Don't Miss!
- News ఏపీ సచివాలయ ఉద్యోగుల సంఘం అధ్యక్షుడు వెంకట్రామిరెడ్డిపై సస్పెన్షన్ వేటు
- Sports PBKS vs MI: చెలరేగిన సూరీడు... తెలుగోడు!
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
ప్రియదర్శి “మెయిల్”కి అరుదైన ఘనత..'ఆహా' అనిపిస్తూ ఆ ఫిలిం ఫెస్టివల్కి ఎంపిక!
కమెడియన్ ప్రియదర్శి నటించిన మెయిల్ అనే వెబ్ సిరీస్ తరహా ఎపిసోడ్ కొద్ది రోజుల క్రితం ఆహాలో రిలీజ్ అయిన సంగతి తెలిసిందే. కంబాలపల్లి కథలు అనే ఒక నాలుగు ఎపిసోడ్స్ లో మొదటి ఎపిసోడ్ గా రిలీజ్ అయిన మెయిల్ కి ప్రేక్షకుల నుంచి మంచి స్పందన వచ్చింది. స్వప్న సినిమా బ్యానర్ రూపొందిన ఈ ఎపిసోడ్ అంతా గ్రామీణ నేపథ్యంలో సాగుతుంది. కొత్తగా కంప్యూటర్ వచ్చిన 2005 సంవత్సరం మొదట్లో సాగిన కథను ఎంచుకున్న దర్శకుడు దాని ద్వారా కామెడీ పండించి, అందరినీ ఎంగేజ్ చేయగలిగాడు. అప్పుడప్పుడే ఊర్లలో కంప్యూటర్ పరిచయం అవుతున్న రోజులు అంటూ మొదలయ్యే ఈ ఎపిసోడ్ జనవరి 12న 'ఆహా'లో విడుదలైంది.
ఇందులో ప్రియదర్శి తోపాటు హర్షిత్ మల్గిరెడ్డి, గౌరీ ప్రియ కీలక పాత్రల్లో నటించగా.. ఉదయ్ గుర్రాల దర్శకత్వం వహించాడు. ఇక విడుదలైన మొదటి రోజు నుంచే మంచి పాజిటివ్ టాక్ తెచ్చుకున్న ఈ ఎపిసోడ్ కి అరుదైన గౌరవం దక్కింది. ఈ 'మెయిల్' ఎపిసోడ్ జూన్ 4 నుంచి ప్రారంభమయ్యే న్యూయార్క్ ఇండియా ఫిల్మ్ ఫెస్టివల్లో ప్రదర్శనకి ఎంపికయ్యిందట. ఈ విషయాన్ని ఆ చిత్ర నిర్మాణ సంస్థ 'స్వప్న సినిమా' సోషల్ మీడియా వేదికగా ప్రకటించింది.
ప్రియాంక దత్ నిర్మాతగా ఈ సినిమాకు వ్యవహరించిన ఈ ఎపిసోడ్ కి ఉదయ్ గుర్రాల దర్శకత్వం వహించాడు. హైబత్ అనే పాత్రలో నటించిన ప్రియదర్శి ఊర్లో చిన్న పిల్లలు గేమ్స్ ఆడుకోవడానికి గేమింగ్ సెంటర్ ఒక ఏర్పాటు చేసి బిజినెస్ మొదలు పెడతాడు. అదే ఊరిలో ఒక కాలేజీ కుర్రాడు(హర్షిత్) కంప్యుటర్ నేర్చుకోవాలని ఆశపడతాడు. అయితే ఆ కుర్రాడు హైబత్ దగ్గర కంప్యూటర్ అసలు నేర్చుకున్నాడా? నేర్చుకునే ప్రాసెస్ లో ఏం జరిగింది? అనే చిన్న లైన్ ను ఆధారంగా చేసుకుని రాసుకున్నదే ఈ ఎపిసోడ్ కధ. మొత్తం మీద ఈ ఎపిసోడ్ న్యూయార్క్ ఇండియా ఫిల్మ్ ఫెస్టివల్ ప్రదర్శనకు ఎంపిక కావడం ఆసక్తికరంగా మారింది.