లెజెండ్ వెల్‌కమ్ ఇంత సాధారణంగా? అస్సలు బాలేదు.. రామ్ చరణ్‌పై సెటైర్స్

అప్పట్లో మణిశర్మ హంగామా..

సంగీత దిగ్గజం మణిశర్మ అప్పట్లో తెగ హంగామా చేశారు. ఒకానొక సమయంలో ఏ సినిమా వచ్చినా దానికి మణిశర్మనే సంగీతం అందించి దాన్ని మ్యూజికల్ హిట్‌గా నిలిపేవారు. ఇలా ఎన్నో సినిమాలకు తన సంగీతంతో ప్రాణం పోశారు మణిశర్మ. అయితే ఇలాంటి సంగీత దిగ్గజం ఈ సారి మెగాస్టార్ చిరంజీవి కోసం రంగంలోకి దిగుతోంది.

మెగా 152.. మ్యూజిక్ డైరెక్టర్ ఫిక్స్

సైరా నరసింహా రెడ్డి లాంటి భారీ సినిమా తర్వాత తన 152 వ సినిమాతో ప్రేక్షకుల ముందుకు రాబోతున్నారు మెగాస్టార్ చిరంజీవి. కొరటాల శివ దర్శకత్వంలో రూపొందుతున్న ఈ సినిమాకు రామ్ చరణ్ నిర్మాతగా వ్యవహరిస్తున్నారు. జనవరి 2 నుంచి ఈ సినిమా రెగ్యులర్ షూట్ మొదలైంది. ఈ సందర్భంగా మెగా 152 మ్యూజిక్ డైరెక్టర్ ఎవరనేది అఫీషియల్‌గా ప్రకటించారు రామ్ చరణ్.

రంగంలోకి లెజెండ్‌.. గ్రాండ్ వెల్‌కమ్

చిరంజీవి కోసం మ్యూజికల్ లెజెండ్‌ మణిశర్మ రంగంలోకి దిగుతున్నారు. ఈ మేరకు ఆయనకు గ్రాండ్ వెల్‌కమ్ చెబుతూ ట్వీట్ చేసింది రామ్ చరణ్ ప్రొడక్షన్ కంపెనీ. ఈ మేరకు ఈ విషయాన్ని చెబుతున్నందుకు తమకు చాలా ఆనందంగా ఉందని పేర్కొంటూ ట్వీట్ చేసింది కొణిదెల ప్రొడక్షన్స్ బ్యానర్.

ఇంత సాధారణంగానా.. అస్సలు బాలేదు

అయితే ఈ ట్వీట్ చూసిన కొందరు నెటిజన్లు మ్యూజికల్ లెజెండ్‌ అనౌన్స్‌మెంట్ ఇంత సాధారణంగా ఉంటే ఎలా అని ప్రశ్నిస్తున్నారు. ''సుమారు 13 సంవత్సరాల తర్వాత మళ్ళీ మణిశర్మ గారు మెగాస్టార్ చిరంజీవి గారి సినిమాకి మ్యూజిక్ అందిస్తున్నారు.. ఆ విషయాన్ని మీరు ఇంత సాధారణంగా ప్రకటన చెయ్యడం బాలేదు.. ఆ అనౌన్స్మెంట్ చాలా గ్రాండ్‌గా ఉండాలి'' అని అంటున్నారు.

చిరంజీవి- మణిశర్మ కాంబో.. సంగీత ప్రియులకు ట్రీట్

గతంలో చిరంజీవి- మణిశర్మ కాంబో ఎన్నో సూపర్ డూపర్ మ్యూజికల్ హిట్స్ వచ్చాయి. ఇంద్ర, జై చిరంజీవ, చూడాలని ఉంది, మృగరాజు, అన్నయ్య, బావగారు బాగున్నారా, అంజి, ఇద్దరు మిత్రులు లాంటి ఎన్నో సినిమాలు వీరి కాంబినేషన్‌లో వచ్చి సంగీత ప్రియులను రంజింప జేశాయి.