ఇంట్రెస్టింగ్: సీక్రెట్స్ బయటపెట్టేందుకు రెడీ అయిన అనుష్క..

ఆరంభంలోనే నాగార్జునతో రొమాన్స్

కెరీర్ ఆరంభంలోనే నాగార్జునతో రొమాన్స్ చేసిన అనుష్క ఆ తర్వాత అందరు అగ్ర హీరోల సరసన నటించింది. పలు లేడీ ఓరియెంటెడ్ సినిమాలు కూడా చేసి తన టాలెంట్ బయటపెట్టింది. బాహుబలి సిరీస్‌తో ఏకంగా వరల్డ్ స్టార్‌గా మారింది. కాగా ఆ మధ్యలో వచ్చిన సైజ్ జీరో సినిమా కోసం దాదాపు 20 కేజీల బరువు పెరిగి బొద్దుగా కనిపించి ఆశ్చర్య పర్చింది అనుష్క. క్యారెక్టర్ కోసం ఇంతలా బరువు పెరిగిన అనుష్క ఇక తగ్గటం కష్టమే అని భావించారంతా. కానీ క్రమంగా బరువు తగ్గి కుర్ర హీరోయిన్లు అసూయ పడే అందాన్ని తిరిగి సంపాదించుకుంది. నాజూకు నడుముతో ఈ మధ్యకాలంలో అనుష్క దిగిన పిక్స్ సోషల్ మీడియాలో బాగా వైరల్ అవుతున్నాయి.

అనుష్క ఫిట్‌నెస్ సీక్రెట్

దీంతో అనుష్క ఫిట్‌నెస్ సీక్రెట్ ఏంటా ? అనే కోణంలో చర్చలు మొదలయ్యాయి. కానీ ఎవ్వరికీ అంతుచిక్కలేదు. చివరకు తానే ఆ సీక్రెట్ చెప్పడానికి రెడీ అయింది స్వీటీ అనుష్క. ‘ది మాజిక్ వెయిట్ లాస్ పిల్' అనే పుస్తకంలో తన ఫిట్‌నెస్ సీక్రెట్స్ ప్రచురించనుందట అనుష్క. ల్యూక్ కుతిన్హో రచనలో రాబోతున్న ఈ పుస్తకంలో 62 రకాల హెల్త్ టిప్స్, వెయిట్ లాస్ టెక్నిక్స్ ఉంటాయట.

బాహుబలి, భాగమతి తర్వాత ప్రభాస్‌తో

బాహుబలి, భాగమతి సినిమాల తర్వాత కొంతకాలం అనుష్క వెండితెరకు దూరంగా ఉంది. ఈ మధ్యకాలంలో ఆమెకు పెళ్లి సంబంధాలు చూశారని, ప్రభాస్ తో పెళ్ళికి సిద్ధమైందని రకరకాల వార్తలు పుట్టుకొచ్చాయి. కానీ చివరకు ఆమె బరువు తగ్గేందుకు ఈ గ్యాప్ తీసుకుందని కన్ఫర్మ్ అయింది.

అనుష్క శెట్టి సినిమాల సంగతి

ఇక అనుష్క సినిమాల విషయానికొస్తే.. హేమంత్ మధుకర్ దర్శకత్వంలో తెరకెక్కుతున్న సైలెన్స్ అనే డిఫెరెంట్ మూవీలో లీడ్ రోల్ పోషిస్తోంది. అలాగే 13 ఏళ్ల తర్వాత చిరంజీవి సరసన సైరా నరసింహా రెడ్డి సినిమాలోని ఓ పాటలో చిందులేస్తోంది. ఎన్టీఆర్, రామ్ చరణ్ హీరోలుగా రాబోతున్న ఆర్ఆర్ఆర్ మూవీలో కూడా అనుష్క దర్శనమీయనుంది.