హోమ్

లేటేస్ట్ న్యూస్

స్టైలిష్ స్టార్ అల్లు అర్జున్ హీరోగా, మాటల మాంత్రికుడు, సుప్రసిద్ధ సినీ దర్శకుడు త్రివిక్రమ్ దర్శకత్వంలో రూపుదిద్దుకున్న సినిమా 'అల వైకుంఠపురములో'. హారిక అండ్ హాసిని క్రియేష‌న్స్, గీతాఆర్ట్స్ బ్యాన‌ర్స్‌పై అల్లు అరవింద్‌, ఎస్‌.రాధాకృష్ణ ఈ చిత్రాన్ని సంయుక్తంగా నిర్మించారు ఈ చిత్రం సంక్రాంతి సంద‌ర్భంగా జ‌న‌వ‌రి 12న విడుద‌లై విజయభేరిని మోగిస్తూ దూసుకెళ్తోంది.

'అల... వైకుంఠపురంలో' చిత్రానికి ప్రేక్షకుల నుండి వస్తున్న రెస్పాన్స్ అద్భుతంగా ఉంది. విడుదలైన అన్ని చోట్ల ఈ చిత్రం స్టైలిష్ స్టార్ అల్లు అర్జున్ కెరీర్ లోనే బెస్ట్ ఓపెనింగ్స్‌గా నమోదు చేసుకుంది. గతానికి భిన్నంగా ఓవర్ సీస్‌లో కూడా ఈ చిత్రం రికార్డు ఓపెనింగ్స్ దక్కించుకోవడం గమనార్హం. సినిమా ఇంతటి ఘన విజయం సాధించిన సందర్భాన్ని పురస్కరించుకుని చిత్ర యూనిట్ అభిమానుల సమక్షంలో బహిరంగంగా ఈ చిత్ర విజయోత్సవ సభ నిర్వహించబోతున్నారు.

జనవరి 19న వైజాగ్ లో అల వైకుంఠపురంలో సక్సెస్ సెల్రబ్రేషన్ గ్రాండ్‌గా చేయబోతున్నారు. ఈ మేరకు ఇప్పటికే ఏర్పాట్లు కూడా శరవేగంగా జరుగుతున్నాయి. ఆర్కే బీచ్‌లో ఆహ్లాదకరమైన వాతావరణంలోఈ చిత్రం విజయోత్సవ వేడుకలను ఘనంగా నిర్వహించబోతోన్నారు. అటుపై తిరుపతి, కర్ణాటక, కేరళలో కూడా సక్సెస్ మీట్స్‌ను నిర్వహించనున్నారు. పూజా హెగ్డే హీరోయిన్ గా నటించిన ఈ చిత్రానికి తమన్ అందించిన సంగీతం చిత్రం విజయం సాధించడంలో కీలకపాత్ర పోషించింది.