయ్యే సూపర్ సీరియల్ ఛాంపియన్‌షిప్, డ్రామా జూనియర్స్ షోకు మంచి రేటింగ్ వచ్చింది. 27వ వారంలో సూపర్ సీరియల్ ఛాంపియన్‌షిప్‌కు అర్బన్‌లో 3.22 రూరల్‌లో4.06, డ్రామా జూనియర్స్ అర్బన్‌లో 2.91 రూరల్‌లో 3.17 రేటింగ్ నమోదైంది.

ప్రభావం చూపించలేకపోతున్న స్టార్ మా

ఇక స్టార్ మాలో ప్రసారమయ్యే షోలలో సిక్స్ సెన్స్, కామెడీ స్టార్స్, స్టార్ట్ మ్యూజిక్ షోలు టాప్ రేటింగ్‌ను సొంతం చేసుకొన్నాయి. ఓంకార్ హోస్ట్‌గా వ్యవహరించే సిక్త్ సెన్స్ షోకు అర్బన్‌లో 5.95 రూరల్‌లో 7.60, సుమ హోస్ట్‌గా వ్యవహరించే స్టార్ట్ మ్యూజిక్‌కు అర్బన్‌లో 3.36 రూరల్‌లో 4.39, అలాగే శేఖర్ మాస్టర్, శ్రీదేవీ హోస్టులుగా వ్యవహరించే కామెడీ స్టార్స్ షోకు అర్బన్‌లో 3.14 రూరల్‌లో 3.67 రేటింగ్ లభించింది.

టాప్ లేపుతున్న ఈటీవీ

ఈటీవీలో ప్రసారమయ్యే ఎక్స్‌ట్రా జబర్దస్త్, జబర్దస్త్, ఢీ 13 శ్రీదేవి డ్రామా జూనియర్స్, క్యాష్ షోలకు మెరుగైన రేటింగ్‌ను నమోదు చేసుకొన్నాయి. రష్మీ గౌతమ్ హోస్ట్‌గా వ్యవహరించే ఎక్స్‌ట్రా జబర్దస్త్ అర్బన్‌లో 7.65 రూరల్‌లో 10.26 రేటింగ్, జబర్దస్త్ అర్బన్‌లో 6.16, రూరల్‌లో 8.58, శ్రీదేవి డ్రామా జూనియర్స్ అర్బన్‌లో 4.94 రూరల్‌లో 6.35, సుమ హోస్ట్‌గా వ్యవహరించే క్యాష్ షో అర్బన్‌లో 4.01 రూరల్‌లో 5.61 రేటింగ్‌తో టాప్‌లో నిలిచాయి.

ఓవరాల్‌గా స్టార్ మా

ఇక ఓవరాల్‌ రేటింగ్ విషయానికి వస్తే.. స్టార్ మా ఛానెల్ అర్బన్‌లో 965, రూరల్‌లో 883 పాయింట్లతో టాప్ రేటింగ్‌ను సొంతం చేసుకొన్నది. ఆ తర్వాత స్థానంలో జీ తెలుగు అర్బన్‌లో 739, రూరల్‌లో 739 రేటింగ్‌ను సాధించింది. ఈటీవీ తెలుగు అర్బన్‌లో 572, రూరల్‌లో 494 పాయింట్లతో మూడో స్థానంలో నిలిచింది.

టెడ్డీ మూవీకి మంచి రేటింగ్

ఇదిలా ఉండగా, స్టార్ మాలో ప్రీమియర్ షోగా ప్రసారమైన టెడ్డీ చిత్రం మంచి రేటింగ్‌ను నమోదు చేసుకొన్నది. ఆర్య, సాయేషా నటించిన ఈ చిత్రం అర్బన్‌లో 6.23, రూరల్‌లో 8.51 రేటింగ్‌ను సాధించింది. ఈ చిత్రం కొద్ది రోజుల క్రితం ఓటీటీ ద్వారా ప్రేక్షకుల ముందుకు వచ్చిన విషయం తెలిసిందే.